Likunula 2:10 - KITABU KITAKATIFU

¹⁰ Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 2:10 Iomraidhean Croise

Zaburi 31:23

Muyanze Yahova, munyi avatakatifu mwosi; Yahova akingaa avasuuvirifu veve, navuzwa ahaanaa amageri ku yavo avigingiri kuli gavadukiraa.

Lisyoma lya Jeremia 3:57

Ivi waza ahimbi lwandakwanira kandi novoora, ‘Utatia mba.’

Danyeli 1:12

“Okogerizi kunyi avatumikiri vovo ku madiku 10; okohe zinguza kulie kandi amazi kunwi.

Danyeli 1:14

Kunangwa yavugilira, ma navageriza ku madiku 10.

Habakuk 2:3

Ogang'ode, kigira ing'inga ikikiri kuduuka lwayaga gaava giligali. Navuzwa ing'inga yiza vwangu, kandi chanzizaa kukumanyia kilakave cha giligali. Galaloleka ndi kilaaza galaha, navuzwa ukilindiliri; gaveeye giligali yiki kilekoleka kandi sikilakalindagiliri mba.

Matayo 10:22

Na avandu vosi valamudunyira kigira lieta linage. Navuzwa mundu uliekuzira kuduuka ku keheri, alakahonywi.

Matayo 10:28

Mutatia avenyaa kwita umuviri, navuzwa sivanyala kwita umwoyo mba. Ni vulahi mutie uyu unyala kudiviza umuviri harara nu mwoyo nukuguviika mu gehena.

Matayo 24:13

Navuzwa uyu ulakikuziri kuduuka ku keheri, alahonywa.

Marko 13:13

Avandu vosi valakamusuuli kigira ilieta liage. Navuzwa uyu uliekuzira kuduuka kukeheri alakahonywi.

Marko 8:35

Kigira umundu wenyaa kohonyia livamwoyo lilie umwene alaligotiza, navuzwa umundu ogotizaa livamwoyo lilie kigira inzi, kandi kigira Ivangeri, alalihonyia.

Luka 21:12

Navuzwa imbiri wi vindu yivi nivikikiri kwekoleka, valamugumira nukumudambiza. Valamuzaama nukumuyaala ku vanene va masinagogi kandi muvofe mu vuhambe. Mulahilwa imbiri wa avami vanene na avamihi kigira lieta liange.

Yohana 12:25

Uyanzaa livamwoyo lilie alaligotiza, na udunyiraa livamwoyo lilie mu kivala yiki alava ni livamwoyo litahera mba.

Yohana 13:2

Yeso harara na aviigi veve, vaali komesa nivalizaa chukulia cha mugolova. Setani yaali namali kuviika mu mwoyo gwa Yuda muyaayi wa Simoni Esikarioti zing'anagani ziu kuzaama Yeso.

Yohana 13:27

Lwa Yuda yaali niyakamara kuvugura ketonge yicho, Setani yamugeriza. Yeso yamuvolera, “Ichawenyaa kokora, kola vwangu!”

Vikolwa 20:24

Navuzwa livamwoyo liange sindivalizaa kuva kindu ku inzi mba, nitali nduuki kuduukiza uvutumiki vwange, nu kumala miyinzi ju Mwami Yeso yamba kujikola, ijiveeye kulandiza Ivangeri yi zimbavasi zia Nyasaye.

Vikolwa 21:13

Navuzwa yativura, “Mukoraa kindiki munyi? Lwa muliraandi kusalirizaa mwoyo gwange? Mwenya kusaliriza mwoyo gwange ni lilira? Inzi sinzetegeki kovofwa kwenyine mu Jerusalemi mba, navuzwa kali kwitwa kigira Mwami Yeso.”

1 Vakorintho 9:25

Vuli munyaguli naveeye mu miigizu gi zimbiru yinalizaa kugaduukanaa akole mu vindu viosi, kunangwa aduuki konyoora itaji yonekaa. Navuzwa kunyi kokoraa ndio kuduuki konyoora itaji ihindiraa mihiga ni mihiga.

Vafeso 2:2

Ing'inga yeyo mwamenya kolondekana ni liiva lidamanu lie lirova, Kandi mwaloonda nukuhulira liiva lio mwami wa mademoni gi zinguru mu vwerefu, mademoni gamiihaa avandu avatahuliraa Nyasaye.

Vafeso 6:12

Uvulwani vwitu sivoveeye ku avandu, navuzwa ku mahi ga mademoni gu muvwerefu, uvwamihi, uvunyali kandi ku yavo avamiiha kivala chi kisundi yiki,

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

1 Petro 5:4

Mwayi mwene aliloleka, mulakanyoole itaji yu vukumi ilivula kogotiza vwaku vwayo.

1 Petro 5:8

Muve no vogeri, kandi mwetegeke ma mulindi! Umusigu winyu, Setani, avodong'anaa kuli king'ang'a kifuumaa, ni yenya umundu wanyala kumira.

Likunula 13:14

Chagaada avandu vosi avamenyaa mu lirova kuvitira ku vilolekizu viachavugilirwa kokora imbiri wi king'ang'a chu kutanga. Iking'ang'a yicho chavoolera avandu vakelombere ikifananyi kuhaana luyali ku king'ang'a chaali ni zimbala zie kivavi iziali zinyala kuchita navuzwa si chaakuza mba.

Likunula 13:2

Inyama ya ndaalora zana yaali engo. Ivirenge viayo viali kuli vie liaga, kandi umunwa gwayo gwaali kuli munwa gwi simba. Ogoyoka zana yigwo gwaaha king'ang'a zana zinguru ziagwo, endeve yagwo yu uvwami kandi uvunyali vwagwo vonene kuvita kegero.

Likunula 13:7

Yahevwa kandi umunwa kulwaana na vandu va Nyasaye, nu kuvaguuta. Chahevwa uvunyali ku zihiiri ziosi, ku avandu vosi, nuku zinimi ziosi.

Likunula 17:14

Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.

Likunula 2:9

Inzi manyi vudinyu vuvwo, kandi manyi uvudaka vuvwo, navuzwa mu giligali ivi oveeye umutugi! Manyi amanyego ga yavo avevooraa vaveeye Avayuda; navuzwa sivaveeye ndio mba. Vaveeye vuzwa muganda gwa Setani.