Likunula 18:11 - KITABU KITAKATIFU

¹¹ Avakiranyi vilirova valiliranga nu kulisiomera, kigira sihaveeyeho nu mundu unyala kugura ivindu viavo mba.

Likunula 18:11 Iomraidhean Croise

Tsing'ano 3:14

Vukala vwalio voveeye vunyingi kuvita vukala vonyoolekaa mu ifeza, voveeye novokonyi kuivi kuvita izahabu.

Isaya 13:19

Lidaala linene lia Babiloni liveeye lilahi ligali kandi liu vukumi vwu uvwami uvulahi kuvita amadara gandi goosi, liveeye lidaala liu kuyaanziza avandu valio. Navuzwa inzi, Yahova ndalidiviza kuli ndakora ku amadara manene ga Sodoma na Gomora.

Isaya 47:15

Yava ni vakumu kandi avasigitiri, avamwenyereriza zing'anagani kutura kuvo, kandi avamwakiranyia navo kutura ni mukikiri avayaayi; vosi valatura ku munyi, mundu mulala sa mulala alazia kunzira yeye yuvuchamu. Sialatigala ho mundu kali mulala amuhonyia mba.”

Ezekieli 27:9

Avakulundu harara navasiza va Gebali vaali harara ni munyi, avahomeleraa ihura. Zimeri ziosi ziu munyanza harara na vandu vakolaamu miyinzi vaali harara ni munyi, vaakora likiranyia mu zimeri zienyu.

Zefania 1:11

Musiome kandi muliri lwa muhulira yaga, munyi avandu vamenyi kolovega lwindangu wi lidaala linene kigira vakiranyi vosi valakave ni vakuzi.

Zefania 1:18

Ku lidiku yilio lwa Yahova alakamanye vutima vwivwe vululu, kali zifeza ni zizahabu ziavo ziosi sizilakavahonye mba. Muliru gwu vutima vwivwe gu lakadivizi kivala choosi. Nonoho alakaleete keheri ku vuli mundu woosi omenyi ku lirova.

Matayo 22:5

Navuzwa sivavugula mu ologendo mba. Vihambira imiyinzi: mulala mu mulimi gwigwe, wundi mu liduka lilie;

Yohana 2:16

Yavolera avagulizaa amakuulu, “Tulizi vindu yivi yimu. Mutakoli inyumba ya Baba wange kuva havundu hi ichiitu mba!”

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

Likunula 18:15

Avakiranyi vanyoola vutugi kutura mulikiranyia mu lidaala yilio, valasingira ihale kigira ubutii vwu uvusaliri vwalio nu kulira nu kusioma,

Likunula 18:20

Ligulu musangare kulio, na vandu va Nyasaye avatumwa, na avaporofeti; kigira munyi vandu va Nyasaye kandi avatumwa, na avaporofeti. Nyasaye umali kulikalagira kigira ivindu via yamukolera.

Likunula 18:23

Uvulavu vwi itaya sivulaaka mu ivi kandi mba; mwoyo gwa osereywi, nu gwumwiha sigulihulirwa mu ivi kandi mba. Avakiranyi vovo vaali avanene ligali kuvita avilirova liosi. Ivi wagaada zihiiri ku lirova nu vukumu vuvwo.”

Likunula 18:3

Zihiiri ziosi ziahambikizwa kigira iwaini induru yo ovoheyi vwalio; Avami vilirova vakora cho voheyi nalio. Akiranyi kutura mu lirova liosi avagwiyi avatugi, kigira livula kwigalira ovoheyi vwavo.”

Likunula 18:9

Avami vilirova, avaheyaa naye na avaamenyaa naye vugira kwiyigalira, liegomba liu umuviri, valasioma nu kulira ing'inga valilola mwoki gwi lisaambwa lie lidaala yilio.