Likunula 21:11 - KITABU KITAKATIFU

¹¹ Liang'ereng'ana nu uvukumi vwa Nyasaye; lidaala liang'ereng'ana ovong'ereng'anu kuli vwi ligina lie Jasiperi, lilengeru ligali kuli igilasi.

Likunula 21:11 Iomraidhean Croise

Ayubu 28:17

Izahabu anoho magina gi chelolero sivinyala koleng'anywa navwo mba kandi sivunyala kukiranywa niviju viezahabu indahi mba.

Isaya 4:5

Maku Yahova alakunika kiguru cha Ziyoni harara na vandu vosi avavugani mucho ni lilesi mu ing'inga yu muvasu, kandi umwochi ni ling'ereng'ana liolomemo vilavaho mu ing'inga yu vudiku. Vukumi vwa Nyasaye vulakunika nu kosoola lidaala linene liosi.

Ezekieli 1:22

Igulu wi mitwi ji vilombe haali ho ni lifana liu vwerefu, ni vong'ereng'anaa kuli magina gimbula, iliavambulwa igulu wi mitwi ji vilombe.

Ezekieli 1:26

Igulu muvwerefu, chaliho ni kindu chalorekaa kuli endeve yu vwami iyalombwa ni ligina liesafiro. Kondeve yu vwami yiyi, kindu chaali nichikaye ku, ichalombwa mu lifana liu mundu.

Ezekieli 28:16

Mu vunyingi vwi likiranyia liilio, yaga gakokola kuva ni kirage kandi kokora uvwoni. Kulwayago, ndaakuniga kutura mu kiguru change kitakatifu, kandi engelosi yakulinda yaakukunga kutura hagati ha magina gu muliru.

Ezekieli 43:2

Hene yaho, ndaalora uvukumi vwa Yahova wa Isiraeli nivuza kutura Ivugwi. Mwoyo gwa Nyasaye gwahulirika kuli lihuuma lia mazi manene, nu vukumi vwivwe vwang'ereng'ana ku lirova.

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Likunula 15:8

Litembeli liizula umwoki kutura ku uvukumi nu ku zinguru zia Nyasaye, kandi sihaali ho nu mundu uwaali yakanyala kwingira mu Litembeli yilio kuduuka ko keheri chu vulwaye saba vwi zingelosi saba valeta mba.

Likunula 22:1

Engelosi yamanyia kandi umugera gwa amazi gi livamwoyo, amalengeeru ligali, gasinukaa mundeve yu uvwami vwa Nyasaye kandi yu Mwana wi Ligondi.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

Likunula 4:3

Mu moni mwimwe mwang'ereng'ana kuli ligina lia Jasiperi, na Karinelia. Kisaahi chi imbura chakumbiriza endeve yu uvwami chaali ni irangi yu uvulimu.

Likunula 4:6

Imbiri wendeve yu uvwami, chaali ho kindu chaloreka kuli inyanza yi gilasi, enengeru ligali kuvita ivilombe viveeye mwoyo vine viakumbiriza zimbega ziosi zie Endeve yu uvwami. Ivilombe yivio viali niviizura zimoni imbiri ni inyima.