Likunula 6:1 - KITABU KITAKATIFU

¹ Kunangwa ndaalora Mwana wi Ligondi navoholora umuhuri gwu kutanga mulala ku imihuri saba yijo. Ndaahulira kilala ku vilombe viveeye mwoyo vine nikevoola nu mwoyo kuli gwi inguba “Hamba.”

Likunula 6:1 Iomraidhean Croise

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Vikolwa 4:20

Kigira kunyi si kunyala koleka kovora amakuva gi vindu via kwalola kandi via kwahulira mba.”

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 14:2

Ndaahulira kandi mwoyo nigutura mwigulu kuli mwoyo gwi kihilira cha amazi manene kandi kuli gwi lihirigana lie inguba enene. Mwoyo gwa ndaahulira gwaali kuli mwoyo gwa avimbi vakuba uvukana vwavo.

Likunula 19:6

Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.

Likunula 4:8

Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”

Likunula 5:1

Ndaalora kitabu mu mukono umulungi gwa uyu wikala kondeve yu uvwami. Chang'odwa izimbega ziombi, na chavofwa mihuri saba.

Likunula 5:12

Vavoola nu mwoyo umunene: “Mwana wi Ligondi uwiitwa uduukani, konyoora uvunyali, uvutugi, ovogeri kandi izingulu, uluyali uvukumi ni lizominya!”

Likunula 5:8

Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye.

Likunula 6:3

Maku Mwana wi Ligondi yaavoholora umuhuri gwa kaviri, ndaahulira kelombe keveeye mwoyo cha kaviri nikevoola, “Hamba.”

Likunula 6:5

Maku Mwana wi Ligondi yaavoholora umuhuri gwa kavaga, kandi ndaahulira kelombe keveeye mwoyo cha kavaga nikevoola, “Hamba!” Ndaalora ibarasi imwamu. Umuhiri wayo yaali ni kibimiru mu mukono gwigwe.

Likunula 6:7

Maku lwa Mwana wi Ligondi yaavoholora umuhuri gwa kane, ndaahulira mwoyo gwe kelombe keveeye mwoyo cha kane nigovoora, “Hamba!”

Likunula 8:1

Lwu Mwana wi Ligondi yaavoholora umuhuri gwa saba, haali ho ni likiling'ana mwigulu kulwi inusu yi isa.