Likunula 9:6 - KITABU KITAKATIFU

⁶ mu ing'inga yi mieli jitano yijo avandu valeegomba likuza, navuzwa sivalalinyoola mba. Valeegomba vakuzi navuzwa likuza liliruka kutura kuvo.

Likunula 9:6 Iomraidhean Croise

2 Samweli 1:9

Ahene yaho yavoola, ‘Hamba hano unziti! Saliriziywi vudamanu ligali, kandi mbeeye ahimbi kukuza.’

Isaya 2:19

Avandu valakingiri mu zimbangaywa zia magina gi vigulu, kandi mu malina gu mu lirova kunangwa vahononoke kutura ku vutima vwa Yahova, kandi kwivisa kutura kuzinguru zizie nu vukumi vwivwe, lwa yaza kodegeriza lirova.

Jeremia 8:3

Avandu vi ihiiri indamanu yiyi avatigara, valakamenye havundu aha ndavasalanyira hoosi ahamali kuvahila; valakenye kukuza muvogono vwu kuzizagilira komenya. Inzi Yahova Wuvunyali mali kovora.”

Hosea 10:8

Havundu hadiguluku ha Bezi Aveni, ha vandu va Isiraeli vasigamira vifananyi haladivizwa. Amafa kandi zindavati vilamera ku vwali vwavo.Avandu valavoolera vigulu ndi, “Mukuvisi!” Kandi valavoolera utugulu ndi, “Mukukingi!”

Luka 23:30

Ing'inga yeyo niyio ya avandu valitanga kovoolera vigulu, ‘Mukugwiri!’ Na ku tugulu, ‘Mukukuniki!’

Likunula 6:16

Navo vavoolera ivigulu yivi na amagina yago, “Kugwiri kandi mukuvisi kutura mu zimoni zia uyu wikaye kondeve yu uvwami kandi kutura ku uvutima vwu Mwana wi Ligondi!