Likunula 4:6 - KITABU KITAKATIFU

⁶ Imbiri wendeve yu uvwami, chaali ho kindu chaloreka kuli inyanza yi gilasi, enengeru ligali kuvita ivilombe viveeye mwoyo vine viakumbiriza zimbega ziosi zie Endeve yu uvwami. Ivilombe yivio viali niviizura zimoni imbiri ni inyima.

Likunula 4:6 Iomraidhean Croise

1 Avami 7:23

Huramu yalomba lidangi livodonganu liu mugasa, musi mwalio mwaali zimita 2.2 na vugika vwa hagati vwali zimita 4.4, no vovodong'anu nivuva zimita 13.2.

Ayubu 28:17

Izahabu anoho magina gi chelolero sivinyala koleng'anywa navwo mba kandi sivunyala kukiranywa niviju viezahabu indahi mba.

Kutwula 38:8

Yalomba zibakuli ziumugasa nu uvwikaliru vwazio vwumugasa kutura kuvielolero viali via vakali avatumikaa ha vwingiliru vwi Lihema liu kuvuganira mu na Yahova.

Ezekieli 10:12

Miviri, migongo, amakono harar ani zimbaha zia vakerubi yava ziali nizikunikiywi ni zimoni ku zimbega ziosi.

Ezekieli 10:14

Vuli makerubi yaali ni lifana liu mumoni haali kane. Mumoni mwukutanga mwali mwi giriki, mumoni mwa kaviri mwali mwu mundu, munoni mwakavaga mwali mwi simba na mumoni mwakane mwali indizu.

Likunula 14:3

Vimba ulwimbu luhia imbiri wendeve yu uvwami, kandi imbiri wi vilombe viveeye mwoyo vine kandi imbiri wa vakulundu. Siyaali ho nu mundu uwaali anyala kwiga ulwimbu zana yilwo nivataveeye vuzwa avandu vaali 144,000 yavo avahonywa mu lirova na Nyasaye vave avandu veve.

Likunula 15:2

Ndaalora kandi kindu chaali kuli inyanza yi gilasi enengeru, izuganyiwi mu muliru. Ndaalora kandi avandu yavo avaguuta king'ang'a yicho ni kifananyi chacho, kandi oyo wi lieta lilie ni livaliza lisingira mu vogono vwalio ninamba. Avandu yavo vaali nivasingiyi kundulu kwinyanza yi gilasi enengeru yeyo nivaveeye nu vukana vwa Nyasaye yavaha.

Likunula 15:7

Kilala ku vilombe iviveeye mwoyo vinene, chaahaana zibakuli saba ku zingelosi yavo zie izahabu ni vizuyi uvutima vwa Nyasaye oveeye mwoyo mihiga ni mihiga.

Likunula 19:4

Avakulundu sirini na ine, ni vilombe viveeye mwoyo vine, vaagwa hasi mamumama, nu kusigamira Nyasaye, uwikaye kondeve yu vwami, nivavoora, “Nyasaye yizominywi! Amini!”

Likunula 21:11

Liang'ereng'ana nu uvukumi vwa Nyasaye; lidaala liang'ereng'ana ovong'ereng'anu kuli vwi ligina lie Jasiperi, lilengeru ligali kuli igilasi.

Likunula 21:18

Lidiji yilio liali ni liumbakirwa amagina amakanyu guvuguli agalangwa Jasiperi, ni ilidaala zana liali lie zahabu indahi enzere; ovolengeru uvwere kuli vwi gilasi.

Likunula 21:21

Ivirivwa likomi na viviri viali izilulu likomi na ziviri; vuli kirivwa chalombwa ku ilulu ndala. Kandi inzira yi lidaala yaali izahabu enzere, yaali eng'ereng'anu kuli igilasi.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.

Likunula 5:11

Ndahenza, kandi ndaahulira umwoyo gwi zingelosi avanyingi avatanyala kuvalizwa nivakumbirizi endeve yu vwami, harara ni ivilombe vine viveeye mwoyo navakulundu.

Likunula 5:14

Ivilombe vine iviveeye mwoyo yivio viavoola, “Amini!” Kandi avakulundu vaagwa hasi mamumama nivasigamira Nyasaye.

Likunula 5:6

Maku ndaalora Mwana wi Ligondi nasingiyi hagati hendeve yu vwami, nakumbiriziywi ni ivilombe vine iviveeye mwoyo, harara na vakulundu sirini na ine. Mwana wi Ligondi zana yaloleka kuli uwitiywi. Yaali ni zinziga saba, zimoni saba, iziveeye Roho saba va Nyasaye, vaali nivamali kutumwa vazie mu lirova liosi.

Likunula 5:8

Lwa yaali niyakavugula kitabu zana, ivilombe vine viveeye mwoyo, harara na vakulundu sirini na ine, vaagwa imbiri wu Mwana wi Ligondi. Sa mulala yaali nu vukana, ni vituva vie izahabu, ni vizuyi kimuli, viosi niviveeye lisaala lia vandu va Nyasaye.

Likunula 6:1

Kunangwa ndaalora Mwana wi Ligondi navoholora umuhuri gwu kutanga mulala ku imihuri saba yijo. Ndaahulira kilala ku vilombe viveeye mwoyo vine nikevoola nu mwoyo kuli gwi inguba “Hamba.”

Likunula 6:6

Ndaahulira umwoyo nigutura hagati hi vilombe vine iviveeye mwoyo nigovoora, “Mitungu ji lidiku lilala ne kegero chi kilo ndala yu uvusie vwi ingano, ni mitungu ji lidiku lilala jiveeye izikilo zivaga zie shairi. Navuzwa, utononyia misaala ja imizeituni ni imizabibu mba!”

Likunula 7:11

Zingelosi vosi vasingira kukumbiriza endeve yu vwami, avakulundu, ni vilombe vine iviveeye mwoyo. Maku vaagwa hasi mamumama imbiri wendeve yu vwami nivasigamiraa Nyasaye,

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”