Likunula 21:14 - KITABU KITAKATIFU

¹⁴ Lidiji lie lidaala linene zana liumbakwa ku misingi zana komi na mbiri ija ng'odwa ku amiita kumi na mbiri agavatumwa.

Likunula 21:14 Iomraidhean Croise

Isaya 54:11

Yahova avoora, “O, Jerusalemi Ivi usalirizangwa, lidaala linene litinyalizaa, vugira mundu wukuleminya mwoyo, ndumbaka vuhia imise jijo na magina guvuguli ovonene.

Matayo 16:18

Nainzi ngovolera Petero; ivi oveeye ulwanda, na ku lwanda yilu ndumbaka ku ilikanisa linage, nizinguru zie likuza sizinyala kuliguuta.

Vikolwa 1:26

Maku vakuba ikura kuvo, na ikura yagwira Matia; naye yameedwa ku avatumwa vandi likomi na mulala!

Vagalatia 2:9

Yakobo, Petero na Yohana avaloleka kuva nivo aviimiliri vanene, vamanya ndi Nyasaye umali kuhaana ku inzi muyinzi muduukiru, kunangwa vavugilira Baranaba ninzi kuli avasangi muvutumwa. Kunangwa vaakucheliza. Kwavugilizana ndi Baranaba ninzi kokole miyinzi hagati ha vandu vizihiiri, navo vakole miyinzi hagati ha Avayuda.

Vafeso 2:20

Munyi kandi mwumbakiywi ku musingi ugwalombwa na avatumwa kandi avaporofeti, Kristo mwene naveeye ligina liu mukoona.

Vafeso 3:5

Zing'inga ziavita, mundu siyavoolerwa amakuva gaviswa yaga mba, navuzwa Nyasaye umali kugavura kalunu ku Roho ku avatumwa na vaporofeti veve vatakatifu.

Vafeso 4:11

Yaali niyie uwahaana ivihaanwa kuvandu kuli ndi: yatovola valala vave avatumwa na avandi vave avaporofeti, avandi vave avilwaazi vakulandiza Ivangeri, avandi avayi kandi avigizi.

Vahebraina 11:10

Aburahamu yalindiliraa lidaala linene lia Nyasaye yalohiza nalibiima ma naaliumbaka, lidaala linene liveeye nimisingi midinyu.

Yudasi 1:17

Navuzwa munyi avalina vange avayaanze, mwizurizi amakuva ga vatumwa vu Mwami wiitu Yeso Kristo vamuvolera kale.

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 21:13

Virivwa vivaga viali ku vuli lovega. Vivaga ku lovega lwi vugwi, kandi ivindi vivaga ko lovega lwi Isavaalu; na virivwa vivaga viali lovega lwi Ivaale, kandi ivirivwa vivaga kolovega lwi madioli.