Likunula 3:17 - KITABU KITAKATIFU

¹⁷ Ivi ovola, ‘Inzi mbeeye umutugi, kandi simbeeye ni lienya kindu.’ Navuzwa siumanyi kuli oveeye novovereri! Oveeye mudaka, umboku, kandi chahonyo!

Likunula 3:17 Iomraidhean Croise

Litanga 3:7

Nonoho lwa vaali nivakalia makuyu, vaali nilimanyiriza ndi vombi vaveeye viahonyo. Kunangwa vaavugura matu gi misaala ja makuyu nivahambanyia harara ma nivikunika.

Kutwula 32:35

Kunangwa Yahova yatuma vulwaye vudamanu ku avandu, kigira vaakora Haruni kolomba kemoli chizahabu.

Tsing'ano 13:7

Avandu valala vekola kuva vatugi, navuzwa sivaveeye ni kindu mba. Avandi vekola kuva vadaka, navuzwa vaveeye avatugi.

Tsing'ano 30:9

Niimba ni chukulia kinyingi, nyara kuvoola ndi si ngwenyaa mba. Navuzwa nimbeeye mudaka nyara kwiva ma mbane izisoni ku Nyasaye wange.

Isaya 42:19

Aveeye ho mundu oveeye muvoku kuvita mutumikiri wange? Anoho aveeye ho mundu uvula kuhulira kuli mutumwa wange?

Jeremia 2:31

Munyi avandu va Isiraeli, muhulirize agambooraa. Inzi mali kugwa kuli changalangwi ku munyi, kandi kuli kisundi ligali kandi kivala chu vuhimwa? Kigira ki muvooraa ndi mulakola kuli gamuyaanzizaa, kandi simunyala kwirana ku inzi mba?

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’

Zekaria 11:5

Aveene magondi yaga vagitaa, navuzwa sivalanyora mageri mba. Vaguliza zinyama ziago nivavoora, ‘Yahova yizominywi kunyi koveeye avatugi!’ Kali avayi vago sivaveeye ni zimbavasi kugo mba.”

Matayo 5:3

“Vaveeye nuvugasu avaveeye nuvudaka mu mioyo; Kigira uvwami vwu mwigulu nu vwavo.

Matayo 9:12

Navuzwa lwa Yeso yaavahulira, yavoola, “Avenyaa umwahi wi zinyasi ni yavo avaveeye avalwaye; sivali avaveeye avalamu mba.

Luka 1:53

Wigutizi avinzara ni vindu vilahi, O, uvukungi avatugi amakono vugira kindu.

Luka 6:24

“Navuzwa O, vayaye, kilaamo keveeye ku munyi avatugi, kigira mumali konyoora liehozeliza lienyu!

Varumi 11:20

Nagiligali! Ziahalulwa kigira livula kusuuvira liavo, navuzwa ivi usingiraa vudinyu kigira lisuuvira, utiyizominya mba, navuzwa wilindi.

Varumi 11:25

Gaveeye agiligali gumuvuvisi, aganyenyaa munyi avaamitu vange mumanye; galamukola muvuli kuganagana ndi kuli muveeye avageri. Uvudinyu vwi mioyo ja vandu va Isiraeli sivoveeye vwukuhindira mihiga, navuzwa vulava ho vuzwa kuduuka lwa vandu vi zihiiri vosi vaza ku Nyasaye.

Varumi 12:3

Kigira kihanwa chi zimbavasi zia Nyasaye ku inzi, muvooleraa munyi mwosi: Mutiganagana aveene kuva igulu ligali kuvita kuli gamudukira muve mba. Mu vogono yivwo muve hagati mu zing'anagani zienyu, kandi mwikalagiri aveene kolondekana ne kegero chi lisuuvira lia Nyasaye amali kuhaana ku munyi.

Varumi 7:24

O, vaani! Inzi mbeeye umundu waadiva! Niwaha ulimbonyia kutura mu muviri gumbiraa mu likuza yigu?

2 Petro 1:9

Navuzwa mundu woosi utaveeye ni vindu yivi, alolaa ahimbi kandi aveeye umboku, kandi wiviriyi ndi yaatakaswa uvwoni vwivwe vwa kale.

Likunula 16:15

Mwami avoora, “Henza! Nziza kuli umwiivi!” Aveeye nuvugasu umundu ulindilira, nu kwivika zinguvu zizie ku avuli kogendagenda chahonyo, ma alole zisoni imbiri wa avandu.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.

Likunula 3:16

Navuzwa kigira oveeye ichiiya, na sioveeye umuhiu anoho umuziliru, ndakutuza utuli mu munwa gwange.