Likunula 6:14 - KITABU KITAKATIFU

¹⁴ Ligulu liatulizwa ho vwangu kuli kitabu kilingwaa. Ivigulu viosi ni ivisulu viosi viatulizwa mu vogono vwavio.

Likunula 6:14 Iomraidhean Croise

Zaburi 102:26

Yivi viosi viladiva, navuzwa ivi ulahindira mihiga ni mihiga. Yivi viosi vilakunguha kuli inguvu. Ulavisiuva kuli zinguvu kandi vilagota;

Isaya 34:4

Liuva, mweli, ni zing'ereng'ani zilavunguluka hasi ku lirova. Ligulu liliringa kuli likaratasi liringangwa, kandi zing'ereng'ani zilagwa hasi kuli amatu ga makuyu anoho misaala ja makuyu.

Isaya 54:10

Vigulu vinyala kutura ho, utugulu tunyala kutulizwa ho, navuzwa zimbavasi ziu vuyanzi vwange vutali ne keheri sivulatula ku ivi kali hakuzu mba. Lilagana liange lie mirembe sililatulizwa ho mba.” Inzi Yahova overereraa ivi mali kovora.

Jeremia 3:23

Sikwakonywaku kali hakuzu nilisigamira avanyasaye kuzindongozi zii vigulu mba. Ovokonyi vwa Isiraeli vutura ku Yahova Nyasaye wiitu.

Jeremia 51:25

Babiloni, ivi oveeye kuli kiguru ikidivizanga kivala choosi, navuzwa Inzi, Yahova mbeeye musigu woovo. Ndakuvugura, ngusisuli kuduuka kumalova, ma ngoleke noveeye kuli ligoke.

Ezekieli 38:20

Vuli isuzi kandi linyonyi, vuli inyama enene kandi engekeeke kandi vuli umundu ku lirova navive nuvuti kandi lidegera kigira inzi. Vigulu navigwi hasi, zinyanda naziadiki kandi vuli lidigi naligwi hasi.

Nahum 1:5

Vigulu videgera imbiri wa Yahova; vigulu vikekeke vivunguluka imbiri weve. Lirova lidegera lwa Yahova alolekaa; kivala kandi avandu vamenyi mu vadegera.

Habakuk 3:10

Vigulu viadegera lwa viakolola; mazi gasunduka kutura mu vwerefu, mazi gafuuma isi wilirova, kandi viguvuli via go viazia igulu ligali.

Habakuk 3:6

Lwa asingilaa, kivala chinuyaa; mulihenza lilie, zihiiri zidegera. Vigulu via kale viatanywa; vigulu vie mihiga ni mihiga lieyinaa hasi, ha yagendaa mu zing'inga zia kale.

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.

Likunula 16:20

Ivisulu ni ivigulu viosi viagota.

Likunula 20:11

Ndaalora Nyasaye niyikaye kondeve enene indavu yu vwami. Ligulu ni lirova viagota imbiri weve; sivialoleka kandi mba.

Likunula 21:1

Maku ndaalora ligulu lihia ni lirova lihia. Ligulu liu kutanga kandi lirova liu kutanga limali kuvita kandi inyanza ituliziywi ho.