Likunula 9:2 - KITABU KITAKATIFU

² Eng'ereng'ani zana yakunura gehena yicho nu umwoki gwatula mu kuli gutulaa mu kisambiru kenene. Liuva nu uvwerefu viosi viamwama kigira umwoki gwatura mu.

Likunula 9:2 Iomraidhean Croise

Litanga 15:17

Lwa liuva liayera, kisundi chaliho; inyingu yu muliru gwu mwochi kandi ulumuli lwi kiyayi nonoho viavitira hagati hi vidonye vie zinyama.

Litanga 19:28

Aburahamu yahenza ku madaala ga Sodoma na Gomora, na yalora mwoki niguduumaa kutura mu livona lie kivala choosi, kuli mwochi gutulaa mu kisambiru ekenene.

Kutwula 19:18

Kiguru cha Sinai choosi chizula umwochi, kigira Yahova yaali niyiiki hasi ku cho mu muliru. Mwochi gwaazia igulu kuli mwochi gwi kisambiru kenene, na avandu vosi vaadegera ligali.

Isaya 14:31

O, munyi avandu vi lidaala linene lia Filisitia, mulire kandi mwanire ovokonyi! Uluguchi luzaa kutura Ivaale, oveeye iliihi litaveeye mu na vandu vataveeye nu vuti.

Danyeli 3:6

Mundu woosi uvula ku chinamira kandi kukisigamira, alasuuvwa mu lomemo lwu muliru.”

Joeli 2:10

Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Joeli 2:2

Na live lidiku lie kisundi kandi liovovereri, lidiku lia malesi kandi kisundi kenene. Zisigi zinyingi ziza kuli kisundi kenene kufumaa vigulu. Sihaalikuho ni kindu kuli yiki mba, kandi sikilivaho mba.

Joeli 2:30

“Ndakahaana lieganihiza lie lidiku yilio mumalesi kandi ku lirova; naliveho litahiza lia masahi, muliru, kandi malesi gu mwoki.

Vikolwa 2:19

Ndakora vilolekizu yigulu mwigulu, na viokogenyia hasi mu lirova; galava ho amasahi, muliru nu mwoki munene;

Likunula 14:11

Umwoki gwu muliru gwi kivi ni lisalira liavo gulavuuya mihiga ni mihiga. Sihaveeye ni lisosa mbasu nu vudiku ku yavo avasigamiraa king'ang'a ni kifananyi chavo mba; kandi mundu woosi uvugilira chukumanyirwa chi lieta liayo.”

Likunula 16:10

Engelosi ya katano yasundula ichaali ku bakuli yaho kondeve yu uvwami vwi king'ang'a. Kisundi chakunika uvwami vwivwe na avandu viluma zinimi ziavo kigira uvusaliri.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.

Likunula 9:1

Engelosi wa katano yakuba kisiriva. Ndaalora eng'ereng'ani yaali niyaguluki ku lirova kutura mwigulu. Eng'ereng'ani yeyo yahevwa lufungu Iwo mu gehena.

Likunula 9:11

Ziali nu mwami wazio, engelosi wegehena. Lieta lilie mu lulimi lwa Vaheburaina liveeye Abadoni. Mu Luguriki liveeye Apolioni; liveeye kovora “Umudivizi.”

Likunula 9:17

Ndaalora kandi mu amalola gange zibarasi harara na vahiri vazio viviika zisalamba ziavo ziu mu viritu zie ivivia, nazio ziali zinzakanyu kuli muliru, ziali bulu kuli kibiriti nizigwa zia yelo kuli uvurudi. Imitwi ji zibarasi jaali kuli imitwi ji zisimba; muliru, umwoki kandi uvurudi viatula mu minwa jazio.