Likunula 21:2 - KITABU KITAKATIFU

² Kandi ndaalora Lidaala Litakatifu, Jerusalemi imbia, nilikaa kutura mwigulu ku Nyasaye, nilietegekizwi kuli umwiha uwisiahiyi umusaza weve.

Likunula 21:2 Iomraidhean Croise

Zaburi 87:3

Avandu vi lidaala linene lia Nyasaye, hulirizi ku vindu viokogenyia via avoora ku ivi.

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 52:1

Avandu va Jerusalemi, muve nizinguru zinene kandi! Lidaala litakatifu lia Nyasaye, mwiviki munyi aveene vukumi! Avandu vatamanyi Nyasaye, sivalingira mu virivwa vivio kandi mba.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Isaya 61:10

Avandu va Jerusalemi vasangala kigira aga Yahova amali kokora. vaveeye kuli mwiha yiviiki kigira keserero chiche. Nyasaye yamukunika novohonyi kandi nuvuguuti.

Isaya 62:4

Simulalangwa kandi, “Azuba,” liveeye kovora “Avandu valekwa” anoho kivala chiinyu si kilalangwa “Shemama” liveeye kovora “Mukali walekwa.” Navuzwa mulalangwa “Hefiziba” - liveeye kovora “Uvusangari vwa Nyasaye voveeye mu munyi.” Kivala chiinyu kilalangwa; “Beula” - liveeye kovora - “Wakwevwa.” Yahova asangalira munyi, kandi mulava kuli musaza mu kivala chiinyu.

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Yohana 3:29

Oyo oveeye nu Mwiha osereywi niye mwami we keserero. Navuzwa mulina wu mwami we keserero, usingira nukuhuliriza, asangalaa ligali lwa ahuliraa mwami wekeserero namolomaa. Kigira yaga uvuyanzi yivwo nivwo vwa inzi mbeeye navwo; kandi vuduukiziywi.

2 Vakorintho 11:2

Mbeeye nilikayilwa ni munyi kuli Nyasaye aveeye nilikayilwa ni munyi. Munyi muveeye kuli mukaana mugima, mulahi wa ndateevera umusaza mulala vuzwa, naye ni Kristo.

Vahebraina 11:10

Aburahamu yalindiliraa lidaala linene lia Nyasaye yalohiza nalibiima ma naaliumbaka, lidaala linene liveeye nimisingi midinyu.

Vahebraina 11:16

Navuzwa kuli gaveeye, veegomba kivala kilahi ligali, nacho keveeye kivala chu mwigulu; kigira yaga, Nyasaye siaveeye esoni ku yavo kumulanga Nyasaye wavo, kigira uvalombeeye lidaala linene.

Vahebraina 12:22

Mu vogono yivwo, munyi mumali kuuza ku Kiguru cha Ziyoni, kandi ku lidaala linene lia Nyasaye oveeye mwoyo, Jerusalemi yumwigulu, harara ni zielefu zie zingelosi zialio.

Vahebraina 13:14

Kigira hano mu lirova sikoveeye nilidaala linene lihindiraa mba; kulindiliraa lidaala linene lizaa.

Likunula 1:1

Kitabu yiki keveeye livuula lia Yeso Kristo, lia Nyasaye yamuha, aduuki kumanyia avatumikiri veve, agazizaa kwekoleka vwangu. Yakola ivindu yivi vimanyikane ku mutumikiri weve Yohana lwa yatuma engelosi weve kuye.

Likunula 1:4

Inzi Yohana, ng'odera amakanisa saba agaveeye mu losoma lwa Asia: Zimbavasi kandi mirembe vive ku munyi, kutura ku Nyasaye oveeye ho, kandi uwaali ho, kandi uzaa; kandi kutura ku Roho saba avaveeye imbiri wendeve yeeye yuvukumi;

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 11:2

Navuzwa oleke kubima umugizi gwi Litembeli. Kigira yigu goheveywi avandu vi zihiiri, yava valaduvaga lidaala litakatifu ku lwi mieli arubaini na mbiri.

Likunula 21:10

Ndaali kandi mu Roho, na engelosi yang'inga nimbila mu kiguru kenene kandi kitaambi. Yamanyia Jerusalemi, Lidaala Litakatifu likaa kutura mwigulu ku Nyasaye.

Likunula 21:9

Mulala ku zingelosi saba avaari ni zibakuli saba, zizura amaduywa saba gukumaliriza, yaza ku inzi nambolera, “Hamba yinu, na ndakumanyia umwiha; mukali wu Mwana wi Ligondi.”

Likunula 22:17

Kandi Roho harara nu umwiha vavoola, “Hamba!” Kandi uyu uhuliraa avoora “Hamba.” Kandi uyu oveeye nu uvuluhu yaaze, avugiliri amazi gi livamwoyo kuva ikihaanwa, uyu uwegombaa yaaze.

Likunula 22:19

Utuliza kindu choosi ku makuva gi kitabu cho ovoporofeti yivu, Nyasaye alatuliza lisanga lilie kutura ku musaala guhaanaa livamwoyo mu Lidaala Litakatifu, ili ng'odeywi mu kitabu yiki.

Likunula 3:12

Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.