Likunula 21:4 - KITABU KITAKATIFU

⁴ Aleeya vosi, amaliga kutura mu izimoni ziavo. Likuza sililava ho mba, kandi sihalava no ovovereri anoho lisioma nu uvuzunu mba. Ivindu viakale vimali kogotizwa.”

Likunula 21:4 Iomraidhean Croise

Zaburi 144:4

Mundu aveeye vuzwa kuli mwika, kandi amadiku geege kuli chiriri kivitaa.

Isaya 25:8

Mwami munene Yahova aladiviza likuza mihiga ni mihiga. Alakeeye maliga kutura mu zimoni zia vuli mundu, kandi alakatulizi ho zisoni izia vandu veve vamali kusalirira mu lirova liosi. Yahova mwene umali kovora.

Isaya 30:19

O, munyi avandu va Ziyoni, avamenyi mu Jerusalemi, si mulasioma kandi mba. Yahova aveeye wizimbavasi, kandi lwamumwanira amukonye, alamutivulira.

Isaya 35:10

Valaduuka mu Jerusalemi nu vuyanzi, ni vimba nivakuba isango yu vusangali. Valava nu vuyanzi kandi nuvusangali mihiga ni mihiga, kandi sivalava ni liverera kandi nilihenda mwoyo mba.

Isaya 51:11

Yavo ava umali kohonyia valilana Jerusalemi mu nuvusangali, nivimba kandi nivahanzuka kigira uvusangari. Valayaanza mihiga ni mihiga, kigira vovereri nilisioma vilatulizwa ho mihiga ni mihiga.

Isaya 60:20

Liuva lienyu si lilayeera mba, anoho mweli gwinyu si gulatulaho mba; Inzi Yahova ndava uvulavu vwinyu mihiga ni mihiga, kandi amadiku gi lisioma lienyu galaduuka ku keheri.

Isaya 61:3

Yahova yanduma kuhaana uvusangari kandi uvuyanzi havogono hi lisioma, ku yavo avaveeye mu Ziyoni. Kandi kuhaana lwimbu lwu kwizominya havogono hovoveleri. Valava kuli misaala ja Yahova mwene umali kusimika, vaduuki kokora agaveeye amalungi; kandi vaduuki kwizominya Nyasaye kugoosi agaamali kuvakolera.

Jeremia 31:12

Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Jeremia 31:13

Kunangwa vakana valavina kandi valayaanza, kandi avasaza, vasoleri navakulundu valasangala. Inzi ndavaleminya mwoyo nukugirung'anyia lisioma liavo kuva vuyanzi, ovovereri vwavo kuva uvusangari.

Hosea 13:14

Inzi si ndahonyia vandu yava kutura mu kivala cha vakuzu si ndavasoola kutura mu likuza mba. O, likuza, kivi chicho chu vulwaye vudamanu keveeye haliha? O, kirindwa, lidiviza liilio liveeye haliha? Inzi sindavererera vandu yava kandi mba.

Matayo 24:35

Ligulu ni lirova vilavita, navuzwa amakuva gange sigalivita mba.”

1 Vakorintho 15:26

Musigu wokohereriza kudivizwa alakave likuza.

1 Vakorintho 7:31

Yavo avadidikanaa kutumikira vindu vie lirova yili, vave kuli avatatumikiraa vindu vie lirova ligali. Liiva lie lirova yili, kuli kumanyi, livitaa.

2 Vakorintho 5:17

Lwu mundu woosi, aveeye mu Kristo, aveeye ekelombe ikihia. Henza ivindu viosi via kale vimali kuvita. Na viosi vigwiyi vihia.

2 Vakorintho 6:17

Mwami avoora, “Mwiyahuli aveene kutura kuvo. Mutadiiri kindu choosi kitaveeye kinifu, ninzi ndamuvugirira.

Vahebraina 12:27

Likuva yili, ing'inga yindi kandi, limanyia havulavu ndi ivindu vialombwa na Nyasaye viosi viladegerizwa, kandi vilakatulizwi ho, kunangwa vindu vitanyala kudengeyizwa vilakatigale.

2 Petro 3:10

Lidiku liu Mwami lilakaze kuli umwivi. Ku Lidiku yilio, ligulu lilatulizwa ho nu mufuumu munene. Ni miviri josi ju mwigulu jilasaambwa nu kudivizirwa mu muliru munene; lirova ni vindu vialio viosi vilasambwa.

1 Yohana 2:17

Kivala harara ni vindu viacho viosi via avandu vakayirwa vivitaa, navuzwa uyu okolaa uvulariri vwa Nyasaye ahindiraa imihiga ni mihiga.

Likunula 20:13

Maku inyanza yaatuliza avakuzu vayo. Likuza ni kivala cha vakuzu kandi viatuliza avakuzu avaari mucho. Vakalagirwa kolondekana ni likora liavo.

Likunula 20:14

Maku likuza ni kivala cha vakuzu viasiuvwa mu inyanza yu muliru. Inyanza yu muliru yiyi nilio likuza lia kaviri.

Likunula 21:1

Maku ndaalora ligulu lihia ni lirova lihia. Ligulu liu kutanga kandi lirova liu kutanga limali kuvita kandi inyanza ituliziywi ho.

Likunula 22:3

Sihalava ho kandi ni kindu choosi ichalaamwa na Nyasaye mu lidaala linene yilio mba. Navuzwa endeve yu uvwami vwa Nyasaye ni yu Mwana wi Ligondi zilakave mu lidaala yilio kandi avatumikiri veve valakamutumikiri.

Likunula 7:17

Kigira Mwana wi Ligondi oveeye hagati hendeve yu uvwami alava mwayi wavo, kandi alavimilira kuduuka ha amazi gi livamwoyo gasinukaa. Nyasaye aleeya amaliga goosi mu zimoni ziavo.”