Likunula 21:8 - KITABU KITAKATIFU

⁸ Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 21:8 Iomraidhean Croise

Tsing'ano 19:5

Niiva mundu alavoora vovehi mukiyaro, alanyoola mageri; sialahononoka mba.

Tsing'ano 19:9

Avulaho mundu ovola vovehi mukiyaro ohononokaa kohevwa mageri; mundu uyu yadiva.

Isaya 51:12

Yahova avoora ndi, “Inzi niyie ukuhezaa zinguru; kigira ki utizaa mundu akuza, kuli vunyasi?

Isaya 57:11

Yahova avoora, “avanyasaye vamutiizaa nukutihizwa ligali navo ni vanga vwaha, kunangwa muduuki kombehera kandi kwivilira inzi ligali? Munyi mumali kolekera ukuha inzi uluyali kigira ngiling'ani ku ing'inga indambi?

Isaya 9:15

Avasaakulu navasaza vuluyali vaveeye mitwi, na avaporofeti ava miigizu gu vugadi vaveeye mikira!

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 25:25

Inzi ndaatia ma ninzia kuvisa vudinyu italenta yooyo mu marova. Henza! Ngiyi iyaali iyooyo; givuguli.’

Matayo 8:26

Yeso yavateva, “Kigira ki munyi muveeye ni lisuuvira likekeeke?” Kunangwa, yasingira naagondokera imbuza ni nyanza, ma gwaali umulengera umunene.

Marko 9:44

Umwene yimwo izing'ende ziliizaa avandu sizikuzaa mba; kandi muliru gusimaa mba.]

Yohana 8:44

Munyi muveeye avana vababa winyu Setani, nu uvulariri vwinyu ni okokora likayirwa lia baba winyu. Oyo yaali mulumindi kutura mulitanga kandi sianyala kusingira kolovega lwa agiligali mba, kigira agiligali sigaveeye muye mba. Choosi ichavoolaa cho vovehi avoora kuturana ni liiva lilie lia yalombwa nalio, kigira aveeye muvehi kandi ni baba wovovehi.

Kwidzulitsa 20:8

“Avanene vavasikali valameeda kovoolera avasikari vuvulwani: ‘Nivwaha oveeye nuvuti kandi nu mwoyo mudedekere? Nigaveeye ndio, kuduuka yirani yengo weve; Gase mioyo ja avamwavo veve jilakuza kuli mwoyo gwigwe.’

2 Vatesalonike 2:9

Muchamu uyu alaza ni zinguru ziosi zia Setani kandi alakola zing'ano ziosi zie vilolekizu kandi viokogenyia, viu vugadi.

Tito 1:16

Avandu kuli yava veevoola vene vamanya Nyasaye, navuzwa vu vikolwa viavo, vamwambakanaa. Vaveeye avukuvihiririza, vatahulira kandi avataduukanaa ku miyinzi josi milahi.

Vahebraina 12:24

Mumali kuuza ku Yeso umuhambanyi wililagana lihia, kandi ku masahi guufa agasuuvirizaa vindu vilahi ligali kuvita masahi ga Habili.

Vahebraina 13:4

Lisererana kuduuka live nuluyali ku vandu vosi, kandi gaduukiraa avasaza na vakali vave avasuuvirifu mulala ku wache kazozo. Nyasaye alakakaragiri vadamanu kandi yavo avakolaa ovoheyi.

1 Yohana 2:22

Nivwaha oveeye mugaadi? Ni uyu wambakanaa ndi Yeso aveeye Mesia, umundu kuli uyu aveeye umusigu wa Kristo. Yambakana Baba kandi Mwana.

1 Yohana 3:15

Mundu woosi udunyiraa amwavo weve aveeye umurumindi, kandi munyi mumanyi vulahi ndi umurumindi kali mulala siaveeye ni livamwoyo litahera mba.

1 Yohana 5:10

Mundu woosi usuviraa mu mwana wa Nyasaye aveeye ni lilolekiza yili mu mwoyo gwigwe. Mundu utasuviraa Nyasaye umali kumukola muvehi, kigira si yasuuvira lilolekiza lia Nyasaye amali kuhaana ku umwana weve mba.

Likunula 14:10

Ye umwene kandi alanwa iwaini yu vutima vwa Nyasaye imali kuzukwa mu kekombe vugira kuzuganywa nu uvutima vwa Nyasaye! Kandi alasalirizwa nu muliru gwi kibiriti imbiri wi zingelosi avatakatifu kandi imbiri wu Mwana wi Ligondi.

Likunula 19:20

Iking'ang'a zana chagumirwa harara nu umuporofeti wo vovehi waali naakori ivilolekizu imbiri weve. Yatumikira ivilolekizu yivio ukugaada avandu vaali nu muhuri gwi king'ang'a, na yavo avasigamira kifananyi chacho. Iking'ang'a nu umuporofeti wo vovehi vasuvwa munyanza yu muliru iyakaa nu kuvasaamba ni kibiriti nivaveeye mwoyo.

Likunula 2:11

“Uyu oveeye nu gutu, ahuliri aga Roho avolera amakanisa. “Uyu ugutaa sialanyoola kivi chi likuza lia kaviri mba.

Likunula 2:2

“Inzi manyi vikolwa vivio viosi, nuvugulu vwa oveeye navwo ku miyinzi, ni liekuzira liilio. Kandi manyi ndi siunyala kwikuzira ku avandu vadamanu mba. Umali kogeliza kandi yavo avilangaa vaveeye avatumwa, navuzwa sivaveeye ndio mba. Kandi umali konyoora ndi vaveeye vagadi.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Likunula 9:17

Ndaalora kandi mu amalola gange zibarasi harara na vahiri vazio viviika zisalamba ziavo ziu mu viritu zie ivivia, nazio ziali zinzakanyu kuli muliru, ziali bulu kuli kibiriti nizigwa zia yelo kuli uvurudi. Imitwi ji zibarasi jaali kuli imitwi ji zisimba; muliru, umwoki kandi uvurudi viatula mu minwa jazio.

Likunula 9:21

Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.

Vakalagi 7:3

Kulwayago, ulandiziri avandu vosi nivahulira, uvavoolere ndi, ‘Umundu woosi unyala kuva naveeye nuvuti yiirane yengo kutura mu kiguru cha Gileadi.’ ” Avandu izielefu sirini na mbiri viirana yengo na avandu izielefu likomi vaatigara.