Likunula 6:4 - KITABU KITAKATIFU

⁴ Ibarasi yindi yatura ichova, ibarasi inzakanyu. Muhiri wayo yahevwa uvunyali koleta uvulwani mu lirova avandu vaduuki kwitana aveene na vene. Yahevwa kivavi ekenene ligali.

Likunula 6:4 Iomraidhean Croise

Zaburi 17:13

O, Yahova, hing'ana na vasigu vange na uvaguute! Ombonyie kutura ku avadamanu nikivavi chicho.

Danyeli 5:19

Yaali munene ligali kali avandu vu muvivala viosi, zihiiri ziosi, kandi zinimi ziosi va mutia kandi vadegera imbiri weve. Yaali anyala kwita mundu woosi, kandi yaali anyala koleka mundu ave mwoyo. Yahaana luyali anoho yaali anyala kusura mundu woosi.

Zekaria 1:8

Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu.

Zekaria 6:2

Zibarasi zinzakanyu ziali nizing'usaa ligare liu kutanga; zibarasi zimwamu ziali nizing'usaa ligare lia kaviri.

Matayo 10:34

“Mutaganagana nzizi koleta mirembe mu lirova! Mba, inzi sindaaza koleta mirembe, navuzwa koleta kivavi.

Matayo 24:6

Mulahulira amahi nulusuma lwa amahi, navuzwa mutahenda mioyo mba kigira ivindu yivi vilaza, navuzwa ekeheri chene kikiri kuduuka.

Yohana 19:11

Yeso yamutivulira, “Ivi si wakaveeye nu vunyali vwosi ku inzi, nivutahaniywi ku ivi kutura mwigulu na Nyasaye. Mundu oleeti inzi ku ivi niyie oveeye nu uvwoni vonene kuvita ivi.”

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 13:10

Mundu wenyaa kugumirwa, alagumirwa. Mundu wenyaa kwitwa nikivavi kuduuka yitwi ni kivavi. Yili nililangwa liu kwikuzira kandi liu kusuuvira kolovega lwa vandu va Nyasaye.

Likunula 17:3

Kunangwa ndizulwa na Roho kandi engelosi yang'inga niyambira mu changalangwi. Ndaalora mukali niyikaye ku king'ang'a ichakanyu. King'ang'a yicho chaali chizuuyi amita go konyega Nyasaye, agang'odwa ku muviri gwacho gwosi. Iking'ang'a zana chaali ni mitwi saba kandi ni zinziga likomi.

Likunula 17:6

Ndaalora kandi umukali zana nahambiki amasahi ga vandu va Nyasaye, kandi gayavo viitwa kigira vaali vasuuvirifu ku Yeso. Lwa ndaamulola, ndaali niligenya linene ligali.