Likunula 6:8 - KITABU KITAKATIFU

⁸ Ndaalora kandi ibarasi imbuheru umuhiri wayo yalangwa Likuza. Kihadisi chamulonda ahimbi na himbi. Vahevwe izingulu ku erobo yi lirova viiti ni kivavi, inzara, uvulwaye harara ni zinyama ziu muvulimu.

Likunula 6:8 Iomraidhean Croise

Tsing'ano 5:5

Alakuvugula kuduuka mu kivala cha vakuzu; inzira ya agendaa ku ni inzira yi likuza.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Jeremia 14:12

Kali niiva valahonga lilia, nu kwanira ku inzi, si ndahulira lilira liavo kigira ovokonyi mba. Kali niiva valahaana vihaanwa viu kusambwa kandi, vihaanwa viu vuswage ku inzi, sindayaanzizwa navio mba. Navuzwa nditira avandu yava mu muvulwani, kandi ninzara enene ligali nuvulwaye.”

Jeremia 16:16

Yahova avoora, “Nziza kutuma avaruvi vanyingi vaze vagumiri avandu yava. Maku ndatuma avahizi vanyingi vaze kuvahima kutura mu vigulu kandi mu tugulu kandi kutura mu zimbinga ziezinyanda.

Jeremia 16:4

Vaza varware zinguzu ziukutihiza manavakuzi kandi siaveeyeho kali mulala waza asiome anoho kuvayavira mba. Miviri jaavo jaza jivungi kuli kitumi chemboreya kumarova. Valakitirwi muvulwani anoho navakuzi kigira inzara, kandi miviri jiavo jilakagwi chukulia chamanyonyi nizinyama ziumbulimu.

Jeremia 24:10

Ndaleta iliihi kuvo, inzara kandi uvulwaye kuduuka vosi valadivi. Si halakaveho kali na mulala ulitigala mu kivala cha ndaavaha harara na avaguuga vaavo mba.”

Jeremia 29:17

Yahova Wuvunyali avoora, ‘Inzi ndaleta kuvo iliihi, inzara enene ligali kandi uvulwaye, kandi ndavakora vave kuli amakuyu gaguunda agaveeye amadamanu ligali kali agatanyala kulivwa mba.

Jeremia 43:11

Nebukadineza alaza na alaguuta Egebeti. Avandu valagirwa likuza liuvulwaye vaza vakuzi kigira uvulwaye, yava avalagirwa kuzia ihale kuli avahambe navahirwi ihale kuli avahambe, yavo avalagirwa likuza mu vulwani navitirwi muvulwani.

Ezekieli 29:5

Nangusiuvi muchangalangwe harara ni zisuzi yizio ziosi. Muviri gugwo nagugwi kumalova kandi si naguyavilwi mba. Nambane muviri gugwo ku zinyama ziu muvulimu na manyonyi gu muvwerefu kugulie.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Habakuk 2:5

Vutugi voveeye vugadi. Avandu vahuvaalu vaveeye ni liekonya kandi sivituuliraa mba. Vaveeye kuli likuza kigira si vaguuta mba. Nicho kigira nivaguuta zihiiri.

Zekaria 6:3

Zibarasi zindavu ziali nizing'usaa ligare lia kavaga; zibarasi zio vodondonye ziali nizing'usaa ligare lia kane.

Matayo 11:23

Na ivi Kaperinaumi! Wenya kwenenehiza nu kwiginga kuduuka mwigulu? Mba! Ulikizwa kuduuka mu kihadisi! Kigira vilolekizu viakolwa mu ivi vilava ni viakolwa mu Sodoma, ngano lidaala yilio likikiri ho kali kuduuka na lero!

Matayo 24:7

Ihiiri ilavukira ihiiri yindi; uvwami vulavukira uvwami vundi; halavaho ni zinzara kandi kodegera kwi lirova ihale nihale.

1 Vakorintho 15:55

“Likuza; liguuta liilio liveeye haliha? Likuza; zingulu zizio ziveeye haliha kusaliliza?”

Likunula 1:18

Mbeeye oveeye mwoyo! Ndaali ni ndaakuza, navuzwa, kalunu mbeeye mwoyo mihiga ni mihiga. Mbeeye nu vunyali ku likuza kandi ku kivala chavakuzu.

Likunula 12:4

Mukira gwagwo gwakulula ku lirova kidieli kilala ku vivaga vie zing'ereng'ani ziu mwigulu. Ogoyoka zana gwa singira imbiri wu mukali uyu uwaali ahimbi kwivura, ku guduuki kumira mwana ing'inga yiivulwa.

Likunula 9:15

Zingelosi vane yavo vavoholorwa avaari nivategekiziywi kwita kidieli kilala ku vivaga via avandu kigira isa yeyo, ni lidiku yilio, nu mweli yigwo numuhiga yigwo.

Likunula 9:18

Ikidieli kilala ku vivaga via avandu viitwa na amaduywa gavaga yaga; nago gaveeye muliru, numwooki nu uvurudi, agaatula mu minwa jazio.