Likunula 6:12 - KITABU KITAKATIFU

¹² Ndaalora kandi Mwana wi Ligondi navoholora umuhuri gwa sita, na henza liali ho lidegera linene kandi liuva liamwama kuli ligunia lialombwa ku uvwoya uvumwamu, nu umweli gwosi gwakanya kuli amasahi.

Likunula 6:12 Iomraidhean Croise

Isaya 24:23

Umweli gulamwama tititi, kandi liuva sililaaka kandi mba, kigira Yahova Wuvunyali alava mwami. Alamiiha mu Jerusalemi, ku kiguru cha Ziyoni, kandi aviimiliri va vandu valalola uvukumi vwivwe.

Isaya 29:6

Yahova Wuvunyali alamusoola ni zinguba ziukutihiza kandi nilidegera lie lirova. Alatuma kihuzuzi chi kiihi kandi olomemo lwu muliru.

Isaya 34:4

Liuva, mweli, ni zing'ereng'ani zilavunguluka hasi ku lirova. Ligulu liliringa kuli likaratasi liringangwa, kandi zing'ereng'ani zilagwa hasi kuli amatu ga makuyu anoho misaala ja makuyu.

Isaya 50:3

Nyara kukunika iligulu ni kisundi kuli wiviki inguvu yi ligunia ing'inga yu kusioma.”

Joeli 2:10

Lirova lidegera imbiri wazio; ligulu lidegera. Liuva nu mweli vimwaminyiywi, zing'ereng'ani sizing'ereng'ana kandi mba.

Joeli 3:15

Liuva nu mweli vilava kisundi, zing'ereng'ani sizirang'ereng'ana kandi mba.

Amosi 1:1

Yaga na amakuva ga Amosi uwaali mulala ku avayi kutura mu lidaala lia Tekoa, agayalola ku Isiraeli mu madiku ga Uzia mwami wi Ivuyuda, nu mumadiku ga Jeroboamu muyaayi wa Jehoashi mwami wa Isiraeli, mihiga giviri imbiri we lidegera lie lirova. Nyasaye yalolekiza vindu yivi viosi ku Isiraeli.

Amosi 8:9

Yahova Nyasaye Wanyala Viosi avoora, “Lidiku lizaa lwa ndikola iliuva koyeera mu zisa zia mbasu hagati, na ndaleta kisundi ku kivala ing'inga ya mbasu.”

Zekaria 14:5

Mulakiluki ni muvitiraa mulivoona yili liagavula kiguru mu vidonye viviri. Mulakiluki kuli vaguuga vinyu vaakora lwi kivala chadegera ing'inga yu mwami Uzia yamiha kivala chi Ivuyuda. Maku Yahova Nyasaye wange alakaze harara ni zingelosi veve vosi.

Matayo 11:21

“O, walaamwa ivi Korazini! O, walaamwa ivi, Bezisaida! Vilolekizu viakolwa mu munyi, viiva ni viakolwa mu Tiro na Sidoni, ngano avandu va madaala yago viganira ahene yaho niviviiki zinguvu zia magunia kandi ni viivaki iligoke.

Matayo 24:29

“ Inyima wi linyang'ana lia madiku yago, iliuva lilamwaminywa, mweli si guliaka; zing'ereng'ani zilakaaguluki kutura mwigulu; ni vindu viosi viezingulu viu mwigulu vilakadengeyizwi.

Matayo 24:7

Ihiiri ilavukira ihiiri yindi; uvwami vulavukira uvwami vundi; halavaho ni zinzara kandi kodegera kwi lirova ihale nihale.

Matayo 27:45

Kutura zisa sita kuduuka zisa tisa zia mbasu, kisundi chakunika kivala choosi.

Matayo 27:54

Lwu munene wa vasikari, harara na vasikari avalindaa Yeso valora ilidegera lie lirova ni vindu viosi viekoleka, vaatia ligali ni vavoola, “Ligali umundu uyu yaali Umwana wa Nyasaye.”

Matayo 28:2

Nonoho, liali ho ilidegera linene lie kivala; engelosi wu Mwami yika kutura mwigulu, nagomagominya iligina, ma niyikara ku.

Marko 15:33

Kutura saa sita zia mbasu kuduuka saa tisa, ikisundi chakunika ikivala choosi.

Likunula 11:13

Ku ing'inga yene yeyo, liali ho ni lidegera linene ligali lie lirova. Ikidieli kilala ku likomi chi lidaala chaagwa hasi, kandi avandu 7,000 viitwa ni lidegera lie lirova yilio. Avandu vatigara, vaali nu vuti ovonene ligali; kandi vakuminya Nyasaye wu mwigulu.

Likunula 16:18

Viali ho zimbeni, zinguba ni lidegera lie kivala kandi yili liali lidegera linene lie lirova ilikiri kuva ku ho kutura ing'inga Nyasaye yalomba umundu mu lirova. Yili liali lidegera lie lirova linene ni lidamanu kuvita agandi goosi.

Likunula 16:8

Engelosi wa kane yasundula ichaali mu bakuli yacho ku liuva. Liuva nalio liahevwa zinguru kusaamba avandu nu vuhiu ovonene ligali. Liuva liagwa muliru ligali ni lisaamba avandu nu uvuhiu vwalio.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.

Likunula 8:5

Engelosi yavugula ikituva, niyizuliza ku muliru kutura ku vwali ma naakisiuva ku lirova. Haali ho ni lihirigana lie izinguba, ni imioyo ja avandu izimbeni, kandi lidegera lie lirova.