Likunula 7:1 - KITABU KITAKATIFU

¹ Inyima wa yaga ndaalora zingelosi vane ni vasiingi ku zimbega zine zie lirova. Vagumira izimbuuza zine zie lirova zivuli kuhuuza ku lirova nu kunyanza, kandi ku misaala josi.

Likunula 7:1 Iomraidhean Croise

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 27:3

Inzi Yahova mbeeye mulindi wagwo kandi ngusamaa amazi zing'inga ziosi, ngulindaa vudiku numbasu gase mundu alagwononyia.

Isaya 27:8

Yahova yahaana mageri ku avandu veve lwa yavahila mu livahaminywa. Yaavatulizaho mu imbuza yi kivi kutura Ivugwi.

Jeremia 49:36

Ndakora imbuza kuhuuza ku Elamu kutura mu zimbega ziosi, kandi ndasalanyira avandu veve havundu hoosi, kuduuka avahaali vaavo navazie muvivala viosi.

Ezekieli 37:9

Nyasaye yambolera, “Mwana wu Mundu, porofeta ku umwika. Ogovoolere ndi, Mwami Munene Yahova alaangaa ivi kutura mu zimbega ziosi, na uzie mu miviri mikuzu yiji, kandi jive mwoyo.”

Ezekieli 7:2

Yavoola, “Mwana wu Mundu,” yaga nigo aga inzi Yahova Wuvunyali mbolera vandu va Isiraeli: Yili nilimalilika lie kivala choosi!

Danyeli 11:4

Navuzwa mu ing'inga yu lusuma lwi zinguru zizie, vwamihi vwivwe vulakavukane mu vidonye vine. Avami valiamiiha ha vogono vwivwe si valakatuli mu visukululwi vivie mba, kandi si valakave ni zinguru kuli zia yaali nazio mba.

Danyeli 7:2

Ndalora malola vudiku, imbuza inene yajukanyia inyanza.

Danyeli 8:8

Imburi yaazizagilira kufuriana, navuzwa mu vunyingi vwi kirage chayo, ulwiga lwayo lulala lwavunika. Zinziga zine zinene ziamera mu vogono vwu lwiga lulala lwavunika, na vuli lwiga lwa henza igulu mu lovega lwalwo.

Jona 1:4

Navuzwa Yahova yatuma kihuzuzi kenene kunyanza, kandi chahuuza ninduuta enene ligali, kali iliato liali ahimbi kuvunanywa.

Zekaria 6:1

Ndahenza kandi nindora magare gandi gu vulwani gane gaturaa hagati hivigulu viviri viu mugasa.

Zekaria 6:5

Yandivulira, “Yizi nizimbuuza zine zimali kuuza kutura imbiri wa Yahova wikivala choosi.”

Matayo 24:31

Naye alatuma zingelosi veve ni kisiriva chu mwoyo munene, navo valavungiza avatovole veve vatuli zimbega zine ziosi zie lirova, kutura ku keheri yiki kuduuka ku keheri kindi chi lirova.

Marko 13:27

Maku Kristo alatuma zingelosi veve kuvungiza avatovole veve kutura mu zimbega ziosi zine zie lirova kutura ku keheri chi lirova kuduuka ku kindi.

Likunula 20:8

alatula ichova kugaada zihiiri ziosi iziasalana mu lirova liosi, avamanyikani kuli Goga na Magogi. Setani alavavungiza harara mu liihi, navo valava avanyingi kuli umuyeke ku lujinga lwinyanza.

Likunula 6:6

Ndaahulira umwoyo nigutura hagati hi vilombe vine iviveeye mwoyo nigovoora, “Mitungu ji lidiku lilala ne kegero chi kilo ndala yu uvusie vwi ingano, ni mitungu ji lidiku lilala jiveeye izikilo zivaga zie shairi. Navuzwa, utononyia misaala ja imizeituni ni imizabibu mba!”

Likunula 7:3

Engelosi yavoola, “Mutononyia lirova anoho inyanza, anoho imisaala, kuduuka kutange kuviika umuhuri mu uvweni vwa avatumikiri va Nyasaye wiitu.”

Likunula 8:7

Engelosi yukutanga yakuba kisiriva chiche. Imbura ya amagina nu muliru vizuganyiywi mu na amasahi, viasunduka ku lirova. Kidieli kilala ku vivaga chi lirova chaahia, kandi kidieli kilala ku vivaga chi misaala chaahia, kandi uvulimu vwosi uvuvisi vwaahia.

Likunula 9:14

Mwoyo yigwo gwavoolera engelosi wa sita uwaali ni kisiriva, “Voholora zingelosi vane avavofwa ha mugera munene gwa Efurate.”

Likunula 9:4

Ziavolerwa na Nyasaye ndi zitononyia uvulimu vwi lirova, anoho kindu choosi ekeveeye kivisi, anoho umusaala kali mulala; navuzwa ziononyie avandu vataveeye nu umuhuri gwa Nyasaye ku uvweni vwavo.