Likunula 3:14 - KITABU KITAKATIFU

¹⁴ “Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.

Likunula 3:14 Iomraidhean Croise

Litanga 49:3

“Rubeni, mwana wange wukutanga, ivi oveeye zinguru ziange. Kandi oveeye makuyu gu kutanga gi zinguru ziange. Ivi oveeye wu luyali kandi wi zinguru ligali kuvita vayaayi vange vosi.

Tsing'ano 14:5

Muloli musuuvirifu avoora gagiligali kazozo, navuzwa muloli utaveeye musuuvirifu avoora ovovehi.

Tsing'ano 8:22

“Yahova yaatanga konomba imbiri wi vindu viosi, jaali miyinzi jije ju kutanga kale ligali

Isaya 55:4

Ndaakola Daudi ave mwimiliri kandi munene wi zihiiri ziosi, kandi nimanyia zinguru ziange kuvitira muye.

Isaya 65:16

Mundu woosi oteeva uvugasu mukivala, alateeva uvugasu kutura ku Nyasaye musuuvirifu. Oyo wi suuhaa mu lirova, alisuuha ku Nyasaye wa agiligali; uvudinyu vwaliho kutura kale, vumali kwivilirwa ligali.”

Jeremia 42:5

Maku avandu vosi vambolera, “Yahova ave muloli wa agiligali kandi musuuvirifu ku kunyi niiva sikulatia amalago goosi aga Yahova Nyasaye wiitu ahaanaa ku ivi kigira kunyi.

Yohana 1:3

Nyasaye yalomba vindu viosi kuvitira muye. Sichaaliho ni kindu kali kilala ku vilombe viosi, ichalombwa vugira Ye.

Yohana 8:14

Yeso yavativulira, “Kali niiva nzelolekiza inzi mwene, lilolekiza liange liveeye lia agiligali kigira inzi manyi wandatula nu wanzizaa. Navuzwa munyi simumanyi wandatula kandi wanzizaa mba.

2 Vakorintho 1:20

niyie oveeye “Yee” ku lisuuvirizwa liosi lia Nyasaye. Yiki nicho kigira kuvitira mu Kristo Yeso, livoora “Amini” lietu liveeye ku lwu vukumi vwa Nyasaye.

Kwidzulitsa 21:17

Kuduuka avuguliri umwana watanga kwivulwa, umwana wu mukali utayaanzwa, amuhe vidieli viviri ku viosi viaveeye navio; muyaayi oyo aveeye kelolero chi zinguru ziu mwana watanga kwivulwa ziveeye zizie. Vulungi vwu muyaayi wu kutanga voveeye vwivwe.

Vakolosai 1:15

Kristo aveeye ligondo lia Nyasaye utalolekaa; utanga kwivulwa, na kandi aveeye umunene ku vilombe viosi;

Vakolosai 1:18

Aveeye mutwi gwu muviri gwigwe, likanisa; aveeye uvutangiliru vwi livamwoyo liu muviri zana. Aveeye Muyaayi watanga kwivulwa, uwasimugukizwa kutura mu likuza, kunangwa oyo yenyine aduuki kuva wu mu vindu viosi.

Vakolosai 2:1

Nyenya mumanye miyinzi midinyu jandaakola kigira munyi, kandi kigira avandu avaveeye mu Laodikia, kandi kigira avandi vosi avakikiri kundola moni namoni.

Vakolosai 4:16

Ibarwa yiyi nimali kosomwa mu munyi, mukore esomwe kandi mu likanisa lia vandu va Laodikia: kandi munyi musome ibarwa itulaa Laodikia.

Likunula 1:11

nigovoora, “Ng'oda via ololaa mu kitabu yiki ma ukihiri mu amakanisa gaveeye mu madaala manene saba yaga: Efeso, Simarina, Perigamo, Ziatira, Saride Filadefia, na Laodikia.”

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 19:11

Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 2:1

“Ng'odera engelosi wi likanisa lia Efeso: Yaga nigo amakuva ga uyu ugumiyi zing'ereng'ani saba mu mukono gwigwe umulungi kandi ogendaa hagati hi ivinaara vie zitaya saba, vie izahabu avoora.

Likunula 21:6

Yambolera, “Gakoleywi! Inzi mbeeye Alufa na Omega, Litanga ne Keheri. Inzi ndaha uyu oveeye nuvuluhu ikisinukiruchaamazi gi livamwoyo, anwi vugira imituungu.

Likunula 22:13

Inzi mbeeye Alufa na Omega, wimbiri nuwukumaliriza, litanga ne keheri.”

Likunula 22:6

Maku engelosi yambolera, “Amakuva yaga gaveeye agiligali agukusuuvirwa. Mwami Nyasaye, ohezaa Roho weve ku avaporofeti umala kutuma engelosi weve kumanyia avatumikiri veve ivindu viduukana viekoleke vwangu.”

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.