Litanga 1:27 - KITABU KITAKATIFU

²⁷ Kunangwa Nyasaye yalomba mundu mu lifana lilie mwene. Yalomba musaza nu mukali.

Litanga 1:27 Iomraidhean Croise

Litanga 2:18

Maku Yahova Nyasaye yavoola, “Si voveeye vulahi umundu komenya yeng'ine mba. Inzi ndamulombera mukonyi udukana naye.”

Litanga 2:7

Kunangwa Yahova Nyasaye yalomba umundu kutura ku luguchi lwa marova. Yahuuza muye umwika gwaakola umundu oyo kuva ni liiva mwoyo.

Litanga 9:6

Umundu yalombwa kuli lifwana lia Nyasaye, kunangwa mundu woosi wita wundu aliitwa ndio nuwache.

Zaburi 139:14

Nzizominyaa ivi kigira wanomba wokogenyia kandi wukuhuga. Miyinzi jijo jiveeye jokogenyia; ivi umanya inzi vulahi ligali.

Kohelethu 7:29

Yaga goosi nigo gamali kwiga. Nyasaye yakolomba vandu valungi, navuzwa kwagirung'ana kuva novogeri kuvita kuli Nyasaye yakolomba.

Isaya 43:7

Vaveeye avandu vange, ndaavalomba vaduuki koleta uvukumi ku inzi.”

Jeremia 29:6

Muleete avakali na mwivuli avana. Avana vinyu avayaayi valeete avakali, na avana avakaana vazie zingali, kunangwa vaduuki kwivura avana vayaayi na avakaana. Livulana lienyu limeedeke, na mutagehera mu livula mba.

Malaki 2:15

Nyasaye yalomba munyi vosi kuva muviri mulala kandi Roho mulala. Lienya lilie liali ndi muduuki konyoora avana vaveeye vandu va giligali va Nyasaye. Kunangwa mulole ndi mutavunaga lilagana lienyu na vakali vienyu mba. Vuli mundu agumili lilagana lilie nu mukali weve.

Matayo 19:4

Yeso yavativulira, “Simwasoma Mang'oda Matakatifu agaavoola ndi, Nyasaye uwalomba avandu mu litanga, yavalomba umusaza nu mukali,

Marko 10:6

Navuzwa kutura mu litanga lie lilombwa lie lirova, Nyasaye yavalomba umusaza nu mukali.

Vafeso 2:10

Nyasaye umali kokolomba kuli koveeye, kandi mu lihambanywa harara na Kristo Yeso, yalomba kunyi kigira livamwoyo lie vikolwa vilahi, viamali kwetegekizira kunyi kuduuki kokora.

Vafeso 4:24

kuduuka mwiviki liiva liu mundu muhia, ilialombwa muliiva lia Nyasaye, lievulaa liene mu liiva lia giligali kandi uvutakatifu.

Kwidzulitsa 4:32

“Mwenyelerizi amakuva ga madiku gaavita kale, ing'inga ya mwali nimukikiri kwivulwa, kutura ing'inga ya Nyasaye yalomba mundu ku lirova. Yenyelerizi ku lirova liosi. Inguuva enene kuli yiyi yayekoleka ku maziambiri? Mundu woosi, yahulira ku inguuva yu lugano yilu?

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vakolosai 1:26

Imbisu yi likuva lia Nyasaye yaaviswa kutura kale ligali ku makura na amakura, navuzwa kalunu imali kuvurwa ku avandu va Nyasaye.

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

Vakalagi 21:22

Niiva vababa anoho avavozo vaavo valaleta amahangari munyala kuvavoolera, ‘Mwaza leki komenye navo vave avakali viitu, kigira sikwavavugula mu vulwani kutura kumunyi mba. Na kigira simwavahaana kukunyi, simulavalizwa kuva na mahiolo mu livunaga lilago lienyu mba.’ ”