Likunula 6:9 - KITABU KITAKATIFU

⁹ Maku Mwana wi Ligondi yaavoholora umuhuri gwakatano, ndaalora hasi hu vwali, imioyo ja yavo aviitwa ni kivavi kigira vilwaza likuva lia Nyasaye kandi kigira vaali avasuuvirifu mu lilolekiza liavo.

Likunula 6:9 Iomraidhean Croise

Litanga 4:10

Maku Yahova yateva, “Kigira ki umali kokora kindu kidamanu yiki? Amasahi ga amwavo woovo gwaniraa ku inzi kutura kumalova kuli mwoyo gulangiliraa kutunga kisaalia.

Kutwula 29:12

Uvuguli ku masahi gi igiriki ugaviiki ku zinziga ziu vwali na utumikiri ekedete chicho, kandi uvuguli amasahi gatigaye ugasunduli ha vwikaliru hu vwali.

Kyavalevi 4:7

Musaalisi alavugula ku masahi nukugaviika ku zinziga ziu uvwali ahukusambira kimuli mu Lihema. Alasundula masahi gatigaye goosi ku uvwaliru vwu vwukusambira ku visiuviliru, ovoveeye mu vwingiliru vwi Lihema.

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

2 Vakorintho 5:8

Koveeye ne kelemamwoyo kandi kwakayaanzi kutura mu muviri yigu ma kuzie komenya harara nu Mwami Yeso.

Vafilipi 1:23

Mbeeye hagati hi zimbega ziviri. Nyenya koleka livamwoyo yili kuzia komenya harara na Kristo, kigira yiki keveeye kindu kilahi ligali.

Vafilipi 2:17

Hawundi amasahi gi livamwoyo liange gaduukanaa gasundulwi kuli kihanwa ku kisiuviriru chi lisuuvira lienyu lihaana ku Nyasaye. Niiva gaveeye ndio, inzi nyanza, kandi sangala harara ni munyi mwosi.

Vahebraina 12:23

Mumali kuuza mu livugana linene liuvusangali lia vandu va Nyasaye avatanga kwivulwa, avamita gaavo gang'odwa mwigulu. Mumali kuuza ku Nyasaye oveeye mukalagi wa vandu vosi, nu ku mioyo ja vandu vakolwa valungi.

Likunula 1:2

Yohana yilwaza likuva lia Nyasaye, kandi lilolekiza lia Yeso Kristo yavula, kandi umali kovora ivindu viosi via yalora.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 14:18

Kandi engelosi yindi, eveeye nu vunyali ku muliru, yatura mu vwali. Yalanga, engelosi yaali nengonono, inzugi, nu mwoyo munene nemuvolera, “Vugula engonono yooyo inzugi ukalage muzabibu gwi lirova; kigira amazabibu gagwo geengi ligali.”

Likunula 16:7

Ndaahulira kandi umwoyo nigutura mu vwali nigovoora, “Ligali, O, Mwami Nyasaye Wuvunyali, amaduywa ga watuma gaveeye amalungi na giligali.”

Likunula 19:10

Ndaagwa hasi mamumama havirenge vivie, kumusigamira. Navuzwa, yambolera, “Utakola ndio mba! Inzi mbeeye vuzwa mutumikiri wacho, kandi uwavamwavo vovo, yavo vosi avagumira agiligali ga Yeso yalolekiza. Usigamiri Nyasaye!” Kigira agiligali ga Yeso yaavuula, nigo agadinyirizaa avaporofeti.

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.

Likunula 20:4

Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.

Likunula 8:3

Engelosi yindi yaali nigingi kituva chi izahabu chukusaambira ku kimuli yiza nisiingira imbiri wu vwali. Yahevwa kimuli kinyingi aduuki ku lisaala lia avandu va Nyasaye vosi, nu kuhaana ku vwali vwi izahabu imbiri wendeve yu vwami.

Likunula 9:13

Engelosi wa sita yakuba kisiriva na ndaahulira mwoyo nigutura mu zinziga ziu vwali vwi izahabu ovoveeye imbiri wa Nyasaye.