Likunula 9:20 - KITABU KITAKATIFU

²⁰ Avandu vaatigara, avavura kwitwa na amaduywa yaga, siviganira ku miyinzi jamakono gaavo gakoraa mba. Kandi sivaleka kusigamira amademoni, anoho vifananyi vie zahabu, ji ifeza, umugasa, je ligina, ni jimisaala jitanyala kuyinzira, anoho kuhulira, anoho kogenda.

Likunula 9:20 Iomraidhean Croise

2 Avami 22:17

Vamali kondeka kandi vamali kuhaana visiuviliru ku vanyasaye vandi, nandio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, navwo sivulasiminywa mba.

2 Kyetsinyinga 28:22

Lwu uvudinyu vwa Ahazi vwa medeeka ligali, kandi naye yameda kwona ku Yahova mbitilira kuvita maziambiri.

2 Kyetsinyinga 34:25

Kigira vamali koleka inzi kandi vamali kuhaana visiuviliru ku avanyasaye vandi, na ndio vamali kuvukiza uvutima vwange ku miyinzi ja vamali kokora. Uvutima vwange vwakiziywi ku Jerusalemi, kandi sivulasiminywa mba.

Zaburi 106:37

Vaahana vayaayi na vakana vaavo, kuva kuli visiuviliru ku vifananyi via Kanaani.

Isaya 2:8

Kivara chavo chizuuyi vifananyi vinyingi ligali, kandi vasigamira vifananyi via vamali kolomba na amakono gaavo aveene.

Isaya 41:7

Umuvazi adinyirizaa umutuli wi izahabu okoli vulahi kandi mundu uduyaa kifananyi ni inyundu nu kukinihiza, adinyirizaa umundu uduyaa ni inyundu nu kuhambanyia ni misumari harara, vavoola, ‘Lisamba yili liveeye lilahi.’

Jeremia 1:16

Ndahaana amageri ku avandu vange vosi kigira vamali kokora uvwoni; vamali kondeka, kandi vamali kuhaana visiuviliru ku avanyasaye vandi, kandi vamali kolomba vifananyi nu kuvisigamira.

Jeremia 25:6

Vaamuvolera muvuli kusigamira kandi kutumikira avanyasaye vandi, kandi muvuli kokora Yahova ave nu vutima mu lisigamira vifananyi via mwalomba. Mulava ni mwatia Yahova, ngano si yamuha amageri mba.

Jeremia 44:8

Kigira ki mungolaa nimba nu vutima ku Lisigamira vifananyi kandi ku lihaana visiuviliru ku avanyasaye vandi mukivala cha Egebeti, havundu ha muuzi komenya? Mukoraa yaga kunangwa muduuki kwidiviza munyi aveene, kandi vuli ihiiri ku lirova iduuki kumukolera kehenyahenye kandi kutumikira lieta lienyu kuli kilaamo?

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 51:17

Muliiva kuli yili, avandu valoreka kuva avasiru kandi vugira limanyiriza; yavo avalomba vifananyi vaveeye mu zisoni, kigira avanyasaye vavalomba sivaveeye avagiligali mba kandi sivaveeye ni livamwoyo mba.

Danyeli 5:23

Oveeye ni liegingira ku Yahova wu mwigulu, kandi wavugula viju kutura munyumba ya Nyasaye wavileeta imbiri woovo. Wavihaana ku vandu vu munyumba yu vwamihi, avakali vovo kandi vakali vovo vaviika vanweramu iwaini. Wizominya avanyasaye valombwa kutura ku ifeza, izahabu, magina gu mugasa, vivia, misaala kandi magina; vanyasaye vatalolaa anoho kuhulira anoho vatamanyi, navuzwa si wahaana luyali ku Nyasaye oveeye ni litovola ku limenya anoho likuza mba; kandi oveeye nu vunyali ku vindu viosi via okolaa.

Danyeli 5:4

Vizominya avanyasaye valombwa ku izahabu, ifeza, magina gu mugasa, vivia, misaala kandi magina.

Kyavalevi 17:7

Avandu va Isiraeli sivadukanaa vazizagiliri kuva vataveeye vasuuvirifu ku Yahova mba, ku lisinzira zinyama mu viguuti kuli vihaanwa nukuvihaana ku mademoni gi zimburi. Avandu va Isiraeli gavadukiraa valindi lilaga kuduuka ku makura gaaza.

Mika 5:13

Ndanonyie vifananyi vienyu kandi minaara mitakatifu ja magina; simulasigamira kandi vindu via munyi vene mumali kolomba mba.

Matayo 21:32

Kigira Yohana yaza ku munyi naamumanyia inzira yu vulungi, na munyi si mwamusuuvira mba. Navuzwa avasololi vuvusuuru na vaheyi vaamusuuvira. Kali lwa mwaali ni mwa kalola agene yago goosi, si mwiganira, nu kumusuuvira mba.”

Vikolwa 17:29

“Kigira kunyi koveeye avana va Nyasaye, sivoveeye vulahi kuganagana ndi Nyasaye aveeye kuli izahabu, ifeza, anoho kali kuli ligina liavazwa; vindu viakongwa nu vusiza kandi no vogeri vwa avandu.

Vikolwa 19:26

Kalunu muloraa kandi muhulira ivindu via Paolo akolaa, sihaveeye hano mu Efeso mweng'ine, navuzwa kuduuka mu Asia mwosi. Paolo uyu agonyaa nagirung'anyia avandu vanyingi, na avoora ndi avanyasaye valombwa na avandu si vaveeye avanyasaye kali hakuzu mba.

Vikolwa 7:41

Gaali mu madiku yago aga velombera kifananyi che kemoli, nivahaana kucho, visiuviliru nivasangalira kifananyi chaali cha makono gaavo aveene.

2 Vakorintho 12:21

Mbeeye nu vuti ndi lwa nanzizi yaho ing'inga yiza, Nyasaye wange alakandeganyie imbiri winyu, na ndakasiome kigira vunyingi vwa yavo avaakoraa vwoni mu madiku gaavita, navuzwa sivayiganira vindu vidamanu kandi vwoni vwosi vwo voheyi vwa vaakora mba.

Kwidzulitsa 31:29

Manyi ligali ndi inyima wilikuza liange, avandu valagwa avadamanu kandi vasuuli icha ndaavigiza. Mu ing'inga yizaa, maduywa gukutihiza galavagwira, kigira valava ni vakora Yahova kuva nu vutima mulikola ga yavagaya vavuli kokora.”

Kwidzulitsa 32:17

Vahaana visiuviliru ku vanyasaye vitali vigiligali; ku avanyasaye vageni va avaguuga vaavo vavura kumanya, avanyasaye va Isiraeli vavura kolonda malago gaavo.

Kwidzulitsa 4:28

Uwene yeyo mulasigamira avanyasaye valombwa na makono ga vandu, avanyasaye vavaazwa kutura ku misaala na magina, avanyasaye vatanyala kolola anoho kuhulira, kulia anaho kufunyiriza.

Likunula 15:1

Ndaalora kandi kelolekizu kindi mwigulu ekenene chukuhuga kandi chokogenyia. Ziali ho ni zingelosi saba avaari nuvulwaye saba vudamanu vwu kumaliriza. Kuvitira muvwo vutima vwa Nyasaye vumali kohera.

Likunula 16:8

Engelosi wa kane yasundula ichaali mu bakuli yacho ku liuva. Liuva nalio liahevwa zinguru kusaamba avandu nu vuhiu ovonene ligali. Liuva liagwa muliru ligali ni lisaamba avandu nu uvuhiu vwalio.

Likunula 9:19

Izingulu zie zibarasi ziali mu minwa kandi mu mikira ziazio. Kigira mikira jazio jaali kuli zinzoka, kandi jiveeye ni mitwi ja saliriziraa avandu.

Likunula 9:21

Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.