Likunula 20:2 - KITABU KITAKATIFU

² Yagumira ogoyoka zana, ogoyoka gwa kale yigwo ogoveeye Lidemoni anoho Setani, naagovoha nu munyororo ku mihiga eletu ndala.

Likunula 20:2 Iomraidhean Croise

Litanga 3:1

Kunangwa enzoka yaali novogeri vwu vugadi kuvita zinyama zindi ziosi zia Yahova Nyasaye yalomba. Enzoka yateva mukali, “Nyasaye yakovolera uvuli kulia ku makuyu gu musaala gwosi ogoveeye mu mulimi gwa Edeni?”

Litanga 3:15

Ndaviika uvusigu hagati hoho nu mukali, kandi ndaleta uvusigu hagati hi visukululwi vienyu, visukululwi viu mukali vilasionolanyia mutwi gugwo, na ivi ulaluma visukululwi viu mukali lichi.”

Ayubu 1:7

Yahova yateeva Setani, “Ivi utura hayi?” Setani yativura, “Inzi nduraa kogenda genda yiyi ni yiyi mu kivala.”

Isaya 24:22

Nyasaye alavungiza avami harara kuli avahambe mu vogo. Alavahanira muvuhambe kuduuka ing'inga yi lihevwa mageri gaavo iliduuka.

Isaya 27:1

Lidiku yilio Yahova alakatumikiri kivavi chiche chugi chi zinguru kandi chukwita kuhaana mageri ku Leviazani, goyoka gwisiitasiitaa, ooveeye gunyama gonene gwukutihiza gomenyaa munyanza.

Ezekieli 47:5

Yaagera kandi zimita 500, na hene yaho mugera gwaali musi ligali, si ndaali nyara kuvitiramu mba. Gwaali musi ligali kwambuka kuduuka wereme.

Matayo 19:29

Navuzwa, ku yavo vosi avaleka zinyumba ziavo anoho avamwavo vaavo, anoho avavozo, anoho ava baba anoho avamama vaavo, avana, anoho milimi jaavo kigira inzi, valanyora ivindu haali mia, kandi valanyora imiandu je livamwoyo litahera mba.

Matayo 8:29

Navo vatanga kuhanzuka nivavoora, “Koveeye ndi nivi, O, Mwana wa Nyasaye? Uzi hano kukudambiza ing'inga nikikiri kuduuka?”

Marko 4:15

Avandu valala vaveeye kuli uvuguza vugwizaa kunzira; lwa vahuliraa, Setani yaazaa vwangu mavanyaga ilikuva limali kumiizwa muvo.

Marko 5:7

nahanzuka nu mwoyo munene navoora, “Onyenyaa ki ivi Yeso Mwana wa Nyasaye, oveeye igulu Ligali? Ngogonya, imbiri wa Nyasaye, utandambiza mba!”

Yohana 12:31

Kalunu ni ing'inga yi likalagirwa lia avumukivala yiki. Kalunu Mwamihi munene wikivala yiki alakungwa.

Yohana 16:11

Vaveeye avadamanu ku likalaga, kigira Nyasaye umali kukalagira umwamihi wa avumukivala yiki.

Varumi 16:20

Nyasaye wi mirembe sialalindagilira kusionolanyia Setani isi wi virenge vienyu mba. Zimbavasi ziu Mwami wiitu Yeso Kristo zive ni munyi.

Vahebraina 2:14

Kigira avana, kuli avalangaa, vaveeye vandu vuzwa vu muviri na masahi, kandi ndio Yeso mwene yaali kuli vo, naasanga mu liiva liavo liu muviri vuzwa. Yakola ndio kunangwa, kuvitira mu likuza lilie aduuki kudiviza Setani, oyo oveeye nizinguru zie likuza.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

2 Petro 2:4

Nyasaye siyavererera zingelosi ziakola vwoni mba, navuzwa vazisiuva mu gehena, wazialindwa mukisundi nizivoheywe minyororo kuduuka likalagirwa.

Yudasi 1:6

Mwizurizi zingelosi avavura kulinda uvwiyangu vwu vunyali vwavo, navuzwa nivaleka havundu ho vomenyo vwavo: vavofwa ni minyororo mihiga ni mihiga mu kisundi ha Nyasaye yavavika valindi ilikalagirwa ku Lidiku linene yilio.

Likunula 12:13

Lwo ogoyoka zana gwalola ndi gwaguluywi ku lirova, gwatanga kolondelera nu kuhigira mukali uwaali niyiivuuyi umwana muyaayi.

Likunula 12:15

Ogoyoka gonene zana yigwo gwaaluka amazi kutura mu munwa gwagwo kuli umugera kolondelera mukali uyu kunangwa aduuki kuhilwa na amazi manene yago.

Likunula 12:17

Ogoyoka gonene yigwo gwavihilirwa mukali uyu ligali niguzia kulwaana ni ivisukulurwi viu mukali viatigala, yavo avagumira amalago ga Nyasaye, kandi vaveeye avasuuvirifu ku lilolekiza lia agiligali agavuulwa na Yeso. Ogoyoka yigwo gwasingira ku lujinga lwi inyanza.

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 12:4

Mukira gwagwo gwakulula ku lirova kidieli kilala ku vivaga vie zing'ereng'ani ziu mwigulu. Ogoyoka zana gwa singira imbiri wu mukali uyu uwaali ahimbi kwivura, ku guduuki kumira mwana ing'inga yiivulwa.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 13:2

Inyama ya ndaalora zana yaali engo. Ivirenge viayo viali kuli vie liaga, kandi umunwa gwayo gwaali kuli munwa gwi simba. Ogoyoka zana yigwo gwaaha king'ang'a zana zinguru ziagwo, endeve yagwo yu uvwami kandi uvunyali vwagwo vonene kuvita kegero.

Likunula 13:4

Avandu vosi vaasigamira ogoyoka kigira gwaali nigumali kuhaana uvunyali vwagwo ku king'ang'a; vaasigamira kandi ni vavoola, “Nivwaha unyala kuva ni zinguru kuli king'ang'a yiki? Nivwaha unyala kulwaana nacho?”

Likunula 20:10

Maku Lidemoni, iliavagaadaa yilio, liasuuvwa mu inyanza yu muliru ni kibiriti, hiking'ang'a, harara numuporofeti wo vovehi ha vaali nivaasiuvwa; kandi navo valadambizwa ligali mbasu nu uvudiku mihiga ni mihiga.

Likunula 20:7

Mihiga elefu ndala ni jakavita, Setani alavohololwa kutura mu vuhambe vwivwe,

Likunula 9:11

Ziali nu mwami wazio, engelosi wegehena. Lieta lilie mu lulimi lwa Vaheburaina liveeye Abadoni. Mu Luguriki liveeye Apolioni; liveeye kovora “Umudivizi.”