Likunula 2:23 - KITABU KITAKATIFU

²³ Nainzi ndiita valondi veve, kandi amakanisa goosi galamanya ndi ndaamanya zing'anagani zia vuli mundu harara ni lienya lilie. Ndatunga vuli mulala winyu kolondekana ni likora liayaakola.

Likunula 2:23 Iomraidhean Croise

1 Kyetsinyinga 17:18

Inzi nyara kovora ki ku ivi kuvita yaga! Ivi umanyi inzi vulahi, kandi uhaanaa luyali ku inzi, mutumikiri woovo.

1 Kyetsinyinga 28:9

Daudi yavolera Solomoni, “Mwana wange, ngovolera umanye Nyasaye wa baba woovo, ma kandi umutumikiri nu mwoyo gwugwo gwosi, nu vulaliri vwi zing'anagani zizio ziosi. Yahova amanya zing'anagani zietu ziosi kandi lienya lietu liosi. Niiva ulazia kuye, alakuvugilira; navuzwa niiva ulagirung'ana kutura kuye, alakoleka mihiga ni mihiga.

1 Kyetsinyinga 29:17

Inzi manya, O, Nyasaye wange, ivi ugerizaa mwoyo gwa vuli mundu na uyanzizwa na avandu vu vulungi nu vusuuvirifu. Na mu vulungi nu vusuuvirifu vwange, mali kuhaana vindu yivi viosi ku ivi, kandi mali kolola kuli avandu vovo avamali kuvunga hano vayanzi koleta vihaanwa viavo ku ivi nu mwoyo gwosi.

2 Kyetsinyinga 6:30

Huliriza lisaala liavo kutura hango hoho mwigulu, ma uvasamihi. Ivi weng'ine umanya zing'anagani zia vuli mwoyo gwu mundu. Kolera vuli mundu sa mulala kuli adukanaa akolerwe,

Ayubu 24:23

Nyasaye anyala kuvaleka vamenye mu mirembe, navuzwaa vahenzeriza ligali kazozo.

Zaburi 139:1

O, Yahova, ivi umali kombenzeriza kandi umanyi inzi ligali!

Zaburi 26:2

O, Yahova, unzideere na ongerize; ukalagiri lienya liange ni zing'anagani ziange.

Zaburi 44:21

ivi Nyasaye wiitu waali unyala kumanya, kigira ivi umanya zing'anagani zietu ziu muvuvisi.

Zaburi 62:12

kandi ndi uvuyanzi uvutali nekeheri voveeye uvwivwe. Ivi umwene, O, Yahova, utunganga sa mulala amadanyi kolondekana ku vikolwa vivie.

Zaburi 7:9

Ivi Nyasaye oveeye mulungi, kandi umanya zing'anagani zietu ziosi ni likayirwa lietu. Heriza uvudamanu vwa vandu vadamanu kandi uhaane madanyi malahi ku valungi.

Jeremia 11:20

Maku ndaasaara nembora, “Yahova Wuvunyali, ivi oveeye mukalagi mulungi; kandi ogerizaa mioyo ja avandu kandi zing'anagani ziavo. Inzi mali kuviika makuva gange ku ivi. Ndakayanzi kokolola nuvanzaa kisaalia ku avasigu vange.”

Jeremia 17:10

Inzi Yahova nyenyerizaa zing'anagani kandi ngeriza mioyo ja vandu. Inzi ngolera mundu samulala kolondekana ni limenya lilie, kandi kolondekana ni likora lilie.”

Jeremia 20:12

O, Yahova Wuvunyali, ivi ogerizaa avandu nuvulungi; wamanya agaveeye mu mioyo jaavo kandi mu zing'anagani ziavo. Kunangwa, ndakayanzi kolola ivi nuvaanzaa kisaalia ku avasigu vange, kigira inzi mali kuviika ku ivi kivuni cha makuva gange.

Zefania 1:11

Musiome kandi muliri lwa muhulira yaga, munyi avandu vamenyi kolovega lwindangu wi lidaala linene kigira vakiranyi vosi valakave ni vakuzi.

Matayo 16:27

Umwana wa Adamu aveeye ahimbi kuza mu vukumi vwa Baba weve harara ni zingelosi veve; kandi ahene yaho alatungaa vuli mundu kolondekana ku vikolwa vivie.

Luka 16:15

Navuzwa Yeso yavavolera, “Munyi muveeye yavo aveekolaa aveene kuva avalungi imbiri wa avandu, navuzwa Nyasaye yamanya mioyo jinyu. Kindu cha avandu vizominyaa kuva chuluyali ligali, imbiri wa Nyasaye kelolekaa kuva chukuvihiliriza ligali.

Yohana 21:17

Yamuteeva lwa kavaga, “Simoni mwana wa Yohana, unyaanzaa?” Petero yavelera kigira Yeso yamuteeva haali kavaga; “Unyaanzaa” Petero yavoola, “Mwami, ivi wamanya vuli kindu, ivi wamanya ndi ndakuyaanza.” Yeso yamuvolera, “Lihiza magondi gange!

Yohana 4:16

Yeso yamuvolera, “Zia ulange musaza woovo ma wirane.”

Vikolwa 1:24

Kunangwa, vasaala nivavoora, “Mwami, ivi umanya mioyo ja avandu vosi. Ku lwa yago ukumanyie ni uliha ku avandu vaviri yava wa ivi otovooye,

Varumi 14:12

Kunangwa, sa mulala ku kunyi alakivaale makuva geege mwene, imbiri wa Nyasaye.

Varumi 8:27

Nyasaye, ololaa kuduuka mugati mwi mioyo jietu, amanya zing'anagani zia Roho kuli ziveeye; Roho agonyaa Nyasaye havogono havandu veve, kolondekana nuvulaliri vwivwe.

2 Vakorintho 5:10

Gakuduukiraa kunyi kwosi kusingira imbiri wendeve ya Kristo yi likalaga, na mundu sa mulala aduuki konyoora likalagirwa kolondekana na malahi, anoho amadamanu ga yakola mu livamwoyo liu muviri gwigwe.

Vagalatia 6:5

Mundu sa mulala alagiinga musigo gwigwe mwene.

Kwidzulitsa 13:11

Maku avandu vosi va Isiraeli valahulira agekoleka; na valatia ligali, kandi sihalava ho numulala hagati hinyu uwilana kokora kindu kidamanu kuli yiki kandi mba.

Kwidzulitsa 17:13

Maku avandu vosi valahulira inguvu yiyi kandi valatia, kandi mundu wundi woosi sialaluvilira kokora kindu kuli yiki kandi mba.

Kwidzulitsa 19:20

Maku avandu vatigaye vosi valahulira gamali kwekoleka, na valava nuvuti, na sihalavaho nu mundu okola kindu kidamanu kuli yiki kandi mba.

Kwidzulitsa 21:21

Kunangwa avasaza vi lidaala vosi valamulasa na magina kuduuka akuzi. Kuduuka mutulizi uvudamanu yivu hagati hinyu. Vuli mundu mu Isiraeli alahulira agaamali kwekoleka, na alava nu vuti ligali.

Vahebraina 4:13

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

1 Petro 1:17

Munyi mumulangaa Baba, lwa musaala ku Nyasaye, oyo ukalagiraa avandu vosi, kolondekana ku ne kegero kilala. Kunangwa mumenye mu lirova linu ni muhaanaa uluyali ku Nyasaye.

Likunula 2:11

“Uyu oveeye nu gutu, ahuliri aga Roho avolera amakanisa. “Uyu ugutaa sialanyoola kivi chi likuza lia kaviri mba.

Likunula 2:7

“Oyo oveeye nu gutu, ahuliri aga Roho avolera amakanisa! “Uyu ugutaa, ndamuha uvunyali aduuki kulia amakuyu gu musaala gwi livamwoyo, ogoveeye mu mulimi gwa Nyasaye.

Likunula 20:12

Ndaalora kandi avakuzu, avanene na vakekeeke, nivasingiyi imbiri wendeve yu uvwami. Ivitabu viakunulwa, kandi ikitabu kindi ekeveeye chi livamwoyo, chakunulwa. Avakuzu vakalagirwa kolondekana ni miyinzi javakolaa kuli gang'odwa mu vitabu yivi.

Likunula 20:13

Maku inyanza yaatuliza avakuzu vayo. Likuza ni kivala cha vakuzu kandi viatuliza avakuzu avaari mucho. Vakalagirwa kolondekana ni likora liavo.

Likunula 22:12

Yeso avoora, “Hulira Inzi nziza vwangu! Mbeeye na amadanyi gange, kutunga umundu sa mulala kolondekana ni miyinzi jije.

Likunula 6:8

Ndaalora kandi ibarasi imbuheru umuhiri wayo yalangwa Likuza. Kihadisi chamulonda ahimbi na himbi. Vahevwe izingulu ku erobo yi lirova viiti ni kivavi, inzara, uvulwaye harara ni zinyama ziu muvulimu.

1 Samweli 16:7

Navuzwa Yahova yamuvolera, “Utahenza ku vutambi kinga ku vulahi vwi ligondo lilie mba. Mali kumusuura, kigira inzi sindora kuli mundu alolaa mba. Umundu aheenzaa ku ligondo liukwiigulu, navuzwa inzi mbenzaa ku mwoyo.”