Litanga 1:26 - KITABU KITAKATIFU

²⁶ Maku Nyasaye yavoola, “Gendi kolombe mundu mu lifana lietu naalava kuli kuinyi. Maku valamiha vilombe viosi viveeye mu mazi, amanyonyi goosi gu mu ligulu kandi ku lirova, mitugu kandi zinyama ziosi ziu muvulimu, kandi vimolaa ku lirova viosi.”

Litanga 1:26 Iomraidhean Croise

Litanga 11:7

Gendi kuzie kogoyanyia lulimi lwavo kunangwa vavuli kuhulirizana aveene na vene.”

Litanga 2:19

Kunangwa yavugula malova nalomba zinyama ziosi ziu mu lirova kandi manyonyi goosi gu mu ligulu. Maku yavileeta ku mundu aduuki kuvigulika amita. Vilombe viosi vianyola mita gavio kuli ndio.

Litanga 3:22

Maku Yahova Nyasaye yavoola, “Kalunu umundu umali kuva mulala kuli kunyi, kandi aveeye novogeri vwi limanyiriza uvulahi nu vudamanu. Si alavugilirwa kandi kuvugura makuyu kutura ku musaala gwi livamwoyo, kulia kandi komenya mihiga ni mihiga mba.”

Litanga 5:1

Yaga namita agivisukululwi via Adamu. Lwa Nyasaye yalomba umundu, ya mulomba mulifwana lilie.

Litanga 9:6

Umundu yalombwa kuli lifwana lia Nyasaye, kunangwa mundu woosi wita wundu aliitwa ndio nuwache.

Ayubu 35:10

Navuzwa sivagirung'ana koyeeka ku Nyasaye mulombi wavo mba; uvaheezaa lisuuvirizwa mu zing'inga ziavo zie kisundi kenene ligali.

Ayubu 39:11

Unyala kugisuuvira kigira zinguru ziayo ziveeye zinyingi? Unyala kugelekela miyinzi jijo miliduhu ekokolere?

Ayubu 5:23

Milimi ja mulimaa sijilava mu na magina mba; zinyama ziumbulimu sizilakwingilira kali hakuzu mba.

Zaburi 100:3

Mumanye ndi Yahova aveeye Nyasaye. Yalomba kunyi na kunyi koveeye aveeve. Koveeye avandu veve kandi koveeye chayo cha magondi geege.

Zaburi 149:2

Musangare O, Isiraeli kigira uyu wamulomba. Musangare munyi avandu va Ziyoni kigira mwami winyu!

Kohelethu 7:29

Yaga goosi nigo gamali kwiga. Nyasaye yakolomba vandu valungi, navuzwa kwagirung'ana kuva novogeri kuvita kuli Nyasaye yakolomba.

Lwimbu lwa Solomoni 1:11

Navuzwa kulakolombera munyororo gwi zahabu, nigusihiywi ni ifeza.

Isaya 45:18

Yahova yalomba iligulu, aveeye Yahova Nyasaye! Yalomba lirova, yalilomba kuva lidinyu kandi liu kuhindira. Siyalilomba kuva liere mba, navuzwa live havundu ha avandu komenya. Yahova mwene avoora, “Inzi mbeeye Yahova, siaveeye ho nu munyasaye wundi mba.

Isaya 6:8

Maku ndahulira Yahova navoora, “Nivwaha wanyala kutuma? Kandi nivwaha unyala kuva mutumwa wiitu?” Maku ndavoora, “Inzi mbeeye hano nduma!”

Isaya 64:8

Yahova, ivi oveeye baba wiitu. Kunyi koveeye kuli ovodohi, na ivi oveeye kuli umulongi. Ivi wakolomba.

Jeremia 27:6

Kalunu mali kuhaana vivala yivi viosi kuzinguru ziu mutumikiri wange, Nebukadineza, mwami wa Babiloni mutumikiri wange, kandi mali kokora kali zinyama ziosi ziu mbulimu kumutumikira.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

Yohana 5:17

Yeso yavativulira, “Baba wange akolaa miyinzi kazozo, nainzi gaduukanaa kandi ngole miyinzi.”

Vikolwa 17:20

Vindu vilala via kuhuliraa novoora ni vigeni ku kunyi. Kwenya kumanya cha makuva yaga gavoora.”

Vikolwa 17:26

Yalomba zihiiri ziosi kutura ku mundu mulala, naziviika komenya ku lirova liosi. Yatovola no kolomba kale ligali zing'inga kandi keheri chi vivala via zilimenya mu.

1 Vakorintho 11:7

Sigaduukana musaza akuniki mutwi gwigwe lwa asaalaa mba, kigira aveeye ligondo kandi vukumi vwa Nyasaye. Navuzwa umukali aveeye vuzwa vukumi vwu musaza weve.

2 Vakorintho 3:18

Kunyi vosi avakwavula kufuumwa mu moni mwitu, kumanyia uvukumi vwu Mwami. Uvukumi zana yivwo vuturaa ku Mwami oveeye Roho akugiruganyia kuva mu liiva lia higulu ligali mu vukumi.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Vafeso 4:24

kuduuka mwiviki liiva liu mundu muhia, ilialombwa muliiva lia Nyasaye, lievulaa liene mu liiva lia giligali kandi uvutakatifu.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vakolosai 3:10

Mumali kwivika kandi liiva lihia. Yili ni liiva lia Nyasaye, alikola vuli ing'inga kuva ni liiva kuli lilie mwene kuduuka mu limanya liduukiru lilie.

Yakobo 3:7

Vandu vaveeye nu vunyali kutuga kandi amalakulaga zing'ano ziosi zie zinyama ziu mbulimu, amanyonyi, ni zinyama zimolanga, vilombe viosi viu mu inyanza, kuli zisuzi.

Yakobo 3:9

Kulutumikiraa kusandiza Mwami wiitu kandi Baba, kandi kulutumikiraa kulaama vandu vandi valombwa mu lifwana lia Nyasaye.

1 Yohana 5:7

Kandi Roho niyie mulolekizi, kigira aveeye agiligali.