Likunula 4:8 - KITABU KITAKATIFU

⁸ Vuli kilala ku velombe viveeye mwoyo vine yivio, chaali ni zimbaha sita, iziali ni ziafuuma mu zimoni; yigulu ni isi wi zimbaha. Mumbasu nuvudiku sivialekela kwimba nivivoola: “Mutakatifu, Mutakatifu, Mutakatifu, ni Mwami Nyasaye Wuvunyali, uwaali ho, oveeye ho, na uzaa.”

Likunula 4:8 Iomraidhean Croise

Litanga 17:1

Lwa Aburamu yaali ni mihiga 99, Yahova yaloleka kuye kandi navoora, “Inzi mbeeye Nyasaye Wuvunyali. Utie inzi kandi okole agaveeye malungi kazozo.

Zaburi 91:1

Uyu omenya isi wi likingwa lia Nyasaye oveeye Igulu Ligali, uyu omenyaa isi wi chiriri cha Yahova Wuvunyali,

Kutwula 15:11

“O, Yahova, nivwaha munyasaye oveeye kuli yivi? Nivwaha oveeye kuli ivi, wokogenyia mutakatifu? Nivwaha unyala kokora vilolekizu iviokogenyia ni vinene kuli vivio?

Kutwula 3:14

Nyasaye yavolera Musa, “Inzi Mbeeye Oveeye Ho. Yavoola, Vola yaga ku avandu va Isiraeli ‘Mbeeye Ho undumi ku munyi.’

Isaya 13:6

Mukubi zikwiri kigira lidiku lia Yahova liveeye ahimbi! Yahova Wuvunyali alaleeta lidiviza.

Isaya 62:1

Inzi si ndachiring'ana kigira avandu va Ziyoni mba, kandi si ndasosa kigira Jerusalemi mba; kuduuka uvulungi vwivwe vong'ereng'ane kuli uvulavu vwa mugambazuri, kandi ovohonyi vwivwe vove kuli itaya yaka mu vudiku.

Ezekieli 1:18

Amagurudumu gane yaga gaali nuvwikudumbu kandi gaali ni zisingenge. Uvwikudumbu vwazio vwali ni zimoni ku zimbega ziosi.

Ezekieli 1:5

Hagati hi kihuzuzi yiki, ndaalora ivilombe vine mu lifana liu mundu,

Ezekieli 1:6

navuzwa vuli kilala kuvio chaali ni mumoni haali kane kandi ni zimbaha zine.

Ezekieli 10:12

Miviri, migongo, amakono harar ani zimbaha zia vakerubi yava ziali nizikunikiywi ni zimoni ku zimbega ziosi.

Joeli 1:15

Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

Vikolwa 20:31

Ku lwa yago, mulindi nimwizuliza ndi ku ing'inga yi mihiga jivaga, uvudiku na mbasu, sindaaluha kwigiza vuli mundu ku munyi na maliga.

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

1 Vatesalonike 2:9

Munyi mwizulizaa, avaamitu viitu, kuli kwayinzira vudinyu kandi nikunyang'ana! Kwayinzira vudiku na mbasu ku kunyangiza mundu kali mulala ku munyi lwa kwamwilwazira Ivangeri ya Nyasaye.

Vahebraina 13:8

Yeso Kristo aveeye mulala mwere, mugolova, kalunu kandi kuduuka mihiga ni mihiga.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”

Likunula 11:17

nivavoora: “Kusandizaa ivi O, Mwami Nyasaye Wuvunyali, oveeye ho na uwaali ho! Kukusandiza kigira uvuguyi izingulu zizio zinene ma wamihi!

Likunula 14:11

Umwoki gwu muliru gwi kivi ni lisalira liavo gulavuuya mihiga ni mihiga. Sihaveeye ni lisosa mbasu nu vudiku ku yavo avasigamiraa king'ang'a ni kifananyi chavo mba; kandi mundu woosi uvugilira chukumanyirwa chi lieta liayo.”

Likunula 14:3

Vimba ulwimbu luhia imbiri wendeve yu uvwami, kandi imbiri wi vilombe viveeye mwoyo vine kandi imbiri wa vakulundu. Siyaali ho nu mundu uwaali anyala kwiga ulwimbu zana yilwo nivataveeye vuzwa avandu vaali 144,000 yavo avahonywa mu lirova na Nyasaye vave avandu veve.

Likunula 15:3

Vaali nivimba ulwimbu lwa Musa umutumwa wa Nyasaye, kandi ulwimbu lwu Mwana wi Ligondi, ni vavoola: “Mwami Nyasaye Wuvunyali, miyinzi jijo jiveeye minene kandi jokogenyia! Ivi Mwami wizihiiri ziosi, zinzira zizio ziveeye ziu uvulungi ni zieligali!

Likunula 15:7

Kilala ku vilombe iviveeye mwoyo vinene, chaahaana zibakuli saba ku zingelosi yavo zie izahabu ni vizuyi uvutima vwa Nyasaye oveeye mwoyo mihiga ni mihiga.

Likunula 16:14

Kigira jiveeye roho ja mademoni, ijikolaa vilolekizu. Roho midamanu jivaga yigi jizizaa ku avami vosi vu mu lirova liosi, kuvavuganyia harara kigira uvulwani vwi Lidiku lie Likalaga lia Nyasaye Wuvunyali.

Likunula 16:7

Ndaahulira kandi umwoyo nigutura mu vwali nigovoora, “Ligali, O, Mwami Nyasaye Wuvunyali, amaduywa ga watuma gaveeye amalungi na giligali.”

Likunula 19:15

Kivavi ichuugi chatula mu munwa mwimwe, cha liguutira zihiiri. Alavamiha ni imbimbu yi kivia. Aladuvaga kandi iwaini mu kiminilu chi iwaini yu uvululu vwu uvutima vwa Nyasaye Wuvunyali.

Likunula 19:4

Avakulundu sirini na ine, ni vilombe viveeye mwoyo vine, vaagwa hasi mamumama, nu kusigamira Nyasaye, uwikaye kondeve yu vwami, nivavoora, “Nyasaye yizominywi! Amini!”

Likunula 21:22

Si ndaalora kandi Litembeli mu lidaala yilio mba, kigira Litembeli lialio nu Mwami Nyasaye Wuvunyali nu Mwana wi Ligondi.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.

Likunula 4:6

Imbiri wendeve yu uvwami, chaali ho kindu chaloreka kuli inyanza yi gilasi, enengeru ligali kuvita ivilombe viveeye mwoyo vine viakumbiriza zimbega ziosi zie Endeve yu uvwami. Ivilombe yivio viali niviizura zimoni imbiri ni inyima.

Likunula 4:9

Vuli ing'inga, ivilombe vine viveeye mwoyo zana yivio viambaa zinyimbu ziu kuhaana uvukumi, luyali ni lisandiza ku uyu uwikala ku Endeve yu vwami; omenya mihiga ni mihiga.

Likunula 5:6

Maku ndaalora Mwana wi Ligondi nasingiyi hagati hendeve yu vwami, nakumbiriziywi ni ivilombe vine iviveeye mwoyo, harara na vakulundu sirini na ine. Mwana wi Ligondi zana yaloleka kuli uwitiywi. Yaali ni zinziga saba, zimoni saba, iziveeye Roho saba va Nyasaye, vaali nivamali kutumwa vazie mu lirova liosi.

Likunula 6:1

Kunangwa ndaalora Mwana wi Ligondi navoholora umuhuri gwu kutanga mulala ku imihuri saba yijo. Ndaahulira kilala ku vilombe viveeye mwoyo vine nikevoola nu mwoyo kuli gwi inguba “Hamba.”

Likunula 6:6

Ndaahulira umwoyo nigutura hagati hi vilombe vine iviveeye mwoyo nigovoora, “Mitungu ji lidiku lilala ne kegero chi kilo ndala yu uvusie vwi ingano, ni mitungu ji lidiku lilala jiveeye izikilo zivaga zie shairi. Navuzwa, utononyia misaala ja imizeituni ni imizabibu mba!”

Likunula 7:11

Zingelosi vosi vasingira kukumbiriza endeve yu vwami, avakulundu, ni vilombe vine iviveeye mwoyo. Maku vaagwa hasi mamumama imbiri wendeve yu vwami nivasigamiraa Nyasaye,

Likunula 7:15

Yiki nicho kigiri vasiingi imbiri wendeve yu vwami vwa Nyasaye, nu kumutumikira mbasu nu uvudiku mu Litembeli lilie. Uyu wikaye kondeve yu uvwami alavakinga ni lihema lilie.