Likunula 21:7 - KITABU KITAKATIFU

⁷ Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.

Likunula 21:7 Iomraidhean Croise

Litanga 17:8

Inzi ndakakohe harara nivisukululwi vivio kivala yiki cha oveeye mu mugeni. Kivala choosi cha Kanaani kilakave chi visukululwi vivio mihiga ni mihiga, kandi inzi ndakave Nyasaye wavo.”

2 Samweli 7:14

Ndava baba weve, naye alava muyaayi wange. Lwakola uvudamanu, ndamuha amageri kuli baba wumwana ahaanaa mageri ku muyaayi weve.

Zaburi 89:26

Naye alanira ku inzi nokovoora, ‘Ivi oveeye baba wange kandi Nyasaye wange; Ivi oveeye mukingi wange kandi muhonyi wange.’

Tsing'ano 3:35

Avandu vageri valanyora ilizominywa liuluyali, navuzwa avasiru valanyora zisoni.

Isaya 65:9

Ndagasiza avandu va Isiraeli avaveeye vi ihiiri ya vandu vi Ivuyuda, kandi visukululwi vaavo valamenya mu kivala change chi ivigulu. Avandu vange avatovole, avandumikiraa, valamenya mu kivala yiki.

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Matayo 25:21

Mwami weve yamuvolera, ‘Okoli vulahi, umutugwa mulahi kandi umusuuvirifu. Walinda vulahi ivindu vikekeke; ndakuviika ove umulindi wi vindu ivinyingi. Hamba wingiri mu vusangali harara nu mwami woovo.’

Matayo 25:34

Ma Mwami alakavoolere avaveeye ku mukono gwigwe umulungi, ‘Hambi munyi avaagasizwa na Baba wange munyore miandu ju vwami vwa mwalomberwa kutura lwi lirova liatanga.

Marko 10:17

Lwa Yeso yaatanga logendo lwilwe, umundu mulala yanyagula nasigama imbiri weve, ma na muteeva, “Mwigizi mulahi, ngola ndi nduuki konyoora livamwoyo litahera mba?”

Varumi 8:14

Ku vosi ava Roho wa Nyasaye yimiliraa yava nivo avana va Nyasaye.

Varumi 8:19

Vindu viosi via Nyasaye yalomba vilindilira nuvuha vonene ndi, Nyasaye avuri avana veve.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

2 Vakorintho 6:18

Inzi ndava Baba winyu, namunyi mulava avana vange, avayaayi na vakana.” Mwami Wanyala Viosi avoora.

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

1 Petro 3:9

Mutatung'ana uvudamanu ku vudamanu, anoho ikilaamo ku kilaamo; nitali muvasavili vugasu, yaga goosi gatuungwi nu vugasu, kigira uvugasu nivwo vwa Nyasaye yamulaga lwa yamulanga.

Likunula 2:11

“Uyu oveeye nu gutu, ahuliri aga Roho avolera amakanisa. “Uyu ugutaa sialanyoola kivi chi likuza lia kaviri mba.

Likunula 2:17

“Uyu oveeye nu gutu ahuliri likuva lia Roho avolera amakanisa! “Yavo avaguutaa ndavaha amaana gavisiywi, kandi ndavaha ligina lilavu, ling'odeywi ku lieta lihia, liu umundu, atamanyi nataveeye uyu oheveywi ilieta zana.

Likunula 2:25

Navuzwa mugumiri cha muveeye nacho kuduuka lwa ndakaaze.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.

1 Samweli 2:8

Agingaa avadaka igulu kutura mu luguchi, kandi avukizaa avilienya kutura mu vudinyu vwavo. Avakolaa kuva avalina va vayaayi va vami vanene. Na avaviika mu vogono vwu luyali. Mise jilirova jiveeye ja Yahova; na kujo yamala kolomba musingi gwi lirova.