Likunula 9:17 - KITABU KITAKATIFU

¹⁷ Ndaalora kandi mu amalola gange zibarasi harara na vahiri vazio viviika zisalamba ziavo ziu mu viritu zie ivivia, nazio ziali zinzakanyu kuli muliru, ziali bulu kuli kibiriti nizigwa zia yelo kuli uvurudi. Imitwi ji zibarasi jaali kuli imitwi ji zisimba; muliru, umwoki kandi uvurudi viatula mu minwa jazio.

Likunula 9:17 Iomraidhean Croise

Litanga 19:24

Nonoho Yahova yatuma muliru kuli imbura kutura mu ligulu nigusamba madaala ga Sodoma na Gomora.

1 Kyetsinyinga 12:8

Kutura mu ihiiri ya avandu va Gadi ni vazia ku Daudi mu imbinga iyaali mu ligendanyama. Vaali avandu vi zinguru kandi avaluviriri mu vulwani, avaari nu vogeri vwu kulwaanira zinguva na matimu, mu moni mwavo mwaali kuli mu zimoni zie zisimba, vaali ni zimbiru kuli zimbongo ku vigulu:

Zaburi 11:6

Yahova atumaa amanda gu muliru, ni kibiriti kisambaa ku vachamu vosi. Ahaanaa amageri kuvo ni kihuzuzi kisambaa.

Isaya 30:33

Mu madiku ga kale, havundu haloombwa hukusambira mwami wa Asiria nu muliru munene. Haveeye havundu havambalaru kandi hazia musi, vaviika mu zingu zinyingi ligali. Mwika gwa yahova gulava kuli lomemo gwu kuhambiza muliru.

Ezekieli 33:22

Mugorova inyima wu mundu uyu yaali nakikiri kuduuka, ndaali nimali kuhulira zinguru zinene zia Yahova. Lwu mundu uyu yaduuka mugamba gwalonda ku, Yahova yaanziranyira zinguru ziu komoloma.

Danyeli 8:2

Mu malola yaga, ndalora ndi ndanyora nimbeeye mu lidaala lia Susa lia kumbelizwa ni lidigi, mu kivala cha Elamu. Ndaali nisingiyi ahimbi nu mugera gwa Ulai.

Danyeli 9:21

Lwa ndaali ni mbeeye mulisaala, Engelosi Gabirieli ya ndaali nindoli mu malola gange gaali gu kutanga yaza kuinzi. Yaali ing'inga ya hamugorova yu kuhaana visiuviliru.

Likunula 11:5

Umundu niyenyaa kuvasaliriza, muliru gutulaa mu minwa jaavo nu kudiviza avasigu vaavo kandi, mundu woosi ogeriza kuvasaliriza gamudukira kwitwa munzira yiyi.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

Likunula 21:20

liakatano iliakanyu onikisi, lia sita liali iliakanyu Karinelia, lia saba amayai nu uvulimu-kurisolaiti, lia munane bulu nu uvulimu berili lia tisa lia amayai-topazi, liali komi lia amaveere kurisopurase lia komi na moja ni bulu na uvulimu tarikwoisi, lia komi na mbiri muzambarao-amezisiti.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 9:18

Ikidieli kilala ku vivaga via avandu viitwa na amaduywa gavaga yaga; nago gaveeye muliru, numwooki nu uvurudi, agaatula mu minwa jazio.

Likunula 9:9

Kandi ziali ni zisalamba ziu mu kiritu kuli zisalamba zie kivia; ulwanga lwi zimbaha ziazio lwali kuli ulwa magare gasugumangwa ni zibarasi zinyingi zinyagula zimbiru kuzia mu uvulwani.