Likunula 22:2 - KITABU KITAKATIFU

² Gavitira hagati hi inzira yi lidaala linene. Ku vuli lujinga lwu umugera zana, gwaali ho umusaala gwi livamwoyo, ugwama amakuyu likomi na gaviri ku muhiga lulala ku vuli mweli. Kandi amatu gu umusaala zana gaveeye gokohonyia avandu vi izihiiri.

Likunula 22:2 Iomraidhean Croise

Litanga 2:9

Yahova Nyasaye yakola misaala josi milahi komera nukuhaana makuyu malahi. Musaala gwi livamwoyo nu musaala gwi limanyiriza agaveeye malahi namadamanu jaali mu mulimi hagati.

Zaburi 147:3

Ahonyia avi mioyo jidedekee, kandi avoheleraa zingwagu ziavo.

Tsing'ano 3:18

Yavo avanyoora ovogeri vaveeye nuvuyanzi, kigira ovogeri vulavaha livamwoyo.

Isaya 6:10

Maku yambolera, “Lomba zing'anagani zia vandu yava kuluha, hanyia amatu gaavo, kandi vakuliza zimoni ziavo, kunangwa vavuli kolola, anoho kuhulira kinga kumanyiriza. Niiva vakakoli ndio, vakagirungani kuuza ku inzi ma vahonywe.”

Jeremia 17:14

O, Yahova, ombonyie na ndahona ligali; osoore na inzi ndahona ligali. Ivi niye wa inzi nzizominyanga!

Ezekieli 47:1

Umundu oyo yambira inyima mu vwingiliru vwi Litembeli. Mazi gaali nigaturaa hasi mu vwingiliru kandi nigazizaa Ivugwi, kolovega lwi Litembeli liahenza. Giturukaa hasi kutura isi we kedonye chi Isavaalu kolovega lwu vwali.

Hosea 14:4

Yahova avoora, “Inzi ndahonya kandi ndilanyia vandu vange ku inzi mwene. Ndavayaanza nu mwoyo gwange gwosi; kandi si ndava nu vutima navo mba.

Zekaria 14:8

Lwi lidiku yili liliduuka, mazi gilivamwoyo galakituruki kutura Jerusalemi, inusu yago galakazie mu inyanza yi jumbi, na inusu yindi galakazie mu inyanza ya Meditareniani. Amazi yaga galakituruki muhiga gwosi mu ing'inga yi kemeyu kandi mu ing'inga yi mbula.

Malaki 4:2

Navuzwa kumunyi avatizaa inzi, zinguru ziange zio vohonyi zilatonga ku munyi kuli liuva. Ndaleta vohonyi ku munyi kuli vwaku vwi liuva. Mulakave avavoholore kandi nu vusangali kuli vimoli vituliziywi mu kego.

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

1 Petro 2:24

Mwene yaginga uvwoni vwitu mu muviri gwigwe ku musalaba, kunyi kuduuki kukuza ku uvwoni, kandi kove mwoyo ku vulungi. Kigira zingwagu zizie, munyi mwahonywa.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.

Likunula 21:21

Ivirivwa likomi na viviri viali izilulu likomi na ziviri; vuli kirivwa chalombwa ku ilulu ndala. Kandi inzira yi lidaala yaali izahabu enzere, yaali eng'ereng'anu kuli igilasi.

Likunula 21:24

Izihiiri zilagenda mu uvulavu vwalio, na avami vi lirova valaleta uvukumi vwu uvutugi vwavo mulio.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:14

Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.

Likunula 22:19

Utuliza kindu choosi ku makuva gi kitabu cho ovoporofeti yivu, Nyasaye alatuliza lisanga lilie kutura ku musaala guhaanaa livamwoyo mu Lidaala Litakatifu, ili ng'odeywi mu kitabu yiki.