Likunula 18:23 - KITABU KITAKATIFU

²³ Uvulavu vwi itaya sivulaaka mu ivi kandi mba; mwoyo gwa osereywi, nu gwumwiha sigulihulirwa mu ivi kandi mba. Avakiranyi vovo vaali avanene ligali kuvita avilirova liosi. Ivi wagaada zihiiri ku lirova nu vukumu vuvwo.”

Likunula 18:23 Iomraidhean Croise

2 Avami 9:22

Lwa Joramu yalora Jehu, yamuteeva, “Jehu, uzi mu mirembe?” Jehu yativura, “Mirembe ginyala ndi kuva ho lwu vusigitiri ni lisigamira misambwa ja mama woovo Jezebeli yatangiza liveeye linyingi?”

Ayubu 21:17

Ni haali kanga Itaya ya vachamu isiminyangwa? Ni haali kanga mulala kuvo yaanyoolaku kivi? Naho ni kanga Nyasaye yavaha mageri mu vutima vwivwe.

Tsing'ano 24:20

Mundu mudamanu siaveeye novomenyo mba, Itaya yu mundu muchamu ilasima.

Isaya 23:8

Yaali vwaha uyu, uwalohiza kwononyia Lidaala linene lia Tiro, lidaala liali linene ligali, iliavakiranyi valio vaali avanene, avasaza vaali vuluyali olonene ligali mu lirova?

Isaya 47:9

Navuzwa mu ing'inga indala kandi mu lidiku lilala, mulakuza harara na avana vinyu vosi, kali niiva muveeye ni zinguru zinene kandi zinyingi ziu vukumu kandi uvusigitiri.

Jeremia 16:9

Hulira aga inzi, Yahova Wuvunyali, Nyasaye wavandu va Isiraeli mbora. Inzi ndaheriza uvusangari kandi uvuyanzi vwa oyo osererwa kandi osereraa. Avandu hano valakave mwoyo kolola yaga kwekoleka.

Jeremia 25:10

Ndatuliza kuvo uvusangari kandi uvuyanzi vwa yavo osererwa kandi osereraa, kandi uvulavu kuli vwi itaya vulatula kuvo harara ni viukulia.

Jeremia 7:34

Kivala yiki kilagwa ichangalangwe. Mu madaala amanene gi Ivuyuda kandi mu zinzira zia Jerusalemi, ndaheriza uvusangari kandi uvuyanzi vwa oyo osererwa kandi osereranga.

Nahum 3:4

Munyi avandu va Nineve, muveeye vuzwa kuli amalaya mutumikiraa ovologi nu vusigitiri kuyaanziza kandi kotega zihiiri.

Vikolwa 8:11

Vamuhuliriza ligali, kigira yavagenyia nu vusigitiri vwivwe ku ing'inga indambi.

Likunula 12:9

Ogoyoka gonene yigwo gwagululwa hasi ku lirova harara ni zingelosi vagwo kutura mwigulu. Nagwo gulaangwa enzoka ya kale; kandi gulaangwa Ibilisi kandi Setani; uyu ugadaa vandu avu mu lirova vosi.

Likunula 17:2

Avami vi lirova liosi vaakora ovoheyi naye, kandi avandu vamenya mu lirova avahambiki kutura ku linwa iwaini yo ovoheyi vwivwe.”

Likunula 17:5

Mu uvweni vwivwe: yaali ni lieta ling'odeywi lie kivuni chalio chaviswa, “Babiloni enene mama Munene wa malaya goosi kandi mama wu vuvihilirizi vwi lirova.”

Likunula 18:22

Imioyo ja avakubaa uvukana, na avimbaa zinyimbu, na avakubaa amarere, na avakubaa marere, si valakahuliri mu ivi mba. Avasiza vosi, ku vusiza vwosi, sivaliloleka mu ivi kandi mba.

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”

Likunula 18:9

Avami vilirova, avaheyaa naye na avaamenyaa naye vugira kwiyigalira, liegomba liu umuviri, valasioma nu kulira ing'inga valilola mwoki gwi lisaambwa lie lidaala yilio.

Likunula 21:8

Navuzwa avuvuti, avatasuuvira avavihilirizi, aviiti, avaheyi, avakumu, avasigamiraa misambwa, na avavehi vosi uvwiyangu vwavo vulakave munyanza isambaa nu muliru kandi kibiriti; yilio nilio ilikuza lia kaviri.”

Likunula 22:15

Ichova ziveeye yo zimbwa, avakumu, avaheyi, aviiti, na avasigamiraa imisaambwa, kandi yava vosi avayaanzaa kovora ovovehi.

Likunula 22:5

Uvudiku sivulakave ho mba, kandi sivalakenye uvulavu vwi itaya, anoho vwi liuva mba kigira Mwami Nyasaye alakave uvulavu vwavo, navo valakamihi mihiga ni mihiga.

Likunula 6:15

Maku avami vanene vi lirova, vimiliri vuvulwani avatugi, vizingulu na avatugwa vosi harara na vandu vosi avaveeye avavoholore, viivisa mu zimbangaywa nu mu magina gi vigulu.

Likunula 9:21

Kandi siviganira ku vwiti vwavo kuvukumu vwavo, kovoheyi vwavo, anoho ku uvwivi vwavo mba.