Likunula 3:8 - KITABU KITAKATIFU

⁸ Manyi imiyinzi jijo. Henza, mali kuviika ikiliango ichalamu imbiri woovo, kandi sihaveeye ho nu unyala kukihaana mba. Manyi ndi oveeye ni zinguru zingekeke, na walonda likuva liange, kandi si wayambakana lieta liange mba.

Likunula 3:8 Iomraidhean Croise

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Danyeli 11:34

Lwi liitwa lilakave nilizizagiliraa, vandu va Nyasaye valakakonywe hakekeke kali niiva avanyingi kuvo valiva niviyunga navo kigira lieyenyela liavo.

Luka 12:9

Navuzwa, mundu woosi ulikanyambakane imbiri wa avandu, oyo alakambakanwe imbiri wizingelosi va Nyasaye.

Yohana 15:20

Mwizurizi likuva lia ndamuvolera: ‘Mutumwa siaveeye munene ligali kuvita mwami weve mba.’ Niiva vadambiza inzi, valadambiza munyi kandi; niiva vahulira likuva liange, valahulira lienyu kandi.

Yohana 17:6

Mali kokora ivi, umanyekane ku avandu yavo ava wamba kutura ku avumukivala. Yava vaali avandu vovo, na ivi wamba vave avange; navo vagumiyi likuva liilio;

Vikolwa 14:27

Lwa vaduuka Andiokia vavuganyia likanisa lia ahene yaho, nivavavoolera amakuva gi vindu viosi via Nyasaye yakola harara navo, kandi kuli yigulira avandu vi Zihiiri zindi kiliango chu kwingira mu lisuuvira.

1 Vakorintho 16:9

Mali kwigulirwa muliango munene gwi miyinzi miduukiru hano ja jihaane amativuli malahi, kali niiva avasigu vaveeye vanyingi.

2 Vakorintho 2:12

Lwa ndaaduuka mu Turoasi kwilwaza Ivangeri kigira Kristo, ndaadegela ndi Mwami yaali niyiguuyi ikiliango chi miyinzi wene yeyo.

Vafilipi 4:13

Nyara kokora ivindu viosi kuvitira mu Kristo, uhaana ku inzi, izingulu kusingira.

Vakolosai 4:3

Mukusaaliri kunangwa Nyasaye aduuki kukwigulira kiliango chu kwilwaza likuva lilie liu kuvoola agaviswa ga Kristo. Yiki nicho kivuni kigira ni mbeeye muhambe.

Yudasi 1:4

Avandu valala avataveeye nu uvunyasaye avilikaragirwa ni lidivizwa liavo lia ng'odwa zing'inga zia kale ligali, vamali koseeta nu kwingira hagati hiitu mu vwivisu, yava vaveeye avandu vavura kutia Nyasaye; avagirung'anyia amakuva gi zimbavasi zia Nyasaye wiitu ziduuki kuva kuli ikindu chukuvugilira vudamanu vwavo vwovoheyi, kandi avambakanaa Yeso Kristo, Munene kandi Mwami wiitu yeng'ine.

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.

Likunula 2:2

“Inzi manyi vikolwa vivio viosi, nuvugulu vwa oveeye navwo ku miyinzi, ni liekuzira liilio. Kandi manyi ndi siunyala kwikuzira ku avandu vadamanu mba. Umali kogeliza kandi yavo avilangaa vaveeye avatumwa, navuzwa sivaveeye ndio mba. Kandi umali konyoora ndi vaveeye vagadi.

Likunula 22:7

Yeso avoora, “Hulira, nziza vwangu! Aveeye nuvugasu uyu ugumira amakuva go ovoporofeti vwi kitabu yiki!”

Likunula 3:1

“Ng'odera engelosi wi likanisa liveeye Saride: “Yaga nigo amakuva ga uyu oveeye na Roho saba va Nyasaye, nizing'ereng'ani saba. Inzi manyi miyinzi jijo. Ololekaa kuva mwoyo, navuzwa wakuza.

Likunula 3:10

Kigira walinda lilaga liange nuwikuzira ndakulinda mu ing'inga yo kogerizwa yiza ku lirova liosi kogeriza yavo avamenyaa mulio.

Likunula 3:15

Manyi miyinzi jijo. Sioveeye muziliru anoho muhiu mba. O! Vwakaveeye vulahi ulavamuziliru anoho umuhiu!

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.