Likunula 22:14 - KITABU KITAKATIFU

¹⁴ Vaveeye nuvugasu avogizaa zinguvu ziavo, vaduuki kulia amakuyu gu musaala gwi livamwoyo kandi kwingira mu virivwa nu kuduuka mu lidaala linene.

Likunula 22:14 Iomraidhean Croise

Litanga 2:9

Yahova Nyasaye yakola misaala josi milahi komera nukuhaana makuyu malahi. Musaala gwi livamwoyo nu musaala gwi limanyiriza agaveeye malahi namadamanu jaali mu mulimi hagati.

Litanga 3:22

Maku Yahova Nyasaye yavoola, “Kalunu umundu umali kuva mulala kuli kunyi, kandi aveeye novogeri vwi limanyiriza uvulahi nu vudamanu. Si alavugilirwa kandi kuvugura makuyu kutura ku musaala gwi livamwoyo, kulia kandi komenya mihiga ni mihiga mba.”

Zaburi 112:1

Mwizominyi Yahova! Aveeye nuvugasu mundu uhuliraa Yahova, asangalira ligali mu lihulira malago geege.

Zaburi 118:20

Yiki ni kirivwa chi Litembeli lilie, avandu valungi veng'ine nivo avanyala kwingira mu.

Kutwula 19:10

Yahova yamuvolera, “Zia ku avandu yavo uvavoolere vahonge kalunu na mugamba niviitakasa ku lisigamira. Kuduuka vafuyi zinguvu ziavo

Danyeli 12:12

Vaveeye nu vugasu yavo avaveeye avasuuvirifu kuduuka madiku 1,335 galihera!

Yohana 10:7

Kunangwa, Yeso yavavolera kandi, “Muvooleraa, agiligali, inzi ni kirivwa cha magondi.

Yohana 10:9

Inzi mbeeye kirivwa. Ku vosi uwingira kuvitira ku inzi alahonywa; alingira kandi atuli ichova kandi alanyoola vwayiru.

Yohana 14:15

“Ni muva ni munyanza, mulagumira amalago gange.

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Yohana 4:12

Ivi wekolaa kuva munene ligali kuvita baba wiitu Yakobo? Oyo yakuha kidaho yiki, harara na avana veve, nimitugu jije vanwa amazi gi kidaho yiki.”

1 Vakorintho 7:19

Kigira likevwa anoho livula kokevwa siviveeye kindu mba; ekeveeye kenene ni kugumira no kolonda amalago ga Nyasaye.

1 Vakorintho 8:9

Muhenze vulahi, mutaleka vovoholore vwinyu yivu vwi likora vove vwu kwikigitariza yavo avaveeye vadedekere mu lisuuvira, ma vagwi muvwoni mba.

1 Vakorintho 9:5

Mbeeye nu vunyali ligali kuvugura mukali Mukristayo wache kuzia naye mu zing'endo ziange, kuli avatumwa vandi vakora, kandi vamiitu vu Mwami harara na Petero.

Vagalatia 5:6

Nikoveeye nu vuhambani na Kristo Yeso, likevwa anoho livula kokevwa silikoonyaa kindu, navuzwa lisuuvira likora miyinzi kuvitira mu vuyanzi.

1 Yohana 3:3

Umundu woosi oveeye ni lisuuvira yili mu Kristo, yitakasaa mwene kuli Kristo aveeye Mutakatifu.

1 Yohana 5:3

Uvuyanzi vwitu ku Nyasaye voveeye kovora ukuhulira amalago geege. Kandi amalago geege sigaveeye amadinyu ku kunyi mba.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.

Likunula 21:12

Liali ni lidiji linene kandi litambi, harara ni virivwa likomi na viviri; zingelosi likomi na vaviri valinda virivwa. Amita gi zihiiri zia avandu va Isiraeli likomi na vaviri gang'odwa ku virivwa zana.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.

Likunula 22:2

Gavitira hagati hi inzira yi lidaala linene. Ku vuli lujinga lwu umugera zana, gwaali ho umusaala gwi livamwoyo, ugwama amakuyu likomi na gaviri ku muhiga lulala ku vuli mweli. Kandi amatu gu umusaala zana gaveeye gokohonyia avandu vi izihiiri.

Likunula 22:7

Yeso avoora, “Hulira, nziza vwangu! Aveeye nuvugasu uyu ugumira amakuva go ovoporofeti vwi kitabu yiki!”

Likunula 7:14

Nainzi ndaamutivulira, “Simanyi mba, umwami ivi umanyi.” Yambolera, “Yava nivo avamali kutura mu kivi ekenene yicho, navo voogizi ziganza ziavo mu masahi gu Mwana wi Ligondi, nukuzikola zive zindavu.