Likunula 19:11 - KITABU KITAKATIFU

¹¹ Maku ndaalora ligulu ni liigulikaa; kandi ndaalora, ibarasi indavu. Muhiri wayo alangangwa Umusuuvirifu nu wi Ligali. Akalagaa kandi muvulungi kandi alwaana iliihi lilie.

Likunula 19:11 Iomraidhean Croise

Zaburi 50:6

Ligulu liosi limanya ndi, Nyasaye aveeye mulungi, kandi niye umwene ukalagiraa avandu veve.

Zaburi 96:13

lwa Yahova yaza kwamiiha lirova. Alamiiha avandu vi lirova ni likalaga lirungi kandi nagiligali.

Zaburi 98:9

kigira Yahova yaazaa kwamiiha lirova. Alamiiha avandu vi lirova ni likalaga lirungi kandi nilikalaga lilahi vugira liyaanzilira.

Zaburi 99:4

Ivi oveeye mwami wizingulu ligali uyanzaa agaveeye malungi; umali kusingiriza likalaga lirungi mu kivala cha Isiraeli; umali koleta vulungi kandi likalaga lia giligali vugira liyaanzilira.

Kutwula 15:3

Yahova aveeye wuvulwaani; Lieta lilie ni Yahova.

Isaya 32:1

Lidiku lilala alakaveho Mwami uliamiihi ni likalaga lirungi, kandi aviimiliri vizihiiri valakimiliri nu vulungi.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Ezekieli 1:1

Ku lidiku lia katano ku mweli gwa kane mu muhiga gwa salasini, Inzi Zacheli musaalisi, mwana wa Buzi, ndaamenya harara na Vayuda vahaminywa ahimbi nu mugera gwa Kebari mu kivala cha Babiloni. Ligulu liakunuluka, na ndaalora malola ga Nyasaye.

Zekaria 1:8

Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu.

Yohana 1:51

Yeso yaazizagilira kovora, “Agiligali muvooleraa, Mulalora ligulu niliguliywi nizingelosi va Nyasaye nivanina nu kwika kutura ku Mwana wa Adamu.”

Yohana 14:6

Yeso yamutivulira, “Inzi niyio inzira, agiligali kandi livamwoyo. Sihaveeyeho nu mundu unyala kuzia ku Baba natavitiyi ku inzi.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 11:19

Litembeli lia Nyasaye iliveeye mwigulu ligulwa. Lisandugu Litakatifu lia amalago geege lie lilagana lialoleka. Maku, liali ho nilihemahema lie zimbeni, ni mioyo, ni lihirigana lie zinguba, ni lidegera lie lirova, ni imbura ya magina manene.

Likunula 19:19

Maku ndaalora kandi iking'ang'a, avami vi lirova na amahi gaavo, ni vavugani harara kulwaana iliihi na uyu uwikaye ku ibarasi, kandi ku amahi geege.

Likunula 19:21

Amahi gaavo giitwa ni kivavi ikituraa mu munwa gwa uyu wahila barasi. Amanyonyi goosi gaalia zinyama zie miviri jaavo.

Likunula 3:14

“Ng'odera engelosi wi likanisa liveeye mu Laodikia: “Yaga nigo makuva kutura ku Amini, umulolekizi umusuuvirifu nu wi ligali, oveeye uvutangiliru vwi vilombe viosi via Nyasaye yalomba.

Likunula 3:7

“Ng'odera engelosi wi likanisa liveeye Filadefia: “Yaga nigo amakuva ga uyu oveeye umutakatifu, nu wi ligali. Aveeye nu lufungu lwali lwa Daudi, kandi cha oyo amali kwigura sihaveeye ho nunyala kuhana mba, gwa mali kuhana sihaveeye ho nu unyala kwigura mba.

Likunula 4:1

Inyima wa yago, ndaali na malola gandi, ndaalora kiliango ni kiguliki mwigulu. Mwoyo gwa ndaali nimbuliyi mu litanga nigovolerana ninzi kuli kisiriva, gwavoola, “Yanigira yinu, nainzi ndakumanyia ivindu viduukana vikoleke lwinyima.”

Likunula 6:2

Ndahenza nindora ibarasi indavu! Muhiri wi barasi yaali nu vuta kandi yahevwa itaji. Kunangwa yatura kugihira kuli umuguuti uzizagilira kuguuta.