Likunula 17:14 - KITABU KITAKATIFU

¹⁴ Avami likomi zana harara ni king'ang'a valalwaana Mwana wi Ligondi, navuzwa Mwana wi Ligondi, harara na valondi veve, avayalanga, avayatovola kandi avasuuvirifu; alavaguuta kigira aveeye Mwami wa avamihi.”

Likunula 17:14 Iomraidhean Croise

Zaburi 110:5

Yahova aveeye ha mukono gugwo mulungi; lwa asinyika aladuvulanyia avami.

Jeremia 1:15

kigira ndalaga zihiiri ziosi kuza kutura Ivaale. Avami vaavo valalomba uvwami vwavo ha vwingiliru vwi virivwa via Jerusalemi, kandi ku zimbega ziosi zia amadigi, kandi ku zimbega ziosi zia amadara gi Ivuyuda.

Jeremia 1:19

Avandu yava valakulwaana, navuzwa si valakuguuta mba, kigira mbeeye harara na ivi na ndakukinga. Inzi Yahova mali kovora.”

Jeremia 50:44

“Kuli isimba itulaa mu mulitu munene ahimbi nu mugera Jorodani nukuzia mukivala chuvwayiru vuvisi, Inzi, Yahova ndaaza kandi ndakora avandu va Babiloni nonoho kunyagula nu kuzia ihale kutura mu lidaala liavo. Maku mwimiliri wa Inzi nandovole alakamiihi ihiiri. Nivwaha unyala kufwananywa ninzi? Nivwaha wakaagelani ninzi? Mwami ki wakahing'ani ninzi?

Danyeli 2:44

Nyasaye wu mwigulu alakasingilizi vwamihi vulivula kohera ing'inga ya vami yavo. Vwami yivu si vuliguutwa mba, navuzwa vulakadivizi vwamihi vundi vwosi, maku vulakave ho mihiga ni mihiga.

Danyeli 2:47

Mwami yavoola, “Nyasaye woovo aveeye munene kuvita vanyasaye vandi vosi, kandi aveeye munene kuvita avami, kandi niyie uvula viokogenyia vievisa. Inzi manyi yaga kigira waali nu vunyali kwivaala viokogenyia vievisu yivi.”

Danyeli 7:21

Lwa ndaali ningiheenza, lwiga yilwo lwaloomba liihi na vandu va Nyasaye kandi lwavaguuta.

Zekaria 2:8

Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Matayo 22:14

Yeso yamaliriza ni livoora, “Avanyingi valangwa, navuzwa avakeekeke vaatovoleywi.”

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 28:18

Yeso yisunda ahimbi kuvo navavoolera, “Mbeeveywi zinguru ziosi mu ligulu kandi mu lirova.

Yohana 15:16

Munyi simwandovola mba; navuzwa inzi ndamutovora kandi nimutuma muzie kwama makuyu manyingi kandi makuyu ginyu gahindiri; kunangwa Baba aduuki kumuha choosi cha muteeva mu lieta liange.

Varumi 1:6

Munyi avaveeye mu Rumi muveeye valala ku vandu yavo, ava Nyasaye amali kulanga muve ava Yeso Kristo.

Varumi 8:30

Kunangwa yavo ava Nyasaye yaahula, yavalanga; navo avayalanga, yavakola vave avalungi harara naye, kandi yaasanga uvukumi vwivwe harara navo.

Varumi 8:37

Awa, mu vindu yivi viosi, koveeye vaguuti ligali, kuvitira mu uyu wakuyanza!

1 Vakorintho 15:24

Maku ekeheri kilakaduuki; Kristo alakadivizi mademoni gamiihaa mu vwerefu goosi, vuvunyali vosi, harara na vizingulu vosi, kandi alakahaane uvwami ku Nyasaye Baba.

Kwidzulitsa 10:17

Kigira Yahova Nyasaye winyu aveeye Nyasaye wavanyasaye vosi; kandi mwami wa avami, Nyasaye munene, wizingulu kandi wukutihiza; uvula kumanyia liyaanzilira avandu valala kuvita avandi kandi siavugilira kuvugura viambeti mba.

1 Petro 2:9

Navuzwa munyi muveeye ihiiri etovoleywi, avasaalisi vu Mwami, avandu avatakatifu, avandu va Nyasaye mwene, yavo avatovolwa valandizi uvulahi vwa Nyasaye, uyu wamulanga munyi muturi mu kisundi muduuki mu vulavu vwivwe vwokogenyia.

Likunula 1:5

kandi kutura ku Yeso Kristo oveeye mulolekizi umusuuvirifu, wukutanga kusimugukizwa kutura mu vakuzu, kandi aveeye mwami wa avami vanene vi lirova. Yakuyaanza kandi nakovoholola kutura muvwoni vwitu; na masahi geege

Likunula 11:7

Lwa vamala lilwaza liavo, king'ang'a kitulaa mugehena kilavalwaana, nu kuvaguuta, kandi kuviita.

Likunula 16:14

Kigira jiveeye roho ja mademoni, ijikolaa vilolekizu. Roho midamanu jivaga yigi jizizaa ku avami vosi vu mu lirova liosi, kuvavuganyia harara kigira uvulwani vwi Lidiku lie Likalaga lia Nyasaye Wuvunyali.

Likunula 2:10

Utatia ivindu vienya kukugwira: Henza, ngovolera, Setani aveeye ahimbi kuviika valala ku munyi mu uvuhambe, muduuki kugerizwa; kandi mulava ni lidambizwa ku amadiku likomi. Ove umusuuvirifu ku inzi kuduuka kali ku likuza; nainzi ndakuha itaji yi livamwoyo.

Likunula 2:13

Inzi manyi homenyi, ha Setani aveeye ne endeve yu uvwami vwivwe. Navuzwa oveeye wa giligali ku inzi. Ivi si waleka lisuuvira liilio mu inzi mba kali mu amadiku ga Antipa mulolekizi wange umusuuvirifu yitirwa hagati hinyu aha Setani amenyaa.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.