Likunula 7:10 - KITABU KITAKATIFU

¹⁰ Vaahanzuka nu mwoyo munene nivavoora: “Ovohonyi vuturaa ku Nyasaye wiitu uwikaye kondeve yu uvwami kandi kutura ku Mwana wi Ligondi!”

Likunula 7:10 Iomraidhean Croise

Zaburi 115:1

Uvukumi vuduukana vuhaanwe ku ivi weng'ine O, Yahova, ku ivi weng'ine; navuzwa si gaali ku kunyi mba, kigira uvuyanzi vuvwo uvutali ne keheri, kandi uvusuuvirifu vuvwo.

Zaburi 3:8

Ovohonyi vuturaa ku Yahova; Kandi agasizanga avandu veve.

Zaburi 37:39

Yahova alahonyia avandu valungi, kandi alavasoola mu zing'inga ziu vudinyu.

Isaya 43:11

“Inzi weng'ine mbeeye Yahova, ni inzi weng'ine unyala kohonyia munyi.

Isaya 45:15

Aveeye Nyasaye wa vandu va Isiraeli kandi muhonyi wa vandu veve. Aveeye Nyasaye wivisaa umwene.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Jeremia 3:23

Sikwakonywaku kali hakuzu nilisigamira avanyasaye kuzindongozi zii vigulu mba. Ovokonyi vwa Isiraeli vutura ku Yahova Nyasaye wiitu.

Hosea 13:4

Yahova avoora, “Inzi mbeeye Yahova Nyasaye winyu, uwamuleta kutura mu kivala cha Egebeti. Si muveeye na Nyasaye wundi nataveeye Inzi. Inzi wengine mbeeye muhonyi winyu.

Jona 2:9

Navuzwa ndimba zinyimbu zie lizominywa ku ivi; ndahaana ku ivi kisiuviriru, kandi ndakora agaamali kulaga. Ovohonyi vuturaa ku Yahova!”

Zekaria 4:7

Uvudinyu voveeye kuli kiguru kenene, vulagota kutura imbiri woovo. Ulumbaka vuhia Litembeli na lwa uva nuviika ligina lio kumalirika mu vogono yivwo, avandu valahanzuka nokovoora nu mwoyo munene, ‘Vulahi ligali, vulahi ligali!’ ”

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Luka 3:6

Avandu vosi valakalole ovohonyi vwa Nyasaye.’ ”

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Yohana 1:36

Lwa yalora Yeso navitaa, yavoola, “Henza! Uyu niye Mwana wi Ligondi lia Nyasaye.”

Yohana 4:22

Munyi Avasamaria musigamiraa oyo wamutamanyi ligali navuzwa kunyi kumanyi uyu wakusigamiraa, kigira ovohonyi vutura ku Avayuda.

Vafeso 2:8

Gaveeye ku zimbavasi zia Nyasaye, munyi mumali kohonywa kuvitira mu lisuuvira, kandi yaga sigaveeye kigira mativuli gi zinguru zienyu mba, navuzwa keveeye kihanwa cha Nyasaye.

Likunula 12:10

Ndaahulira kandi mwoyo munene mwigulu nigovoora, “Kalunu ovohonyi vwa Nyasaye wiitu vumali kuduuka! Kalunu Nyasaye umali kumanyia zinguru zizie kuli Mwami Munene! Kalunu Mesia weve umali kumanyia uvunyali vwivwe ku lirova liosi! Kigira Setani sialasingira imbiri wa Nyasaye wiitu nu kuyaala avaamitu mbasu nu vuduku mba! Setani umali kukungwa kutura mwigulu nu kwagulukizwa hasi!

Likunula 19:1

Inyima wa yaga, ndaahulira umufumu gwu mwoyo munene gwi kiduma kenene cha avandu mwigulu, nivavoora, “Haleluya ovohonyi, nu vukumi, ni zinguru viveeye via Nyasaye wiitu!

Likunula 21:5

Maku Nyasaye yavoola, “Henza! Inzi ngolaa ivindu viosi vive ivihia.” Yambolera, “Ng'oda yili, kigira amakuva yaga gaveeye agiligali kandi aguvusuuvirifu.”

Likunula 22:3

Sihalava ho kandi ni kindu choosi ichalaamwa na Nyasaye mu lidaala linene yilio mba. Navuzwa endeve yu uvwami vwa Nyasaye ni yu Mwana wi Ligondi zilakave mu lidaala yilio kandi avatumikiri veve valakamutumikiri.

Likunula 4:6

Imbiri wendeve yu uvwami, chaali ho kindu chaloreka kuli inyanza yi gilasi, enengeru ligali kuvita ivilombe viveeye mwoyo vine viakumbiriza zimbega ziosi zie Endeve yu uvwami. Ivilombe yivio viali niviizura zimoni imbiri ni inyima.

Likunula 5:7

Yaza navugura kitabu zana kutura mu mukono umulungi gwa uyu wikala kondeve yu vwami.