Likunula 22:6 - KITABU KITAKATIFU

⁶ Maku engelosi yambolera, “Amakuva yaga gaveeye agiligali agukusuuvirwa. Mwami Nyasaye, ohezaa Roho weve ku avaporofeti umala kutuma engelosi weve kumanyia avatumikiri veve ivindu viduukana viekoleke vwangu.”

Likunula 22:6 Iomraidhean Croise

Litanga 41:32

Liranira lia maloto googo, livoora ndi, Nyasaye umali kusaavira kokora agavooye alakola mu madiku makekeeke agazaa.

Danyeli 3:28

Mwami yavoola, “Nyasaye wa Sadaraka, Meshaka na Abedinego yizominywe! Yatuma engelosi yeeye nesoola vandu yava avamusuuvira, si vaatia malago gange mba. Vaviika livamwoyo liavo mu vuhimwa mulivula kusigamira Nyasaye wundi nataveeye nyasaye wavo.

Danyeli 6:22

O, Mwami Nyasaye utumi engelosi yeeye kukunika minwa ji zisimba kunangwa zivuli kuusaliliza. Nyasaye okoli yaga kigira amanyi ndi inzi mbeeye vugira imbara kandi kigira si ndakokolera vudamanu vwosi mba.”

Matayo 13:41

Umwana wa Adamu alatuma zingelosi veve, navo valavungiza kutura mu Vwami vwivwe ivindu viosi ivileetaa uvwoni, na vosi avaakoraa uvudamanu,

Luka 1:70

Kuli yalaga kale kuvitira mu vaporofeti veve vatakatifu

Luka 16:16

“Lilaga lia Musa na mang'oda ga avaporofeti vialiho kuduuka ing'inga ya Yohana Mubatizi. Kutura ing'inga yeyo, Makuva Malahi gu Vwami vwa Nyasaye yilwazwa, kandi vuli mundu avuvugulaa kuzingulu.

Vikolwa 12:11

Maku Petero yamanyiriza gaali nigekoleki kuye navoora, “Kalunu manyi ligali ndi Mwami utumi engelosi weve kombonyia kutura mu zinguru zia Herodi nu kutura mu makuva goosi aga vandu va Isiraeli vaganagana galekoleka.”

Vikolwa 3:18

Nyasaye yalandiza kale kuvitira mu vaporofeti vosi ndi; gaduukiraa Mesia weve asalirizwi kandi yagakola gaduuki kuva agiligali munzira yiyi.

Varumi 1:2

Nyasaye yalaga avandu Ivangeri kuvitira mu vaporofeti veve kuli gang'odwa kutura kale mu Mang'oda Matakatifu.

1 Vakorintho 14:32

Kihanwa cho koporofeta kidukanaa chamiifi nu muporofeti mwene omoloma,

1 Vakorintho 7:29

Avaamitu, aganyenyaa kovora ni yaga: keheri keveeye ahimbi. Kutura kalunu yavo avaleetaa vakali vamenye kuli vakikiri koleta.

2 Vatesalonike 1:7

navuzwa munyi avakubizangwa ikivi mulanyola ovososi ni lielemereriza, kandi ku kunyi ndio. Alakola ndio lwu Umwami wiitu Yeso alolekaa kutura mwigulu harara ni zingelosi veve avizingulu,

Vahebraina 12:9

Nakali ndio, gakuduukiraa kutie baba viitu lwahaana amageri; kunyalandi kwegehiza Baba wiitu wu mu Roho makove mwoyo.

2 Petro 1:21

Voporofeti si vwaza ku vulaliri vwu mundu, navuzwa avandu vanyoola Roho Mutakatifu lwa vamoloma amakuva gaturaa ku Nyasaye.

2 Petro 3:2

Nyenya munyi mwizurizi amakuva gavoolwa na vaporofeti vatakatifu lwimbiri ni lilaga liu Mwami oveeye Muhonyi, lia mwahevwa kuvitira mu vatumwa vinyu.

Likunula 1:1

Kitabu yiki keveeye livuula lia Yeso Kristo, lia Nyasaye yamuha, aduuki kumanyia avatumikiri veve, agazizaa kwekoleka vwangu. Yakola ivindu yivi vimanyikane ku mutumikiri weve Yohana lwa yatuma engelosi weve kuye.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 19:9

Engelosi yambolera kandi, “Ong'ode amakuva yaga: Vaveeye nuvugasu yavo avalangiywi vazie mu lilia lie keserero chu Mwana wi Ligondi.” Yambolera kandi, “Yaga gaveeye amakuva giligali ga Nyasaye.”

Likunula 21:5

Maku Nyasaye yavoola, “Henza! Inzi ngolaa ivindu viosi vive ivihia.” Yambolera, “Ng'oda yili, kigira amakuva yaga gaveeye agiligali kandi aguvusuuvirifu.”

Likunula 21:9

Mulala ku zingelosi saba avaari ni zibakuli saba, zizura amaduywa saba gukumaliriza, yaza ku inzi nambolera, “Hamba yinu, na ndakumanyia umwiha; mukali wu Mwana wi Ligondi.”

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.

Likunula 22:7

Yeso avoora, “Hulira, nziza vwangu! Aveeye nuvugasu uyu ugumira amakuva go ovoporofeti vwi kitabu yiki!”

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”