Likunula 17:3 - KITABU KITAKATIFU

³ Kunangwa ndizulwa na Roho kandi engelosi yang'inga niyambira mu changalangwi. Ndaalora mukali niyikaye ku king'ang'a ichakanyu. King'ang'a yicho chaali chizuuyi amita go konyega Nyasaye, agang'odwa ku muviri gwacho gwosi. Iking'ang'a zana chaali ni mitwi saba kandi ni zinziga likomi.

Likunula 17:3 Iomraidhean Croise

1 Avami 18:12

Galava ki niiva Roho wa Yahova gulakuvugula gukuhili kuduuka havundu hatamanyikani, nonoho lwa mba nindula? Maku, lwambolera Ahabu ndi oveeye hano ma avuli kukonyoola, alaanzita. Wizulizi ndi ndaasigamira Yahova kutura mu vosooleri vwange.

2 Avami 2:16

ni vavoola, “Koveeye hano avasaza vi zinguru amusini. Leka kuzie kukwenyera munene woovo. Hawundi Roho wa Yahova umugingi nu kumusigisa ku kiguru kilala anoho mu livona lilala.” Elisha yativura “Awa, mutazia mba.”

Lwimbu lwa Solomoni 8:5

Nivwaha uzaa kutura mu changalangwi, vagumilani nu muyanze weve? Ndakuvukiza nogonaa muchiriri chu musaala gwu mukuyu, hamama wowo yakoverekera, hayaali ni numwa na kwivulilwa ho.

Ezekieli 11:24

Mu amalola, roho wa Nyasaye yang'inga igulu kandi niyanziranyia inyima ku vandu vaali nuvuhambe mu Babiloni. Maku malola gatulizwaho,

Ezekieli 3:12

Maku Roho wa Nyasaye yang'inga igulu, kandi ndaahulira inyima wange muhuumu munene gwu mwoyo ugovolaa ndi, “Uvukumi vwa Yahova mwigulu igulu vwizominywe!”

Ezekieli 8:3

Kelombe yiki chanyiira mukono nigudiila liisu ku mutwi gwange. Maku mu malola yaga Roho wa Nyasaye yang'inga igulu mwigulu niyambila mu Jerusalemi. Yambira mugati mwuvwingiliru vwa Ivaale vwi Litembeli, ahikifananyi chukuvihiliriza ku Nyasaye chaali.

Danyeli 11:36

“Mwami wa Siria alakakole kuli aliyaanza. Alakigingiliri no kovora ndi oyo, aveeye munene kali kuvita munyasaye Wundi woosi, munene kali kuvita Nyasaye Wuvunyali. Alakave nuvunyari kokora ndio kuduuka lwi ing'inga iliduuka lwa Nyasaye alakahaane kuye mageri. Nyasaye alakakole kuli yamali kolohiza.

Danyeli 7:20

Ndeenya kandi kumanya kigira zinziga likomi ku mutwi nu lwiga lwamera lwinyima nu kutuura zinziga zindi zivaga. Lwali ni zimoni kandi munwa gwu kwidaya no kwevoora. Chaali king'ang'a chu kutihiza kuvita ving'ang'a vindi.

Danyeli 7:25

Alakachaye Nyasaye wu mwigulu kandi kudambiza vandu veve. Alakagelizi kugirung'anyia malago gi dini kandi masavo. Alakimiliri vandu va Nyasaye ku mihiga givaga ni nusu.

Danyeli 7:8

Lwa ndaali ningiheenza ku zinziga, ndaalora lwiga lundi lukekeeke lumeraa hagati mu zindi. Lwatandulanyia zinziga zivaga ziali nizimali komera. Lwiga yilu lwali ni zimoni kuli ziu mundu na munwa gwamolomaa nu vwelori.

Matayo 27:28

Vaamutuliza izinguvu zizie, navamuviika inguvu inzakanyu.

Vikolwa 8:39

Lwa vaatura mu mazi, Roho wu Mwami yavugula Filipo vwangu, kiziri oyo si yamulola kandi mba, navuzwa yaazizagilira nologendo lwilwe ni yizuuyi uvusangari.

2 Vatesalonike 2:4

Alahing'ana na yivio viosi ivilangwa nyasaye, anoho viosi visigamirwa; na aliviika umwene kuva igulu wavio viosi. Alingira nu kwikala mu Litembeli lia Nyasaye, nu kwekola umwene ndi aveeye Nyasaye.

Likunula 1:10

Ndaali mu Roho ku lidiku liu Mwami, ni mbulira mwoyo munene inyima wange kuli kisiriva,

Likunula 12:14

Mukali yahevwa izimbaha ziviri zie indizu enene, aduuki kuburukira nu kwirukira mwigendanyama havundu halindirwi ku mihiga 3.5 kutura kogoyoka gonene ugwaakanyu.

Likunula 12:3

Kelolekizu kindi chokogenyia chaloreka mwigulu. Henza, gwaali ho ogoyoka gonene gwakanyu, ni mitwi saba kandi ni zinziga likomi; ku mitwi jagwo gwaali ni zitaji kandi zisuywa saba.

Likunula 12:6

Umukali oyo yirukira mwigendanyama, havundu ha Nyasaye yaali namulombeeye alindirwi ho ku ing'inga ya madiku 1,260.

Likunula 17:18

“Umukali wa walola aveeye lidaala linene zana, iliamiiha avami vi lirova.”

Likunula 17:4

Umukali oyo yaali niyiviiki inguvu yi ligondo liu muzambarao kandi inzakanyu. Yaali niyiisiahi ni zahabu, kandi amagina amalahi guvuguli. Yaali ne kekombe chi zahabu mu mukono gwigwe ni chizuuyi vuvihilirizi kandi ovoheyi vwivwe.

Likunula 18:12

Sihaveeyeho nu mundu ugula ivindu vie zahabu, ni viefeza, nivia magina malahi guvuguli mba. Ivindu viavo vie zinguvu zie katani indahi, ni vie zinguvu zinzesereru, ni vie zinzakanyu, kandi ivindu viavazwa vie misaala josi jifunya umwayu kandi iviju viosi vialombwa ku amiinu gi zinzogu, kandi iviju viosi nu musaala mulahi gwu vuguli ligali, ni viumugasa, ni viekivia, ni viamarimari,

Likunula 18:16

“O, vayaayi! Lidaala linene yilio! Liali nilianala kwivika zinguvu zie katani, ziomusambarao ni izinzakanyu, nu kwikunika nivialombwa ni zahabu, amagina amalahi kandi zilulu!

Likunula 21:10

Ndaali kandi mu Roho, na engelosi yang'inga nimbila mu kiguru kenene kandi kitaambi. Yamanyia Jerusalemi, Lidaala Litakatifu likaa kutura mwigulu ku Nyasaye.

Likunula 4:2

Nonoho ndiizura Roho, mwigulu yimwo, yaliho endeve yu uvwami mulala yikala kuyo.