Likunula 4:11 - KITABU KITAKATIFU

¹¹ “Mwami oveeye Nyasaye wiitu! Ivi uduukani konyoora uvukumi, luyali, ni izingulu. Kigira ivi walomba ivindu viosi kandi kigira uvulariri vuvwo, vialombwa, kandi viahevwa ilimenya nu uvulamu.”

Likunula 4:11 Iomraidhean Croise

Litanga 1:1

Mu litanga, Nyasaye yalomba ligulu ni lirova.

2 Samweli 22:4

Nzanira Yahova, udukana kwizominywa, kandi mbonyia kutura ku vasigu vange.

Nehemia 9:5

Vandu va Levi yava vavoolera avandu vasigamiri Nyasaye: Jeshua, Kadimieli Bani, Hashabuneia, Sherebia, Hodia Shebania, na Pezahia. Vavoola, “Musingiri na mwizominyi Yahova Nyasaye winyu. Mumwizominye mihiga ni mihiga. Leki sa mulala yizominye lieta lilie lwu vukumi, kali niiva lizominya liu mundu siliveeye lidukiru mba.”

Ayubu 36:3

Limanyiriza liange liveeye livambalalu; ndatumikira cha inzi manyi kumanyia ndi Nyasaye, umulombi wange aveeye mulungi.

Zaburi 18:3

Inzi nzanira ku Yahova kigira adukanaa kwizominywa, na ndio inzi ndahonywa ku vasigu vange.

Zaburi 68:34

Mulandizi ndi Nyasaye aveeye wizingulu ligali; uvukumi vwivwe ku Isiraeli. Uvwerefu vumanyia zinguru zizie.

Kutwula 20:11

Ku madiku sita Inzi, Yahova, ndalomba lirova, ni ligulu, zinyanza, kandi vindu viosi viveeye mulio, navuzwa kulidiku lia saba ndaasosa. Yiki nicho chagira inzi, Yahova, ningaasiza lisabato nindikola litakatifu.

Tsing'ano 16:4

Vindu viosi via Yahova yalomba viveeye nekeheri cha vio, ne keheri chu mundu mudamanu ni kudivizwa.

Isaya 40:26

Heenzi igulu mu Ligulu! Nivwaha walomba viosi viveeye mu? Ni oyo uviemiliraa kuli iliihi liu vulwani, yamanya ni vianga via yalomba, kandi yamanya lieta lia vuli kelombe! Kigira aveeye wizingulu kandi wuvunyali, sihakaveeye ho ne kelombe kali kilala ikinyala kogota mba.

Isaya 40:28

Munyi mukikiri kuhulira? Kandi mukikiri kumanya? Yahova aveeye Nyasaye wi mihiga ni mihiga; uwalomba ligulu ni lirova. Sialuhaa anoho siakuzaa umwoyo mba. Siaveeye ho mundu umanya zing'anagani zizie mba.

Jeremia 10:11

Kunangwa muvavoolere: “Avanyasaye yava avavura kolomba ligulu ni lirova navadivi kutura mu lirova kandi isi wiligulu.”

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Vikolwa 14:15

“Avandu munyi, kigira ki mukoraa vindu yivi? Kunyi kandi koveeye avandu kuli munyi. Koveeye hano kumwilwaazira Ivangeri ya Nyasaye, kunangwa muduuki koleka visiuvililu via vuzwa yivi, mwirane ku Nyasaye oveeye mwoyo, Nyasaye walomba ligulu ni lirova, kandi inyanza, nivindu viosi viveeye mu.

Vikolwa 17:24

“Nyasaye uyu, Mulombi wi lirova ni vindu viosi viveeye mu, aveeye Mwami wi ligulu ni lirova; si amenyaa mu matemberi gumbakwa na avandu.

Varumi 11:36

Vindu viosi vialombwa naye, kandi viosi viveeye ho mwoyo kuvitira mu zinguru zizie; kandi viosi viirana kuye. Uvukumi vove kuye mihiga ni mihiga! Amini.

Vafeso 3:9

Kandi ngole avandu vosi vaduuki kolola kuli lilohiza lia agaviswa ga Nyasaye liduukizwa. Nyasaye, oveeye mulombi wi vindu viosi yaavisa imbisu kutura kale,

Kwidzulitsa 32:4

“Yahova aveeye mukingi munene winyu, muduukiru kandi mulungi mu zinzira zizie ziosi. Nyasaye winyu aveeye musuuvirifu kandi wagiligali; akolaa agaveeye malungi kandi amalahi ku vandu vosi.

Vahebraina 1:10

Yavoola kandi, “Ivi Mwami, mulitanga walomba lirova liosi kandi walomba ligulu na makono googo.

Vahebraina 1:2

Navuzwa mu madiku gu kumaliriza yaga umali kovolerana ni kunyi kuvitira mu Mwana weve wayatovola kuva mwene vindu viosi mu limalirika, kandi kuvitira muye yalomba ligulu ni lirova.

Likunula 1:6

kandi umali kokolombera uvwami vwa avasaalisi vanene kutumikira Nyasaye weve, kandi Baba weve. Uvukumi ni zinguru vive ku Yeso Kristo imihiga ni imihiga. Amini.

Likunula 10:6

Yisuha ku Nyasaye oveeye mwoyo mihiga ni mihiga, uwalomba ligulu ni lirova ninyanza ni vindu viosi viveeye mu. Engelosi oyo yavoola, “Lilindagira sililava ho kandi mba!

Likunula 14:7

Yavoola kandi nu mwoyo umunene, “Muhe Nyasaye luyali kandi mumukuminyi, kigira ing'inga yi likalaga lilie imali kuduuka. Musigamiri uyu walomba ligulu, lirova, inyanza, ni ivisinukiru via amazi.”

Likunula 19:1

Inyima wa yaga, ndaahulira umufumu gwu mwoyo munene gwi kiduma kenene cha avandu mwigulu, nivavoora, “Haleluya ovohonyi, nu vukumi, ni zinguru viveeye via Nyasaye wiitu!

Likunula 5:12

Vavoola nu mwoyo umunene: “Mwana wi Ligondi uwiitwa uduukani, konyoora uvunyali, uvutugi, ovogeri kandi izingulu, uluyali uvukumi ni lizominya!”

Likunula 5:2

Kandi ndaalora engelosi wi zinguru na nahanzukaa nu mwoyo munene nateeva, “Ivwaha uduukani kovoholora imihuri ji kitabu yiki nu kukikunula?”

Likunula 5:9

Vimba ulwimbu luhia, ni vavoola: “Ivi uduukani kuvugura kitabu no kovoholora imihuri jacho. Kigira ivi witwa, kandi kigira likuza liilio, ivi waagulira Nyasaye avandu kutura mu vuli ihiiri, vandu vi zinimi lugano lugano, kandi ku zihiiri ziosi mu kivala choosi.