Likunula 9:21 - KITABU KITAKATIFU

²¹ Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.

Likunula 9:21 Iomraidhean Croise

Isaya 47:12

Kalunu musingiri vudinyu nu vukumu kandi nu vusigitiri vwinyu, vwa mwaali navwo kutura ni mukikiri avana. Hawundi munyala konyoora ovokonyi, anoho munyala konyoora zinguru ziu kutihiza avasigu vinyu.

Isaya 47:9

Navuzwa mu ing'inga indala kandi mu lidiku lilala, mulakuza harara na avana vinyu vosi, kali niiva muveeye ni zinguru zinene kandi zinyingi ziu vukumu kandi uvusigitiri.

Isaya 57:3

Hambi hano na mukalagirwi munyi avoni! Munyi simuveeye valahi kuvita avasigitiri, avaheyi namalaya mba.

Danyeli 11:33

Aviimiliri vageri va vandu valakasange vogeri vwavo na vandi vanyingi. Navuzwa ku ing'inga engekeeke valala kuvo valakitwi mu vulwani anoho valakasambwe kuduuka ku likuza, na vandi valakanuulwi kandi valakakolwe avahambe.

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 15:19

Kigira mu mwoyo gwigwe zing'anagani zindamanu zitulaa mu, izimwimiliraa ukwita, okoheya, kandi okokora ikifwavi chi zing'ano ziosi; kunuura, koveha nu kugina avandi vandi.

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

Vagalatia 5:20

ukusigamira vifananyi, ovologi, uvusigu, ovolembani, embodoka, uvutima, uvwimani, amahangari, ukwavukana, ukwikala vidieli,

Likunula 13:13

Kunangwa king'ang'a cha kaviri yiki chaakola vilolekizu vinene viokogenyia, kali nikekola muliru kwika kutura mwigulu kuuza ku lirova imbiri wa avandu.

Likunula 13:15

Nyasaye yaakivugilira kuviika umwika gwi livamwoyo mu kifananyi chi king'ang'a chu kutanga kuduuka kemolome, nu kwita yavo vosi avatasigamiraa kifananyi chi king'ang'a yiki.

Likunula 13:7

Yahevwa kandi umunwa kulwaana na vandu va Nyasaye, nu kuvaguuta. Chahevwa uvunyali ku zihiiri ziosi, ku avandu vosi, nuku zinimi ziosi.

Likunula 14:8

Engelosi wa kaviri yavoola, “Ligwiyi, ligwiyi, lidaala linene lia Babiloni lianwehiza zihiiri iwaini yalio, iwaini induru yi likayirwa lio ovoheyi.”

Likunula 16:6

Kigira, vaatahiza amasahi ga avatakatifu vovo na gavaporofeti, na ivi umali kuhaana kuvo amasahi vanwi, nindio vaduukana vakolwe.”

Likunula 17:2

Avami vi lirova liosi vaakora ovoheyi naye, kandi avandu vamenya mu lirova avahambiki kutura ku linwa iwaini yo ovoheyi vwivwe.”

Likunula 17:4

Umukali oyo yaali niyiviiki inguvu yi ligondo liu muzambarao kandi inzakanyu. Yaali niyiisiahi ni zahabu, kandi amagina amalahi guvuguli. Yaali ne kekombe chi zahabu mu mukono gwigwe ni chizuuyi vuvihilirizi kandi ovoheyi vwivwe.

Likunula 17:5

Mu uvweni vwivwe: yaali ni lieta ling'odeywi lie kivuni chalio chaviswa, “Babiloni enene mama Munene wa malaya goosi kandi mama wu vuvihilirizi vwi lirova.”

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”

Likunula 19:2

Likalaga lilie liveeye lie ligali kandi lirungi! Ukalagiyi umukali liraya munene, uwaali naagotiza lirova no voheyi vwivwe; Nyasaye umali kumuha amageri kigira yita avatumikiri veve.”

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Likunula 9:20

Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda.