Likunula 8:12 - KITABU KITAKATIFU

¹² Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.

Likunula 8:12 Iomraidhean Croise

Isaya 13:10

Zing'ereng'ani ziosi ziu muligulu si zilahaana uvulavu mba, liuva lilava kuli kisundi lwalitonga, kandi mweli sigulahaana uvulavu mba.

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Jeremia 4:23

Ndahenza ku lirova naliali mang'anye kandi ndahenza muligulu na vulavu sivwalimu mba.

Joeli 2:10

Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Joeli 2:31

Liuva lilamwaminywa, kandi mweli gulava mwakanyu kuli masahi lidiku linene liukutihiza lia Yahova likikiri kuduuka.

Joeli 3:15

Liuva nu mweli vilava kisundi, zing'ereng'ani sizirang'ereng'ana kandi mba.

Amosi 8:9

Yahova Nyasaye Wanyala Viosi avoora, “Lidiku lizaa lwa ndikola iliuva koyeera mu zisa zia mbasu hagati, na ndaleta kisundi ku kivala ing'inga ya mbasu.”

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Matayo 27:45

Kutura zisa sita kuduuka zisa tisa zia mbasu, kisundi chakunika kivala choosi.

Marko 13:24

“Navuzwa mu madiku yago, inyima yi kivi yicho, iliuva lilakamwame, nu umweli si gulakake mba.

Marko 15:33

Kutura saa sita zia mbasu kuduuka saa tisa, ikisundi chakunika ikivala choosi.

Luka 21:25

“Vilakave ho ivilolekizu viokogenyia ku liuva, ku mweli kandi ku zing'ereng'ani ku lirova; avandu muvivala viosi valakuza mioyo; nivatizaa umufumu gwi inyanza kandi vutima vwi viguvuli vinene vienyanza.

Vikolwa 2:20

liuva lilava kisundi, na umweli gulava mwakanyu kuli amasahi; lidiku linene liu vukumi vwa Nyasaye nilikikiri kuduuka.

2 Vakorintho 4:4

Sivasuuvira kigira ziganagani ziavo ziamenya mu kisundi chu munyasaye wi lirova yili. Avakolaa ndio kunangwa vavuli kolola uvulavu vwi Ivangeri yu vukumi vwa Kristo oveeye liiva lie ligali lia Nyasaye.

Likunula 12:4

Mukira gwagwo gwakulula ku lirova kidieli kilala ku vivaga vie zing'ereng'ani ziu mwigulu. Ogoyoka zana gwa singira imbiri wu mukali uyu uwaali ahimbi kwivura, ku guduuki kumira mwana ing'inga yiivulwa.

Likunula 16:10

Engelosi ya katano yasundula ichaali ku bakuli yaho kondeve yu uvwami vwi king'ang'a. Kisundi chakunika uvwami vwivwe na avandu viluma zinimi ziavo kigira uvusaliri.

Likunula 6:12

Ndaalora kandi Mwana wi Ligondi navoholora umuhuri gwa sita, na henza liali ho lidegera linene kandi liuva liamwama kuli ligunia lialombwa ku uvwoya uvumwamu, nu umweli gwosi gwakanya kuli amasahi.

Likunula 9:15

Zingelosi vane yavo vavoholorwa avaari nivategekiziywi kwita kidieli kilala ku vivaga via avandu kigira isa yeyo, ni lidiku yilio, nu mweli yigwo numuhiga yigwo.

Likunula 9:18

Ikidieli kilala ku vivaga via avandu viitwa na amaduywa gavaga yaga; nago gaveeye muliru, numwooki nu uvurudi, agaatula mu minwa jazio.