Likunula 3:12 - KITABU KITAKATIFU

¹² Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.

Likunula 3:12 Iomraidhean Croise

1 Avami 7:21

Huramu yasingiriza zitiru zie migasa yizi imbiri wu vwingiliru vwi Litembeli. Yagulika itiru yaali ku lovega lwa isavaalu Jakini, na yaali Ivaale, Boazi.

Zaburi 46:4

Haveeye numugera ogoleetaa uvusangari mu lidaala linene lia Nyasaye, ku inyumba indakatifu ya Nyasaye oveeye igulu ligali.

Zaburi 48:8

Kunyi kuhuliyi aga Nyasaye amali kokora, kandi kalunu kumali kukelora mu lidaala linene lia Nyasaye wiitu, Yahova Wanyala Viosi; alalinda lidaala linene mihiga ni mihiga.

Zaburi 87:3

Avandu vi lidaala linene lia Nyasaye, hulirizi ku vindu viokogenyia via avoora ku ivi.

Isaya 62:2

Zihiiri ziosi zilarora uvulungi vwinyu O, Jerusalemi, kandi avami vosi valalola uvukumi vwinyu. Kandi mulagulikwa lieta lihia, ilieta litula ku Yahova mwene.

Isaya 65:15

Avandu vange avatovole valatumikira lieta lienyu kuli kilaamo. Inzi Yahova Nyasaye ndamwita, navuzwa ndahaana lieta lihia ku yavo avahulira inzi.

Jeremia 1:18

Kalunu mali kukokola ove kuli lidaala lie imbinga enene, itiru yi kivia, lidigi liu mugasa usingili vudinyu nu kuhingira kivala choosi, avami vi Ivuyuda, avanene vacho, avasaalisi vacho, kandi na avandu vi kivala chene yiki choosi.

Ezekieli 40:49

Uvutambi vwu lusimbu vwali zimita likomi, nuvuvambalaru vwali zimita sita. Lwali ni vika likomi viaziza kulwo, kandi lwali ni zitiru ziviri, indala kolovega lulala, ni yindi kolovega lundi.

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Marko 12:16

Vamuleetera silingi ndala, naye yavateva, “Kifananyi yiki harara ni ling'oda yili ni via vwaha?” Vaamutivulira, “Ni via Kaisari.”

Vagalatia 2:9

Yakobo, Petero na Yohana avaloleka kuva nivo aviimiliri vanene, vamanya ndi Nyasaye umali kuhaana ku inzi muyinzi muduukiru, kunangwa vavugilira Baranaba ninzi kuli avasangi muvutumwa. Kunangwa vaakucheliza. Kwavugilizana ndi Baranaba ninzi kokole miyinzi hagati ha vandu vizihiiri, navo vakole miyinzi hagati ha Avayuda.

Vafeso 3:15

oveeye uvutangiliru vwa vuli ihiiri yu mwigulu kandi ya haasi enyooraa lieta liayo liagiligali.

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.

Vahebraina 13:14

Kigira hano mu lirova sikoveeye nilidaala linene lihindiraa mba; kulindiliraa lidaala linene lizaa.

1 Yohana 4:4

Avana vange, munyi muveeye ava Nyasaye, kandi mwaguuta avaporofeti vovovehi kigira Roho oveeye mumunyi, aveeye munene kandi wizingulu kuvita roho oveeye mu vandu vikivala.

Likunula 14:1

Ndahenza, nindora Mwana wi Ligondi nasingiyi ku Kiguru cha Ziyoni kandi avandu 144,000 vaali harara naye, avaari ni lieta lilie kandi ku uvweni vwavo vaali nivang'odeywi ku lieta lia Baba weve.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 2:11

“Uyu oveeye nu gutu, ahuliri aga Roho avolera amakanisa. “Uyu ugutaa sialanyoola kivi chi likuza lia kaviri mba.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.

Likunula 21:2

Kandi ndaalora Lidaala Litakatifu, Jerusalemi imbia, nilikaa kutura mwigulu ku Nyasaye, nilietegekizwi kuli umwiha uwisiahiyi umusaza weve.

Likunula 22:4

Kulakalole kandi mumoni mwa Nyasaye, ni ilieta lilie lilakang'odwe mu uvweni vwavo.

Likunula 3:5

Oyo ugutaa uvulwani alaviikwa zinguvu zindavu; sindatuliza lieta lilie mu kitabu chi livamwoyo mba, kandi ndiyama lieta lilie imbiri wa Baba wange kandi imbiri wi zingelosi veve kandi.