Litanga 1:14 - KITABU KITAKATIFU

¹⁴ Nyasaye yaalaga, “Uvulavu vololeke, uvwerefu wavukanya mbasu nu vudiku, kandi kumanyia ing'inga ya madiku kandi ing'inga yi mihiga;

Litanga 1:14 Iomraidhean Croise

Litanga 1:13

Na mugolova gwavita na mugamba niguduuka. Yili liali lidiku lia kavaga.

Litanga 1:15

kandi ving'ereng'ane muvwerefu vwi ligulu kandi koleta uvulavu ku lirova.” Na geekoleka ndio.

Litanga 8:22

Ku ing'inga lwi lirova likikiliho, ilavaho ni ing'inga yu kutaga, kandi ing'inga yo kogesa. Ilavaho kandi ing'inga yu vukindu kandi ing'inga yu luya, ing'inga yu vukindu, ing'inga yu umbasu, kandi umbasu nu vudiku. Zing'inga yizi ziosi si zilahera mba.”

Litanga 9:13

inzi mbikaa kisaahi change mu malesi. Kilakave kelolero chi lilagana liange harara navandu vosi mu lirova.

Ayubu 25:3

Aveeye ho nu unyala kuvaliza zingelosi avamutumikiraa? Haveeye ho na havundu hu uvulavu vwa Nyasaye vuvuraa kong'ereng'ana?

Ayubu 25:5

Henza, kali umweli si goveeye mwaaku mba, kandi zing'ereng'ani si ziveeye zisiyiku imbiri wa Nyasaye mba.

Ayubu 3:9

Leka zing'ereng'ani zia mugambazuri zialio zigwi kisundi; kandi avuli kolola vwaku vwi liuva lia mugambazuri,

Zaburi 119:91

Ku malago googo vilombe viosi viveeye ho kuduuka lero, kigira vindu viosi vikutumikiraa.

Zaburi 148:3

Mwizominye Yahova munyi liuva nu mweli; mumwizominye munyi zing'ereng'ani zing'ereng'ana.

Zaburi 148:6

Ku lilaga lilie yavisingiriza vudinyu mu vogono vwavio mihiga ni mihiga. Lilaga yili silinyala kuvunwa mba.

Zaburi 150:1

Mwizominye Yahova! Mwizominye Nyasaye mu Litembeli lilie. Mwizominye kigira zinguru zizie zinene mwigulu

Zaburi 81:3

Mukubi kisiriva kigira lilia, lwu mweli gulavaa kandi lwu mweli guchelaa.

Isaya 40:26

Heenzi igulu mu Ligulu! Nivwaha walomba viosi viveeye mu? Ni oyo uviemiliraa kuli iliihi liu vulwani, yamanya ni vianga via yalomba, kandi yamanya lieta lia vuli kelombe! Kigira aveeye wizingulu kandi wuvunyali, sihakaveeye ho ne kelombe kali kilala ikinyala kogota mba.

Jeremia 10:2

Avoora, “Mutalonda zinzira ziezihiiri zindi mba; mutanyangizwa ni vindu viokogenyia vikoleka mu ligulu mba, kali niiva izihiiri zindi zitihizangwa.

Jeremia 31:35

Yahova ahaanaa liuva kigira uvulavu vwilidiku, mweli nizing'ereng'ani viaka vudiku. Ahunzulanyia inyanza ma agekola kuhuuma; lieta lilie ni Yahova Wuvunyali.

Jeremia 33:20

“Niiva mulavunaga lilagana liange mbasu kandi vudiku, kunangwa lidiku liene yilio nu vudiku vwene yivwo vuvuli kuduuka ku ing'inga idukanaa,

Jeremia 33:25

Navuzwa Inzi Yahova, mbeeye ni indagano ni lidiku kandi nu vudiku, kandi mali kolomba amalago kwamiiha ligulu ni lirova.

Ezekieli 46:1

Mwami Munene Yahova avoora, “Kirivwa chi Ivugwi chu mugizi gwu mugati kuduuka kihanwe ing'inga ya madiku 6 gi liyinzira, navuzwa kuduuka kandi chigulwi ku lidiku lie lisabato kandi kulisavo liu mweli muhia.

Ezekieli 46:6

Ku lidiku lie Lisavo liu Mweli Muhia gamuduukira ahaane kemoli kigiriki kesoleli, vimeme via magondi 6 kandi ligondi limigu, viosi vugira imbara.

Joeli 2:10

Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Joeli 3:15

Liuva nu mweli vilava kisundi, zing'ereng'ani sizirang'ereng'ana kandi mba.

Amosi 5:8

Yahova yalomba zing'ereng'ani: Pleiadesi na Orini. Agringanyia kisundi kuva umbasu, na umbasu kuva uvudiku. Alanganga amazi kutura mu zinyanza, nu kugazuka ku kivala. Lieta lilie liveeye Yahova.

Amosi 8:9

Yahova Nyasaye Wanyala Viosi avoora, “Lidiku lizaa lwa ndikola iliuva koyeera mu zisa zia mbasu hagati, na ndaleta kisundi ku kivala ing'inga ya mbasu.”

Matayo 2:2

Na vateva, “Aveeye hayi, uyu umwana uwivuliiywi kuva mwami wa Vayuda? Kigira koololi eng'ereng'ani yeeye Ivugwi, na kuuzi kumusigamira.”

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Marko 13:24

“Navuzwa mu madiku yago, inyima yi kivi yicho, iliuva lilakamwame, nu umweli si gulakake mba.

Luka 23:45

Inguvu yikitambaya iyakunikaa hatakatifu hu vutakatifu mu Litembeli yatandulwa mu kaviri.

Kwidzulitsa 4:19

Mutagelizwa kusigamira kandi kutumikira via muloraa muvwerefu kuli liuva, mweli, kandi zing'ereng'ani mba. Yahova Nyasaye winyu yamala kuhaana yivi ku avandu vandi vosi vavisigamiri.

Likunula 6:12

Ndaalora kandi Mwana wi Ligondi navoholora umuhuri gwa sita, na henza liali ho lidegera linene kandi liuva liamwama kuli ligunia lialombwa ku uvwoya uvumwamu, nu umweli gwosi gwakanya kuli amasahi.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.

Likunula 9:2

Eng'ereng'ani zana yakunura gehena yicho nu umwoki gwatula mu kuli gutulaa mu kisambiru kenene. Liuva nu uvwerefu viosi viamwama kigira umwoki gwatura mu.