Likunula 19:12 - KITABU KITAKATIFU

¹² Izimoni zizie ziveeye kuli olomemo lwu muliru. Yiviika izitaji zinyingi ku umutwi gwigwe. Yaali ni lieta ling'odeywe, kuye, kandi sihaveeye ho nu mundu umanyi cha livoora nataveeye oyo umwene.

Likunula 19:12 Iomraidhean Croise

Litanga 32:29

Yakobo yavoola, “Kalunu mbolera lieta liilio.” Navuzwa mundu oyo yamutivulira, “Kigira ki ivi wenyaa kumanya lieta liange?” Maku mundu uyu yagasiza Yakobo.

Zaburi 8:5

Nitali walomba mundu kuva mukekeeke ku ivi Nyasaye, wamuvika itaji yu vukumi kandi yu luyali.

Kutwula 23:21

Mumuhuliri gavoora kandi mumutie. Mutibaala kuye mba, kigira inzi mali kumutuma, kandi sialasamiiha liebaala kuli yilio mba.

Tsing'ano 30:4

Nivwaha unyala kumanyiriza vogeri vwu mwigulu? Nivwaha wagumira ku vukindu mu makono geege: anoho nivwaha wavohera ku amazi mu zinguvu zizie? Nivwaha walomba keheri choosi chi lirova? Lieta lilie nivwaha kandi lieta liu mwana weve ni vwaha? Mbolera niiva umumanyi!

Lwimbu lwa Solomoni 3:11

Avakali va Ziyoni, hambi mulore mwami Solomoni; Yiviiki itaji ya mama weve yamuvika lidiku lie keserero chiche. Lidiku liu vuyanzi nu vusangali mumwoyo gwigwe.

Isaya 62:3

Mulava kuli igudwa indahi mu mukono gwa Yahova, kandi kuli itaji yu vwami mumukono gwa Nyasaye winyu.

Isaya 9:6

Mwana wivuliiywi ku kunyi! Koheveeywe mwana muyaayi! Naye alakave mwamihi wiitu. Alalaangwa, “Wokogenyia, umwideeri,” “Nyasaye Wuvunyali,” “Baba wimihiga ni mihiga,” “Mwami wi mirembe.”

Danyeli 10:6

Muviri gwigwe gwang'ereng'ana kuli ligina liu vuguli, mumoni mwimwe mwahemahema kuli oloheni, zimoni zizie ziaka kuli muliru. Makono harara ni vilenge vivie viang'ereng'ana kuli ligina liavakwa mugasa, kandi mwoyo gwigwe gwa hulirika kuli lifuma liu muganda gwa vandu vanyingi.

Zekaria 9:16

Lwi lidiku yilio lilakaduuki, Yahova alakahonyie avandu veve, kuli mwayi ahonyia chayo chiche kutura mu vuhimwa. Valakang'ereng'ane mu kivala chiche, kuli magina guvuguli gavikiywi ku itaji.

Matayo 11:27

“Baba wange ombeeye ivindu viosi. Siaveeyeho nu mulala umanyi Umwana, natali Baba, kandi siaveeyeho nu mulala umanyi Baba natali Umwana, kandi ku vosi vu Umwana atovoraa kuvuula Baba weve kuvo.

Matayo 21:5

“Muvoolere lidaala lia Jerusalemi, Henza, mwami woovo yazaa ku ivi! Aveeye muhooma kandi aniini ku isukiri, kemoli chibunda.”

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Luka 10:22

“Baba wange ombeeye vindu viosi. Sihaveeyeho numulala umanyi mwana nivwaha, natali Baba, kandi sihali nu umanyi Baba nivwaha, natali Mwana, kandi ku vosi wu Mwana atovoraa ku muvuulira.”

Yohana 17:11

Kalunu inzi nziza ku ivi; Simbeeye kandi mu kivala mba, navuzwa yavo vaveeye mu kivala, Baba Mutakatifu! Uvalindi vulahi kunangwa vaduuki kuva kindu kilala kuli kunyi koveeye kindu kilala.

Yohana 17:12

Lwa ndaali navo ndavalinda vulahi kuzinguru zie lieta liilio, lieta lia wamba. Ndaavalinda, kandi avulaho kali mulala wagota ku yavo nataveeye oyo mwana wu vudivi, uwalagilwa kogota; kunangwa agang'odwa mu Mang'oda Matakatifu gaduuki kuduukizwa kuva agiligali.

Vafeso 1:21

Kristo yamiha yo igulu wa avamihi vosi vu mwigulu, vunyali, zinguru, kandi avami, aveeye nidaraja eveeye enene ligali kuvita zidaraja ziu vunyali ziosi zinyala kovoolwa mu lirova yili kandi mulirova lizaa.

Vahebraina 2:9

Navuzwa kololaa Yeso, wakolwa kuva mukekeeke ku zingelosi ku ing'inga engekeeke, kunangwa kuvitira mu zimbavasi zia Nyasaye, aduuki kukuzira avandu vosi. Kumulolaa kalunu naavikiywi itaji yu vukumi kandi yuluyali kigira uvusaliri vwi likuza lilie.

Likunula 1:14

Liisu liu ku mutwi gwigwe liali lilavu zwe, kuli likonza. Zimoni zizie ziali kuli olomemo lwu muliru.

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 13:1

Ndaalora iking'ang'a nikizaa kutura munyanza. King'ang'a yicho chaali ni zinziga likomi; kandi imitwi saba. Ku vuli lwiga lwayo, kwaali ni itaji, kandi ku vuli umutwi gwayo, kwaali ni lieta lio konyega Nyasaye.

Likunula 19:16

Ku iganza yeeye nu ku litango lilie, kwaali nikong'odeywe ilieta “Mwamihi wa avamihi, kandi mwami wa avami.”

Likunula 3:12

Uyu ugutaa uvulwani, ndamukora itiiru mu Litembeli lia Nyasaye wange. Sialazia ichova walio kandi mba: ndang'oda kuye lieta lia Nyasaye wange, kandi lie lidaala lia Nyasaye wange, Jerusalemi imbia, likanga kutura mwigulu ku Nyasaye wange. Kandi ndang'oda kuvo lieta liange lihia.

Likunula 6:2

Ndahenza nindora ibarasi indavu! Muhiri wi barasi yaali nu vuta kandi yahevwa itaji. Kunangwa yatura kugihira kuli umuguuti uzizagilira kuguuta.

Vakalagi 13:18

Engelosi wa Yahova yamuvolera, “Kigira ki oteeva kumanya lieta liange? Ni lieta liokogenyia.”