Likunula 18:14 - KITABU KITAKATIFU

¹⁴ Avakiranyi vamuvolera, “Ivindu viosi ivilahi nu uvutugi vwosi vwu mwoyo gugwo gwenyaa gove navio, nu vwituliru vuvwo, vimali kogota ku ivi, na siulavinyoola kandi mba.”

Likunula 18:14 Iomraidhean Croise

Zaburi 106:14

Navuzwa vizura likayirwa linene lie chukulia mu changalangwe, ma nivageriza Nyasaye.

Zaburi 78:18

Vasavira ligali kogeriza Nyasaye mu mioyo jaavo, ku liteeva vahevwe viukulia kuzinguru via vakayirwa kulia.

Livalidza 11:34

Kulwayago, havundu yaaha halangwa lieta “Kibirozi Hataava”, kigira vaayaviraho miviri ja vandu avaari ni likayirwa lie zinyama.

Livalidza 11:4

Vaaliho avageni vandi kologendo harara na vandu va Isiraeli. Vaali ni liegomba linene kulia inyama; kali avandu va Isiraeli vene vatanga kwililira nivavoora: “O, kwakaveeye ninyama kwalia!

Matayo 11:8

Mwazia kolola ki? Mwazia kolola umundu wiviika izinguvu zindahi kandi zing'ereng'anu? Avandu vivikaa zinguvu zindahi vamenya mu zinyumba zia avami vanene.

Luka 12:20

Navuzwa Nyasaye yamuvolera, ‘Musiru ivi vudiku vwa kalunu ndatuliza livamwoyo liilio. Kunangwa vindu via wavika vilava via vwaha?’ ”

Luka 16:25

“Navuzwa Aburahamu yamutivulira, ‘Mwana wange, wizulizi ndi wanyoola vindu vilahi lwa waali nukikiri mwoyo, na Lazaro nanyoora vindu vidamanu. Kalunu asosiziywi, na ivi oveeye mu vusaliri.

1 Vakorintho 10:6

Yaga goosi gaveeye ekelolero ku kunyi kukwiganihiza kunangwa kuvuli kwegomba kokora uvudamanu kuli yavo vaakora,

Yakobo 4:2

Mukayirwa ivindu, navuzwa simunyoolaa mba, mwetegeki kwita; Mwegombaa ivindu nu umwoyo gwosi, navuzwa simunyoolaa mba, kulwayago, mulembanaa nimulwaana. Simuveeye ni ivindu via mwenya, kigira simutevaa kutura ku Nyasaye mba.

Likunula 18:13

ni viomudalasini, ni vie iliki, ni viekimuli, ni viamaguta, ni viuvubani, ni iwaini, ni via maguta, ni viuvusie uvunyuki, ni via ingano, ni viezing'ombe, ni viamagondi, ni viezibarasi, ni viamagare gu uvulwani, ni via avatugwa, ni vie mioyo ja avandu.

Likunula 18:15

Avakiranyi vanyoola vutugi kutura mulikiranyia mu lidaala yilio, valasingira ihale kigira ubutii vwu uvusaliri vwalio nu kulira nu kusioma,