Likunula 19:6 - KITABU KITAKATIFU

⁶ Ndaahulira kandi umwoyo gwi kiduma kenene, kandi kuli gwa amazi manene gafuumaa, kuli lihirigana linene lie inguba. Ndaahulira mioyo yijo nijivolaa, “Nyasaye yizominywe! Nyasaye wiitu Wuvunyali aveeye mwami.

Likunula 19:6 Iomraidhean Croise

Ayubu 40:9

Oveeye ni zinguru kuli ziange? mwoyo gugwo gunyala kwatuluruka vudinyu kuli gwange?

Zaburi 47:2

Mutie Yahova, oveeye igulu ligali kuvita aveeye mwami umunene ligali, uwamihaa ku lirova liosi.

Zaburi 47:7

Nyasaye aveeye mwami wi lirova liosi, mumwizominye ni zinyimbu!

Zaburi 77:18

Mwoyo gugwo gwahulika kuli liatuluruka lie inguba, kandi lihemahema lioloheni liaka mu lirova liosi; lirova liatenga kandi ni lidegera.

Zaburi 93:1

Yahova, aveeye mwami. Wiviki uvukumi vonene ni zinguru zinene ligali. Usingirizi lirova vudinyu mu vogono vwalio kandi silinyala kusundwa kali hakuzu mba.

Zaburi 97:1

Yahova aveeye mwami! Lirova, musangare! Musangare, O, munyi visulu vie inyanza.

Zaburi 97:12

Munyi mwosi avaveeye avalungi musangare kigira aga Yahova amali kokora! Mwizurizi aga Nyasaye Mutakatifu amali kokora, na mumusandizi.

Zaburi 99:1

Yahova aveeye mwami; leka avandu vadegere. Yikalaa kondeve yeeye yu vwami igulu wi vilombe vie zimbaha, na lirova lidengeyaa!

Isaya 52:7

Gaveeye gukuyaanziza ligali, kolola mutumwa naatuliyi mu vigulu, naletaa makuva malahi, makuva malahi gimirembe! Nalandizaa uvuguuti kandi avoleraa lidaala linene lia Ziyoni, “Nyasaye woovo aveeye Mwami!”

Jeremia 51:48

Vindu viosi viveeye muligulu kandi mu lirova, viliimba nuvusangali lwa Babiloni igumilwa nu kudivizwa na vandu, kutura Ivaale!

Ezekieli 1:24

Lwi vilombe yivi viaburuka, ndaahulira liyoga lie zimbaha ziavio. Liyoga yili liahulirika kuli muhuumu gwa mazi ginyanza, kuli liyoga lie liihi linene, kandi kuli mwoyo gwa Nyasaye Wuvunyali. Lwa vialekera kuburuka vialingaa zimbaha ziavio,

Ezekieli 43:2

Hene yaho, ndaalora uvukumi vwa Yahova wa Isiraeli nivuza kutura Ivugwi. Mwoyo gwa Nyasaye gwahulirika kuli lihuuma lia mazi manene, nu vukumi vwivwe vwang'ereng'ana ku lirova.

Matayo 6:13

Utakuhila mu magerizu mba, navuzwa ukutulizi mu kigira uvwami, ni zinguru ni vivio, mihiga ni mihiga’

Likunula 1:15

Zinduvatiru zie virenge vivie ziali kuli umugasa gusiyiywi mu muliru, mwoyo gwigwe gwahiligana kuli amazi manene.

Likunula 1:8

Yahova Nyasaye Wuvunyali avoora “Inzi mbeeye Alufa kandi Omega, wukutanga kandi wukumaliriza oveeyo, waaliho kandi uzaa.”

Likunula 12:10

Ndaahulira kandi mwoyo munene mwigulu nigovoora, “Kalunu ovohonyi vwa Nyasaye wiitu vumali kuduuka! Kalunu Nyasaye umali kumanyia zinguru zizie kuli Mwami Munene! Kalunu Mesia weve umali kumanyia uvunyali vwivwe ku lirova liosi! Kigira Setani sialasingira imbiri wa Nyasaye wiitu nu kuyaala avaamitu mbasu nu vuduku mba! Setani umali kukungwa kutura mwigulu nu kwagulukizwa hasi!

Likunula 14:2

Ndaahulira kandi mwoyo nigutura mwigulu kuli mwoyo gwi kihilira cha amazi manene kandi kuli gwi lihirigana lie inguba enene. Mwoyo gwa ndaahulira gwaali kuli mwoyo gwa avimbi vakuba uvukana vwavo.

Likunula 19:1

Inyima wa yaga, ndaahulira umufumu gwu mwoyo munene gwi kiduma kenene cha avandu mwigulu, nivavoora, “Haleluya ovohonyi, nu vukumi, ni zinguru viveeye via Nyasaye wiitu!

Likunula 19:4

Avakulundu sirini na ine, ni vilombe viveeye mwoyo vine, vaagwa hasi mamumama, nu kusigamira Nyasaye, uwikaye kondeve yu vwami, nivavoora, “Nyasaye yizominywi! Amini!”

Likunula 21:22

Si ndaalora kandi Litembeli mu lidaala yilio mba, kigira Litembeli lialio nu Mwami Nyasaye Wuvunyali nu Mwana wi Ligondi.

Likunula 4:5

Ling'ereng'ana lio oloheni, imioyo ja avandu harara ni lihirigana lie zinguba, viahulirika kutura kondeve yu vwami yeyo. Izitaaya saba ziu muliru ziaka imbiri wendeve yu vwami. Izitaaya yizio ziveeye Roho saba va Nyasaye.

Likunula 6:1

Kunangwa ndaalora Mwana wi Ligondi navoholora umuhuri gwu kutanga mulala ku imihuri saba yijo. Ndaahulira kilala ku vilombe viveeye mwoyo vine nikevoola nu mwoyo kuli gwi inguba “Hamba.”

Likunula 8:5

Engelosi yavugula ikituva, niyizuliza ku muliru kutura ku vwali ma naakisiuva ku lirova. Haali ho ni lihirigana lie izinguba, ni imioyo ja avandu izimbeni, kandi lidegera lie lirova.