Likunula 6:2 - KITABU KITAKATIFU

² Ndahenza nindora ibarasi indavu! Muhiri wi barasi yaali nu vuta kandi yahevwa itaji. Kunangwa yatura kugihira kuli umuguuti uzizagilira kuguuta.

Likunula 6:2 Iomraidhean Croise

Zaburi 110:2

Yahova alavambalaliza uvwami vuvwo vwi zinguru kutura Ziyoni. Yavoola, “Ulamiha ku vasigu vovo vosi.”

Zaburi 76:7

Navuzwa, ivi O, Yahova, utiivwa na vosi. Nivwaha unyala kusingira imbiri woovo kukalagirwa, lwa oveeye nu vutima?

Zaburi 98:1

Mwimbiri Yahova lwimbu luhia; kigira umali kokora vindu viokogenyia! Kuzinguru zizie mwene kandi ku vunyali vwivwe vutakatifu, Yahova umali konyoora liguuta.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Zekaria 1:8

Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

1 Vakorintho 15:25

Kigira gadukanaa Kristo yaamihi kuduuka lwa Nyasaye aguutaa vasigu vosi nukuvaviika hasi hi virenge vivie.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 11:18

Avandu vi zihiiri vaali nu uvutima, kigira ing'inga yu uvutima vuvwo iduuki, ing'inga ya avakuzu vakalagirwa imali kuduuka. Ing'inga iduuki yu kuhaana madanyi ku avatumikiri vovo, avaporofeti, kandi avandu avoovo vosi, yavo vosi avakoheezaa uluyali, avanene na vakekeeke vosi harara. Ing'inga iduuki yu kudiviza yavo avononyia lirova!”

Likunula 14:14

Ndahenza kandi, nindora lilesi lilavu. Ku lilesi zana yilio mulala yikala ku yaloleka kuli mundu, aveeye ni taji yi izahabu ku mutwi gwigwe, na engonono inzugi ligali neveeye mu mukono gwigwe.

Likunula 15:2

Ndaalora kandi kindu chaali kuli inyanza yi gilasi enengeru, izuganyiwi mu muliru. Ndaalora kandi avandu yavo avaguuta king'ang'a yicho ni kifananyi chacho, kandi oyo wi lieta lilie ni livaliza lisingira mu vogono vwalio ninamba. Avandu yavo vaali nivasingiyi kundulu kwinyanza yi gilasi enengeru yeyo nivaveeye nu vukana vwa Nyasaye yavaha.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 19:14

Avasikari va amahi gu mwigulu vaamulonda, ni vanini ku zibarasi zindavu. Vaali ni viviiki zinguvu zindahi, zindavu.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.

Likunula 9:7

Izisigi zana ziali kuli zibarasi zitegekeywi kuzia mu uvulwani. Ku mitwi jazio, zieviika ivindu viali kuli zitaji zie izahabu; mu moni mwazio mwaali kuli mwa avandu.