Likunula 7:16 - KITABU KITAKATIFU

¹⁶ Sivalilola inzara kandi mba. Kandi sivaliva nu uvuluhu mba. Iliuva sililavasaamba anoho uluuya Iwosi mba.

Likunula 7:16 Iomraidhean Croise

Zaburi 121:5

Yahova alakulinda; aveeye ku lovega lulwo lulungi kukukinga.

Zaburi 121:6

Liuva sililakusaliriza ing'inga yu mbasu mba, anoho mweli ing'inga yu vudiku.

Zaburi 143:6

Ng'ingaa amakono gange igulu mu lisaala ku ivi; mwoyo gwange goveeye nu vuluhu ku ivi, kuli lirova liveeye liumu vugira amazi.

Zaburi 42:2

Mbeeye nuvuluhu ku ivi, Nyasaye oveeye mwoyo. Nyara kuzia ng'inga ki mu Litembeli nukusigamira yo imbiri woovo?

Zaburi 63:1

O, Nyasaye, ivi oveeye Nyasaye wange. Na inzi ngwenyererizaa nu mwoyo gwosi. Mwoyo gwange goveeye nuvuluhu vonene ku ivi. Liiva liange liosi liegombanga ivi kuli kivala ichumu, kuli ichangalangwe chegombaa amazi.

Lwimbu lwa Solomoni 1:6

Utanjaya kigira ligodo liange mba, mbeeye mumwamu kigira liuva liasamba ligodo liu muviri gwange. Avavozo vange vaali nu vutima ninzi kandi nivangola kuyinzira mu milimi ji mizabibu. Sindaali mu vwiyangu vwu kuyinzira mu kizabibu change mba.

Isaya 25:4

Avadaka navatiinyalizaa virukiyi ku ivi na vahoni mu zing'inga ziuvudinyu. Uvahezaa likingwa kutura kumbula yi imbuza enene kandi ichiriri kutura ku vuhiu vwi liuva. Avandu valulu vatulira kuli imbuza enene yu vukindu,

Isaya 32:2

Vuli mulala kuvo alakave kuli chukwikinga kutura kumbuuza kandi havundu hu kwivisa kutura kumbula yikiihi. Valakave kuli migera ja mazi jiturukaa kutura mu changarangwi, kandi kuli chiriri chu lwanda lonene mu kivala kitaveeye ni liama.

Isaya 41:17

“Lwa avandu vange avadaka kandi avadambi vaveeye ni lienya amazi kigira uvuluhu, Inzi Yahova ndahaana amativuli ku lisaala liavo. Inzi Nyasaye wa vandu va Isiraeli sindavaleka mba.

Isaya 49:10

Sivalakave ninzara anoho uvuluhu mba. Sivalasalirizwa nuluya lwu muchangalangwe anoho umuvasu sigulavasamba kandi mba, valimilirwa nu mulala uvayaanzaa. Alakavimiliri kali kuduuka ha visenukiru via amazi.

Isaya 65:13

Kulwayago, yavo avasigamiraa inzi kandi avahulira inzi valanyora lilia kandi linwa linyingi, navuzwa munyi mulava ninzara kandi muvuluhu. Valava nu vusangali, navuzwa munyi mulava mu zisoni.

Jona 4:8

Lwiliuva liatura, Nyasaye yatuma imbuza yivugwi isambaa. Liuva liasamba ku mutwi gwa Jona naye yaali ahimbi kukinda. Yegomba likuza navoora, “Nivulahi inzi nguzi kuvita kuva mwoyo.”

Matayo 13:21

Navuzwa sivaveeye nimiri muvo aveene mba. Navo vidinyirizaa mu likuva zana hakekeke vuzwa, ma lwa valora ikivi anoho lidambizwa kigira likuva zana yilio ni lizaa, ahene yaho viranaa inyima.

Matayo 13:6

Navuzwa lwi iliuva liatura, uvuguza vwali ni vomeri vwaniala. Na kigira imiri javwo sijali ni zinguru, vwuma nulwazana.

Matayo 5:6

“Vaveeye nuvugasu avaveeye ninzara kandi vuluhu vwu vulungi, kigira valigutizwa.

Marko 4:17

Navuzwa silivingiraa nu kuhila imiri muvo mba. Navo vidinyirizaa mu Iikuva zana hakekeke vuzwa. Na ing'inga valora ikivi anoho ilidambizwa kigira likuva lia Nyasaye, nonoho ilisuuvira liavo likuzaa.

Marko 4:6

Lwi iliuva liatonga vwaniala; kigira imiri javwo si jaali ni zinguru, vwuma.

Luka 1:53

Wigutizi avinzara ni vindu vilahi, O, uvukungi avatugi amakono vugira kindu.

Luka 6:21

“Muveeye nu vugasu avaveeye ninzara kalunu; kigira mulakutizwa!” Muveeye nuvugasu avaliranga kalunu; kigira mulakaseke!

Yohana 4:14

Navuzwa ku woosi unwa ku amazi ga mbana, sialava nuvuluhu kandi mba. Ligali amazi ga ndimuha galava muye kidaho cha amazi gi livamwoyo agasinukaa kumuha livamwoyo litahera mba.”

Yakobo 1:11

Liuva litongaa harara nu vuhiu vwalio vululu kandi lisaamba nu kwuminya vulimu. Ikimuli chavwo kivungulukaa nuvulahi vwacho vudivizwa. Munzira ndala nzere, mutugi alakadivizwi lwazizagilira ni miyinzi jije.

Likunula 21:4

Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”