Likunula 20:4 - KITABU KITAKATIFU

⁴ Maku ndaalora zindeve ziu uvwami, kandi avandu viikara kuzio, na vahevwa uvunyali vwi likalaga. Kandi ndaalora imioyo ja avandu viitwa kigira vilwaza likuva lia Nyasaye. Sivali nivasigamiyi iking'ang'a anoho kifananyi chacho mba, anoho mu makono gaavo kandi sivali nivaduyiywi umuhuri mu uvweni vwavo kuva ikimanyiru chi king'ang'a yicho mba. Vasimuguka kandi vamiiha harara na Kristo ku mihiga elefu.

Likunula 20:4 Iomraidhean Croise

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 7:18

Avandu va Nyasaye Wuvunyali valanyora zinguru ziu vukumi, kandi valava nazio mihiga ni mihiga.”

Danyeli 7:22

Maku mundu waali namenyi mihiga ni mihiga yaza nahaana likalaga ku lwiga yilu mu liyanzilira lia vandu va Nyasaye wu mwigulu. Ing'inga yaali niduki ku vandu va Nyasaye kunyoola zinguru ziu vukumi.

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Danyeli 7:9

Lwa ndaali ningiheenza, zindeve ziu vwami ziavikwa hene yaho. Mundu waali namenyi mihiga ni mihiga yikala ku endeve indala. Zinguvu zizie ziali zindavu kuli likonza, kandi liisu lilie liali kuli ipamba indahi. Endeve yeeye yu vukumi yavofwa ku vilenge viu muliru, endeve yiyi yaduuka lomemo lwu muliru,

Malaki 4:5

“Navuzwa lidiku linene kandi liukutihiza liange nilikikiri kuduuka, ndakamutumiri muporofeti Elija.

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Matayo 24:10

Vandu avanyingi valikigitara no koleka ilisuuvira liavo. Valazamana aveene naveene nu kuduunyirana

Marko 6:16

Lwa Herodi yahulira amakuva yaga, yavoola, “Uyu ni Yohana Mubatizi! Inzi ndaalaga umutwi gwigwe gukalwe, navuzwa usimuguki!”

Marko 6:27

Kunangwa umwami yatuma vwangu mulala ku vasikari avamulindaa, naamulaga aleete umutwi gwa Yohana. Musikari yazia nakalaga umutwi gwa Yohana muvuhambe,

Marko 9:11

Vateva Yeso, “Kigira ki avigizi vi Lilaga vavoola ndi Elija kuduuka yaaze kutanga?”

Luka 1:17

Alimiira imbiri wu Mwami weve nu mwoyo kandi ni zinguru kuli ziu muporofeti Elija. Alakahambanyie avababa na avana vaavo kandi; alalomba avibaali na avatatiizaa Nyasaye vaganagane kuli avalungi vaganagana; alaketegekiziri Mwami avandu veve.”

Luka 14:14

naivi ulagasizwa, kigira yavo sivaveeye nichavatunga mba. Kigira Nyasaye alakutunga ing'inga ya avandu valungi valisimuguka.”

Luka 22:30

Munyi mulalia nukunwa komesa yange mu Vwami vwange. Mulikala ku zindeve ziu Vwami ukwamiiha zihiiri likomi na ziviri zia Isiraeli.

Yohana 14:19

Mu ing'inga engekeeke, avumukivala si valandola kandi mba navuzwa munyi mulandola; na kigira inzi mbeeye mwoyo, munyi kandi mulava mwoyo.

Varumi 11:15

Lwa Nyasaye yavasuula, Nyasaye yagilung'anyia vandu vu mu kivala, avaari vasigu veve, nivagwa valina veve. Maku galakaveki lwavalakavugililwi? Galakave lisimuguka ku vakuzu.

Varumi 8:17

Na kigira koveeye avana va Nyasaye, kulanyoola imiandu josi ja Nyasaye yavikira avandu veve, kulasanga harara na Kristo miandu ja Nyasaye; kigira nikuva nikusanga mu vusaliri vwa Kristo, kulasanga kandi mu vukumi vwivwe harara.

Likunula 1:2

Yohana yilwaza likuva lia Nyasaye, kandi lilolekiza lia Yeso Kristo yavula, kandi umali kovora ivindu viosi via yalora.

Likunula 1:9

Inzi Yohana, amwavo winyu kandi kuli umulondi wa Yeso, mbeeye umusangi harara ni munyi, muliekuzira ku uvusaliri vuduuka ku yavo vosi avaveeye mu vwami vwa Nyasaye. Inzi ndaavoherwa mu kisulu cha Patimo kigira ndilwaza likuva lia Nyasaye kandi agiligali ga Yeso yambulira.

Likunula 11:11

Inyima wa madiku gavaga ni nusu yago, umwika uguhaanaa livamwoyo, ugutulaa ku Nyasaye gwingira muvo. Navo vasingira ku virenge viavo. Uvuti ovonene vwagumira yavo vosi avavalola.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

Likunula 11:3

Ndakatumi avalolekizi vange vaviri ni viviiki amagunia navo valilwaaze likuva liu mwami ku amadiku 1,260.”

Likunula 11:7

Lwa vamala lilwaza liavo, king'ang'a kitulaa mugehena kilavalwaana, nu kuvaguuta, kandi kuviita.

Likunula 12:11

Avaamitu vamali kuguuta Setani kuvitira mu amasahi gu Mwana wi Ligondi, kandi ni likuva lie ligali lie Ivangeri yaavalandiza, kandi vavugilira kuhaana livamwoyo liavo kukuza kigira lisuuvira liavo mu Yeso Kristo.

Likunula 14:11

Umwoki gwu muliru gwi kivi ni lisalira liavo gulavuuya mihiga ni mihiga. Sihaveeye ni lisosa mbasu nu vudiku ku yavo avasigamiraa king'ang'a ni kifananyi chavo mba; kandi mundu woosi uvugilira chukumanyirwa chi lieta liayo.”

Likunula 15:2

Ndaalora kandi kindu chaali kuli inyanza yi gilasi enengeru, izuganyiwi mu muliru. Ndaalora kandi avandu yavo avaguuta king'ang'a yicho ni kifananyi chacho, kandi oyo wi lieta lilie ni livaliza lisingira mu vogono vwalio ninamba. Avandu yavo vaali nivasingiyi kundulu kwinyanza yi gilasi enengeru yeyo nivaveeye nu vukana vwa Nyasaye yavaha.

Likunula 17:8

Iking'ang'a cha walola kila chaali mwoyo maziambiri, navuzwa sikeveeye mwoyo kalunu mba. Kandi keveeye ahimbi kutura mu gehena, navuzwa kiladuuka mu lidivizwa. Avandu vamenya ku lirova, ava amita gaavo gatang'odwa mu kitabu chi livamwoyo, lirova nilikikiri kolombwa, valagenya muno ulwa valora king'ang'a yicho chaali mwoyo lulala ulwimbiri na kalunu sikeveeye mwoyo mba. Navuzwa kilaloleka kandi.

Likunula 2:26

Yava avaguutaa, kandi yava avalindaa nu kugumira imiyinzi jange kuduuka ku keheri, ndavaha uvunyali ku izihiiri ziosi.

Likunula 20:6

Vaveeye nuvugasu yavo avaveeye ni lisanga mu lisimugukizwa liu kutanga. Likuza lia kaviri siliveeye ni zinguru kuvo mba; valava avasaalisi va Nyasaye kandi ava Kristo, na valamiha harara naye ku mihiga elefu ndala.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.

Likunula 4:4

Zindeve sirini na ine ziakumbiriza endeve yu uvwami yeyo. Ku zindeve zana yizio avakulundu sirini na ine viikara kuzio. Viviika zinguvu zindavu kandi zitaji zie zahabu ku mitwi jaavo.

Likunula 6:9

Maku Mwana wi Ligondi yaavoholora umuhuri gwakatano, ndaalora hasi hu vwali, imioyo ja yavo aviitwa ni kivavi kigira vilwaza likuva lia Nyasaye kandi kigira vaali avasuuvirifu mu lilolekiza liavo.

Likunula 7:3

Engelosi yavoola, “Mutononyia lirova anoho inyanza, anoho imisaala, kuduuka kutange kuviika umuhuri mu uvweni vwa avatumikiri va Nyasaye wiitu.”