Likunula 5:12 - KITABU KITAKATIFU

¹² Vavoola nu mwoyo umunene: “Mwana wi Ligondi uwiitwa uduukani, konyoora uvunyali, uvutugi, ovogeri kandi izingulu, uluyali uvukumi ni lizominya!”

Likunula 5:12 Iomraidhean Croise

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Yohana 1:29

Lidiku lialonda ku, Yohana yalora Yeso niyazaa kuye, kandi yavoola, “Henza, uyu niye Mwana wi ligondi wa Nyasaye utuliza vwoni vwa avumukivala!

Yohana 17:2

Kigira waha Mwana woovo uvunyali ku avandu vosi aduuki kuhaana livamwoyo litahera mba ku yavo vosi vawamuha.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Likunula 1:6

kandi umali kokolombera uvwami vwa avasaalisi vanene kutumikira Nyasaye weve, kandi Baba weve. Uvukumi ni zinguru vive ku Yeso Kristo imihiga ni imihiga. Amini.

Likunula 13:8

Avandu vosi avamenyaa mu lirova valakisigamira, nivatali avamita gaavo gang'odwa mu kitabu chi livamwoyo chu Mwana wi Ligondi witwa; kutura lirova nilikikiri kolombwa.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!

Likunula 19:1

Inyima wa yaga, ndaahulira umufumu gwu mwoyo munene gwi kiduma kenene cha avandu mwigulu, nivavoora, “Haleluya ovohonyi, nu vukumi, ni zinguru viveeye via Nyasaye wiitu!

Likunula 4:11

“Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”

Likunula 5:13

Ndaahulira kandi ivilombe viosi iviveeye mwigulu, iviveeye ku lirova, iviveeye isi wi lirova, iviveeye munyanza, kandi ivilombe viosi iviveeye mwoyo mu lirova ni vivoora: “Oyo uwikala kondeve yu vwami kandi ku Mwana wi Ligondi, luyali loveeye kuye, lizominywa, uvukumi ni zinguru, kuduuka mihiga ni mihiga!”

Likunula 5:6

Maku ndaalora Mwana wi Ligondi nasingiyi hagati hendeve yu vwami, nakumbiriziywi ni ivilombe vine iviveeye mwoyo, harara na vakulundu sirini na ine. Mwana wi Ligondi zana yaloleka kuli uwitiywi. Yaali ni zinziga saba, zimoni saba, iziveeye Roho saba va Nyasaye, vaali nivamali kutumwa vazie mu lirova liosi.

Likunula 5:8

Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye.

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.

Likunula 6:1

Kunangwa ndaalora Mwana wi Ligondi navoholora umuhuri gwu kutanga mulala ku imihuri saba yijo. Ndaahulira kilala ku vilombe viveeye mwoyo vine nikevoola nu mwoyo kuli gwi inguba “Hamba.”

Likunula 7:12

ni vavoola, “Amini! Lizominywa, uvukumi, ovogeri, lisandiza, uluyali, zinguru, nu uvunyali, viveeye ku Nyasaye wiitu mihiga ni mihiga. Amini!”