Likunula 18:10 - KITABU KITAKATIFU

¹⁰ Vasingiyi ihale kigira vatiiyi kusanga mu uvusaliri vwalio. Vavoola, “O, vayaayi, vayaayi! Kivi keveeye ku lidaala linene lia Babiloni, Babiloni, lidaala lie zinguru! Kigira mu ing'inga onyooye mageri!”

Likunula 18:10 Iomraidhean Croise

Isaya 21:9

Nonoho, avandu vazaa! Avandu vanini ku zibarasi, vaviri ku vaviri; Mulindi ahaanaa makuva, “Lidaala lia Babiloni limali kugwa! Vifananyi viosi viavaasigamiraa vigwiyi hasi.”

Isaya 47:9

Navuzwa mu ing'inga indala kandi mu lidiku lilala, mulakuza harara na avana vinyu vosi, kali niiva muveeye ni zinguru zinene kandi zinyingi ziu vukumu kandi uvusigitiri.

Jeremia 30:7

Lidiku liuvudinyu lizaa; sihaveeyeho nilidiku linyala kufwanana nalio mba, ing'inga yuvudinyu ku avandu va Isiraeli, navuzwa valahona.”

Ezekieli 32:9

“Avandu vanyingi valahenda mwoyo lwandakakuhili mu lihaminywa hagati hi zihiiri, muvivala via ivi ukikiri kumanya.

Joeli 1:15

Lidiku lia Yahova liveeye ahimbi; lidiku liu Wuvunyala aleetaa lidiviza. Nuvutihizi vwalugano ki vuliduuka lidiku yilio!

Amosi 5:16

Kunangwa Yahova Nyasaye Wanyala Viosi avoora, “Lilavaho lilira ni lisioma lie liverera mu zinzira zia madaala manene, kali avalimi valalangwa kuzia kusiomera avakuzu na avaveeye nelimanya liokusioma.

Livalidza 16:34

Avandu vosi va Isiraeli vaali ni vaveeye ho viiruka lwa vahulira lilira liavo. Vahanzuka nivavoora, “Yiruki! Lirova linyala kukumila kandi!”

Likunula 11:8

Miviri jaavo jilakalambiri kunzira yi lidaala linene ahu Mwami wavo yavambirwa. Lidaala yili liveeye kifananyi chu mu Roho ku Sodoma anoho Egebeti.

Likunula 14:8

Engelosi wa kaviri yavoola, “Ligwiyi, ligwiyi, lidaala linene lia Babiloni lianwehiza zihiiri iwaini yalio, iwaini induru yi likayirwa lio ovoheyi.”

Likunula 16:19

Lidaala linene lia Babiloni liavukanywa mu vidonye vivaga, kandi amadara gi izihiiri gaasambwa. Nyasaye yizuliza lidaala lia Babiloni naaliha kekombe chi iwaini linwi, amageri gu uvutima vwivwe ovonene.

Likunula 17:12

“Zinziga likomi zia walola ziveeye avami likomi, avakikiri konyoora zinguru ziu kutanga iliamiiha, navuzwa avaazaa vahevwe uvunyali kwamiiha kuli avami, ku ing'inga yi isa ndala harara ni king'ang'a.

Likunula 18:18

Vaalira lwa valora mwoki gwi lisaambwa lialio, nivavoora; “Lidaala ki iliali kuli lidaala linene yili?”

Likunula 18:19

Viyuhira uluguchi ku imitwi jaavo, ni vaahanzuka, nivalira nu kusioma, nivavoora, “O, Vayaayi! Vayaayi! Kivi keveeye ku lidaala linene! Liveeye lidaala linene lia vosi avaveeye ni izimeri ku zinyanza vanyoola vutugi kigira uvuhinda vwalio. Kandi mu isa ndala vuzwa limali kogotiza ivindu viosi.”

Likunula 18:21

Maku engelosi yi zinguru yaginga ligina kuli ulugina lonene, ma naalilasa munyanza navoora, “Ivi lidaala linene lia Babiloni lilakalaswe vudinyu hasi kandi sililakaloleke mba.

Likunula 18:8

Kigira yaga, alakahaane amaduywa lidiku lilala, agaveeye uvulwaye, likuza, ni liverera, ninzara. Kandi alasaambwa nu muliru ligali; kigira umukalagiraa ni Umwami Nyasaye, niyie oveeye ni zinguru.”