Likunula 3:18 - KITABU KITAKATIFU

¹⁸ Kulwa yaga, ngovolera amakuva yaga nukukwiganihiza ndi uguli ku inzi izahabu isiyiiywi nu muliru, uduuki kuva umutugi. Gula kandi zinguvu zindavu ku inzi uduuki kwivika, kunangwa uduuki kufuma izisoni zie chahonyo chicho. Uguli kandi ku inzi ulunyasi lwa maguta lwu kuvaka ku zimoni zizio kunangwa uduuki kolola.

Likunula 3:18 Iomraidhean Croise

Zaburi 107:11

Kigira vaali niliebaala ku malago ga Nyasaye Wuvunyali, kandi vaali ni vachaaya amigizu geege.

Zaburi 16:7

Nzizominyaa Yahova kigira yanzimilira, kandi mu vudiku zing'anagani ziu mwoyo gwange zinziganihizaa.

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Zaburi 73:24

Ivi unzimiliraa na amigizu googo, kandi ulanyingiriza nu luyali lulwo ing'inga yi keheri chi limenya liange.

Tsing'ano 1:25

Mumali kusura miigizu gange, kandi si muveeye ni livugilira lieganihiza liange mba.

Tsing'ano 1:30

Si mwenya kuhulira lieganihiza liange anoho amigizu gange lwa ndamwigiza mba.

Tsing'ano 19:20

Niiva ulahuliriza miigizu ma ove ni lienya kwiga, lidiku lilala ulava mugeri.

Tsing'ano 23:23

Agiligali, vogeri kwiga kandi lihulira lilahi yivi viveeye mutungu mulahi, navuzwa viveeye nu vuguli vonene niiva ulavigulanyia.

Kohelethu 8:2

Utie lilago liu mwami, kandi utalomba lilagana lia vwangu ku Nyasaye mba.

Isaya 47:3

Avandu valalola chahonyo chiinyu, kandi mulava mu zisoni. Ndatunga kisaalia, na sindaleka mundu kali mulala mba.”

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Jeremia 13:26

Yahova mwene alamutuliza zinguvu nukumuviika muzisoni.

Danyeli 12:2

Avanyingi kuvo avaliva nivakuzi valakasimuguki; valala kuvo valakasangaliri livamwoyo lie mihiga ni mihiga, na vandi valakaduuki mu zisioni zie mihiga ni mihiga.

Mika 1:11

Munyi avandu va Shafira, muzie mubuhambe ni chahonyo kandi zisoni. Yavo avamenyi mu zaanani mutagerizi kutura mu lidaala lienyu mba. Lwamuhulira vandu va Bezezeli nivasiioma, mulamanya ndi sihaveeyeho nuhukwirukira mba.

Nahum 3:5

Yahova Wuvunyali avoora, “Ndakahaane mageri ku munyi avandu va Nineve, ndakamunavuuli na ndakaleke zihiiri zilole viahonyo vienyu mu zisoni.

Malaki 3:3

Alakaze kukalaga kuli mundu atulaa kandi aselezaa ifeza. Mutumwa wa Yahova alakatakase vasaalisi kuli muturi atulaa ifeza ni izahabu kunangwa vaduuki koletera Yahova vihaanwa viduukana.

Matayo 13:44

“Uvwami vwu mwigulu voveeye kuli livikiru liaviswa mu mulimi. Mundu mulala yalinyoola naalivisa kandi. Yayanza ligali kuduuka nazia kuguliza viosi via yaali navio naagula mulimi yigwo.

Matayo 25:9

Navuzwa avageri vavavolera, ‘Awa, sigalakuduuka ni munyi mba! Ni vulahi muzie mu liduka mwiguliri aginyu.’

Luka 12:21

Yeso yamaliriza kovora, “Nindio gaveeye ku mundu wivikiraa uvutugi mwene, navuzwa siaveeye mutugi imbiri wa Nyasaye mba.”

2 Vakorintho 5:3

Kunangwa ni kuvikwa inyumba yene yiyi sikulanyoolwa chahonyo mba.

2 Vakorintho 8:9

Munyi mumanya zimbavasi ziu Mwami wiitu Yeso Kristo. Kali niyaali mutugi, yekola kuva mudaka kigira munyi. Na kigira uvudaka vwivwe, munyi muduuki kuva avatugi.

Yakobo 2:5

Muhuliri, avaamitu vange avayaanze! Nyasaye yatovola avadaka vu mukivala vave avatugi mu lisuuvira, kandi vanyoore vwami vwa yasuuviriza yavo ava muyanzaa.

1 Petro 1:7

Kivuni cha magerizu yaga kimanyia ndi lisuuvira liange liveeye lia giligali kali izahabu inyala kusambwa mu muliru; kandi ndio lisuuvira lienyu liveeye lilahi ligali kuvita izahabu, ligerizwa kunangwa liduuki kuhindira. Maku mulakanyoole lizominywa, vukumi kandi luyali ku lidiku lia Yeso Kristo aliloleka.

Likunula 16:15

Mwami avoora, “Henza! Nziza kuli umwiivi!” Aveeye nuvugasu umundu ulindilira, nu kwivika zinguvu zizie ku avuli kogendagenda chahonyo, ma alole zisoni imbiri wa avandu.

Likunula 19:8

Aheveywi zinguvu zindavu kwivika ziveeye vikolwa vilungi via vandu va Nyasaye.”

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.

Likunula 3:17

Ivi ovola, ‘Inzi mbeeye umutugi, kandi simbeeye ni lienya kindu.’ Navuzwa siumanyi kuli oveeye novovereri! Oveeye mudaka, umboku, kandi chahonyo!

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.

Likunula 7:13

Mulala ku vakulundu yandeva, “Ni vanga vwaha yava aviviikia ziganza izindavu, kandi vatura hayi?”